APII 41
Eaa ta te Pipiria e Karanga ra no te Pirianga Āinga?
E maata te tangata kare ratou e reka ana i te pukapuka no te pirianga āinga. Inara, te akakite ra te Pipiria i te reira ma te tika e te ngateitei. Ka puapingaia tatou mei te reira. E manako meitaki tikai to te reira. E tikai, na Iehova tatou i Anga. Kua kite aia tei meitaki no tatou. Akakite mai aia eaa ta tatou ka rave no te akamareka iaia e akapeea e rauka ai te oraanga mataora e tuatau ua atu.
1. Eaa to Iehova manako no te pirianga āinga?
E apinga aroa te pirianga āinga no ko mai ia Iehova. Te anoano maira aia kia mareka te tane e te vaine akaipoipo ia raua uaorai. E apinga aroa teia ki te au tokorua kia anau i te tamariki e kia akaari i to raua inangaro na roto i tetai pirianga manea. No reira te Tuatua a te Atua i akakite ei: “Kia rekareka koe i te vaine o toou ou anga ra.” (Maseli 5:18, 19) Te tapapa maira a Iehova i te au Kerititiano akaipoipo kia tiratiratu ki to ratou tokorua, e auraka e akaturi.—E tatau ia Ebera 13:4.
2. Eaa te pirianga āinga tau kore?
Te akakite maira te Pipiria ‘kare te aronga kanga [āinga tau kore] e noo i te basileia o te Atua.’ (1 Korinetia 6:9, 10) Kua taangaanga te aronga tata Pipiria i te tuatua Ereni por·neiʹa kia akataka i te pirianga āinga tau kore. Te kapiti maira te reira tuatua i te (1) te pirianga āinga a i rotopu i te aronga kare i akaipoipo, (2) te oraanga homosexual, e te (3) te pirianga āinga ki te manu. Me kopae tatou i te āinga tau kore e ‘kia kore e akaturi’ ka akamareka tatou ia Iehova e ka puapingaia tatou.—1 Tesalonia 4:3.
KIMI OONU
Akamanako akapeea koe me kopae i te pirianga āinga tau kore e kia puapingaia koe me vai mā ua i te pae o te tu akono.
3. Rere ke atu mei te pirianga āinga tau kore
Kua patoi te tangata tiratiratu ko Iosepha i tetai vaine tei inangaro i te piri āinga kiaia. E tatau ia Genese 39:1-12, e oti uriuri i teia au uianga:
-
Eaa tei akakeu ia Iosepha kia oro ke atu?—Akara i te irava 9.
-
I toou manako kua rave ainei a Iosepha i te iki anga tau? Eaa ra?
Akapeea te au mapu me aru i te akaraanga o Iosepha kia oro ke atu mei te āinga tau kore i teia tuatau? Akatangi i te VITIO.
Inangaro a Iehova ia tatou kia kopae i te āinga tau kore. E tatau ia 1 Korinetia 6:18, e oti uriuri i teia au uianga:
-
Eaa te au turanga te ka taki atu ki te āinga tau kore?
-
Akapeea koe me oro ke atu i te āinga tau kore?
4. Ka rauka ia koe te patoi i te timata anga
Eaa i ngata ai kia patoi i te timata anga no te āinga tau kore? Akatangi i te VITIO, e oti uriuri i te uianga ka aru mai.
-
Te kite anga te taeake i roto i te vitio e ka riro tona au manako e tana e rave ra kia tiratiratu kore aia ki tana vaine, eaa tana i rave?
Ka ngata rai i te au Kerititiano tiratiratu kia vai mā ua te manako. Akapeea koe me kopae i te au manako āinga tau kore? E tatau ia Philipi 4:8, e oti uriuri i teia au uianga:
-
Eaa te au mea ta tatou ka akamanako?
-
Akapeea te tatau Pipiria e te maroiroi i te tavini ia Iehova te tauturu anga ia tatou kia patoi i te timata anga kia rave i te ara?
5. Puapingaia tatou mei te au turanga o Iehova
Kua kite a Iehova i tei meitaki no tatou. Te akakite maira aia akapeea tatou me vai mā ua e kia puapingaia. E tatau ia Maseli 7:7-27 me kore akatangi i te VITIO, e oti uriuri i te au uianga ka aru mai.
-
Akapeea te mapu tane te o anga ki roto i te timata anga?—Akara ia Maseli 7:8, 9.
-
Ia Maseli 7:23, 26, ka tupu te kino maata mei te pirianga āinga tau kore. Me vai mā ua ra tatou, eaa te au manamanata ka kopaeia?
-
Akapeea te tu mā i te pae o te tu akono me tauturu ia tatou kia rauka te oraanga mataora e tuatau ua atu?
Manako tetai pae kare o te Pipiria aroa no te aronga homosexual. Inara te inangaro maira te Atua aroa ko Iehova ia tatou kia rauka te oraanga mataora e tuatau ua atu. Ka rauka te reira me aru tatou i tona au turanga. E tatau ia 1 Korinetia 6:9-11, e oti uriuri i teia uianga:
-
I to te Atua manako, ko te au anoano homosexual ua ainei te au anoano tau kore?
Ei akamareka i te Atua, ka anoanoia tatou kia taui. Ka paunaia ainei te taime? E tatau ia Salamo 19:8, 11, e oti uriuri i teia au uianga:
-
I toou manako e meitaki ainei to Iehova au turanga tau? Eaa ra, e eaa ka kore ei?
E manganui ta Iehova i tauturu kia aru i tona au turanga tau. Ka tauturu rai aia ia koe
KARANGA TE TANGATA: “Te mako ua ra te pirianga āinga ki tetai ua atu.”
-
Eaa toou manako?
APIIANGA
E apinga aroa no ko mai ia Iehova te pirianga āinga ki te tane akaipoipo e tana vaine.
Uriurianga
-
Eaa te pirianga āinga tau kore?
-
Eaa te ka tauturu ia tatou kia kopae i te pirianga āinga tau kore?
-
Akapeea tatou e puapinga ai me aru i te au turanga meitaki o Iehova?
KIMI KIMI
Apii kia kite eaa te Atua i anoano ei i te au tane e te au vaine tei noo kapiti kia akaipoipo.
“Eaa ta te Pipiria e Karanga ra no te Noo Kapiti Kare e Akaipoipo?” (Web atikara)
Apii kia kite kare te turanga a te Pipiria e akatupu ana i te makitakita ki te aronga homosexual.
Apii kia kite akapeea te au ture a te Atua no te pirianga ainga me paruru ia tatou.
“E Pirianga Āinga Ainei te Āinga na Roto i te Vaa?” (Web atikara)
I roto i te tua “Akono Ratou Iaku ma te Tu Ngateitei,” akara eaa tei akakeu i tetai homosexual kia taui i tona oraanga no te akamareka i te Atua.
“Taui te Pipiria i te Oraanga” (Te Punanga Tiaki, Aperira 1, 2011)
a Te au pirianga tau kore mei te pirianga āinga na roto i te vaa e te ara repo, e te amirimiri i te mero āinga o tetai.
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
