LESON 41
Kosa la Bib i di su la séksualité ?
Na in bonpe d’moun lé jéné kan i koz su la séksualité. La Bib i pas pa par 4 chemin é i koz de sa èk réspé. Sak li di su la séksualité lé pou nout bien. Jéova lé nout Kréateur é li koné sak lé méyeur pou nou. Avoir le mèm pansé ke li su la séksualité i pèrmèt onor ali é avoir léspoir viv pou toultan.
1. Koman Jéova i konsidèr la séksualité ?
La séksualité lé in kado ke Jéova i fé pou bann moun maryé. Kado la i pèrmèt in mesieu é in madam fé zanfan, é osi fémont zot lamour é zot laféksion pou inn é lot. Dayeur, la Bib i di : « Trouv kontantman èk le madam de out jenès » (Provèrb 5:18, 19). Jéova i ve ke in mari é in madam lé fidèl anvèr inn é lot é ke zot i tronp pa zot konjoin èk in not moun (lir Ébreu 13:4).
2. Kèl konduit séksuèl Bondieu i détès ?
La Bib i di ke « sak i fé bann péché séksuèl [...] va pa érit le roiyom Bondieu » (1 Korintien 6:9, 10). Kan i di « bann péché séksuèl » lé in traduksion le mo grèk pornéïa. Mo la i ve dir 1) bann relasion séksuèl a ant 2 moun ke lé pa maryé, 2) lomoséksualité é 3) bann relasion séksuèl ant in moun é in zanimo. Sak i ‘retien ali pou fé bann péché séksuèl’ i gingn bann bienfé é la bénédiksion Jéova (1 Tésalonisien 4:3).
ALON APRANN PLUS
Alon voir koman rès pur dann domèn séksuèl é kèl bienfé sa i aport.
3. Rejèt tout bann péché séksuèl
Jozèf, in jeun jan ke i ièm Bondieu, la sobat pou rès moralman pur. Lir Jenèz 39:1-12 é koz su bann késtion la :
-
Poukosa Jozèf la kouri ? (gard le vèrsé 9).
-
Èske ou pans ke Jozèf la pran le bon désizion ? Poukosa ?
Koman bann jeun i pe fé parèy Jozèf é rejèt tout bann péché séksuèl ? Gard le VIDÉO.
Jéova i demann tout son bann zadorateur rès pur. Lir 1 Korintien 6:18 é koz su bann késtion la :
-
Kèl situasion i pe amèn in moun fé in péché séksuèl ?
-
Koman ou pe rejèt tout bann péché séksuèl ?
4. Lé posib rézis la tantasion
Rézis la tantasion fé in péché séksuèl i demann bann zéfor. Kosa i pouré rann sa plu difisil ? Gard le VIDÉO é koz su le késtion ki vien apré.
-
Kosa le frèr la fé kan li la rann ali kont ke son konportman té sa amèn ali èt infidèl ?
Nadfoi mèm in moun ki ièm Jéova, i doi sobat pou anlèv dan son léspri bann pansé ke lé sal. Kosa i fo fé pou pa lès in pansé ke lé sal rès dan nout tèt ? Lir Filipien 4:8 é koz su bann késtion la :
-
Kèl kalité zafèr i devré okup nout léspri ?
-
Poukosa lir la Bib é èt bien okupé dann sèrvis pou Jéova i èd anou rézis bann tantasion ?
5. Jéova la mèt an plas bann rekomandasion pou nout bien
Jéova i koné sak lé méyeur pou nou. Li di anou sak i fo fé pou rès moralman pur é bann bénédiksion ke sa i aport. Lir Provèrb 7:7-27 oubien gard le VIDÉO é koz su bann késtion ki vien apré.
-
Poukosa le jeun garson la retrouv ali dan in situasion danjereu ? (gard Provèrb 7:8, 9).
-
Dapré Provèrb 7:23, 26, in péché séksuèl i pe avoir bann grav konsékans. Si nou rès pur moralman, kèl problèm nou va évité ?
-
Kèl lien néna ant la purté moral é léspoir viv pou toultan ?
Na in pe i pans ke lé in mank lamour, sak la Bib i di su lomoséksualité. Mé Jéova lé in Bondieu lamour. Li ve ke tout bann zumin i viv pou toultan. Mé pousa, zot i doi suiv son bann rekomandasion. Lir 1 Korintien 6:9-11 é koz su késtion la :
-
Èske lomoséksualité lé le seul konportman ke Bondieu i détès ?
Nout tout nou doi fé bann chanjman pou gingn la bénédiksion Bondieu. Èske sa i vo le kou ? Lir Psom 19:8, 11 é koz su bann késtion la :
-
Dapré ou, èske bann zansègnman biblik ke Jéova i donn su le bien é le mal lé rézonab ? Poukosa ou di sa ?
Kom li la fé pou in bonpe d’moun, Jéova i pe èd aou chanjé.
NADFOI DOMOUN I DI : « Du moman 2 moun i ièm azot, lé pa grav si zot i kouch ansanm. »
-
Kosa ou noré réponn ?
SAK NOU LA APRANN
La séksualité lé in kado ke Jéova i fé, pou in mesieu é in madam ke lé maryé.
Alon révizé
-
Dapré la Bib, kosa i lé in péché séksuèl ?
-
Kosa i pe èd anou rejèt tout bann péché séksuèl ?
-
Kèl bienfé néna kan i suiv bann zansègnman biblik su le bien é le mal, ke Jéova i donn ?
GARD SA OSI
Poukosa Bondieu i ve ke in mesieu é in madam ki viv ansanm lé maryé ?
« Vivre en couple sans être mariés : Qu’en dit la Bible ? » (lartik jw.org)
Poukosa sak la Bib i di su lomoséksualité i ve pa dir détès bann zomoséksuèl ?
Poukosa bann loi Bondieu su la séksualité lé in protéksion ?
« Les relations buccogénitales sont-elles vraiment des relations sexuelles ? » (lartik jw.org)
Sak la amèn in lomoséksuèl chanj son fason d’viv (son zistoir « Ils ont respecté ma dignité »).
« La Bible transforme des vies » (La Tour de Garde, 1er avril 2011)
a Bann relasion séksuèl sé osi bann relasion kan i mèt le sèks dan la bouch, kan i mèt le sèks dan le dèryèr é kan i karès le sèks inn é lot.
