ЛЕКЦИЈА 41
Со вакерела и Библија башо секс?
Бут мануша лаџана те керен лафи башо секс. Ама, и Библија керела лафи башо секс ко јекх отворено хем достоинствено начин. Адава со ој пхенела тано башо амаро шукарипе. Адава тано логично соске и Библија авела таро Јехова, кова сој тано амаро Створители хем ов џанела сој тано најшукар аменге. Ов вакерела аменге со ваљани те кера те шај те угодина леске хем те ова бахтале засекогаш.
1. Сар дикхела о Јехова ко сексуална односија?
О сексуална односија тане поклон таро Јехова е манушенге. Ов мангела ко акава те уживинен о ром хем и ромни сој тане заедно ко брако. Акале поклонеа, на само со шај те овен лен чхаве, него хем те сикавен нежност хем мангипе машкар песте. Адалеске ко е Девлескоро Лафи пишинела: „Ов бахтало тле ромњаја колаја со сиан таро тернипе“ (Изреки 5:18, 19). О Јехова очекујнела таро брачна партнерија те овен верна јекх јекхеске хем никогаш ма те керен прељуба. (Читин Евреите 13:4.)
2. Сој тано о сексуално неморал?
Ки Библија пишинела кај „о блудникија... нане те наслединен е Девлескоро Царство“ (1. Коринќаните 6:9, 10). Башо блуд или сексуално неморал о писателија со пишинѓе о грчко дело тари Библија користинѓе о грчко лафи порниа. Ко акава лафи вклучимо тано: 1) о сексуална односија a машкар о мурш хем и џувли со нане заедно ко брако, 2) о сексуална односија машкар о мануша таро исто пол хем 3) о сексуална односија машкар о мануша хем о животне. Кеда цидаја амен таро сексуално неморал адава ка овел башо амаро шукарипе хем о Јехова ка овел бахтало (1. Солуњаните 4:3).
ДОЗНАЈН ПОВИШЕ
Дознајн сар шај те циде тут таро сексуално неморал хем сар адава со ка ачхове морално чисто ка овел башо тло шукарипе.
3. Наш таро сексуално неморал
Е Девлескере верно слугаске е Јосифеске на сине локхо те ачховел морално чисто. Читин 1. Мојсеева 39:1-12, а пало адава керен лафи башо акала пучиба:
-
Соске о Јосиф на мангља те керел сексуално неморал? (Дикх о стихо 9.)
-
Со мислинеа, дали о Јосиф постапинѓа исправно хем соске?
Сар шај о терне авдиве те џан пало е Јосифескоро пример хем те нашен таро сексуално неморал? Дикх о ВИДЕОКЛИПИ.
О Јехова саринендар амендар очекујнела те цида амен таро сексуално неморал. Читин 1. Коринќаните 6:18, а пало адава керен лафи башо акала пучиба:
-
Кола ситуацие шај те анен џи адава некој те керел сексуално неморал?
-
Сар шај те наше таро сексуално неморал?
4. Борин тут против о искушение те кере сексуално неморал
Соске шај те овел пхаро те борина амен против о искушение те кера сексуално неморал? Дикх о ВИДЕОКЛИПИ, а пало адава керен лафи башо акава пучибе:
-
Со керѓа о пхрал кеда халило кај лескере мисле хем постапке шај те анен ле џи ко адава те на овел верно пле ромњаке?
Понекогаш чак о верна христијања боринена пе те шај те икерен пумаре мисле чиста. Со ка поможинел туке одма те фрде о неморална мисле? Читин Филипјаните 4:8, а пало адава керен лафи башо акала пучиба:
-
Башо кола буќа ваљани те размислина?
-
Сар о читибе и Библија хем адава со ка ова зафатиме ки служба башо Јехова ка поможинен аменге те борина амен против о искушение те кера грево?
5. Е Јеховаскере морална мерилија тане амаре шукарипаске
О Јехова џанела сој тано о најшукар аменге. Ов вакерела аменге сар те ачхова морално чиста хем соске адава тано амаре шукарипаске. Читин Изреки 7:7-27 или дикх о ВИДЕОКЛИПИ, а пало адава керен лафи башо акала пучиба:
-
Сар акава терно чхаво чхивѓа пе коркори ко искушение? (Дикх ко Изреки 7:8, 9.)
-
Спрема Изреки 7:23, 26, о сексуално неморал шај те анел страшна последице. Саве проблемија нане те овел амен ако ачховаја морално чиста?
-
Саве берекетија ка добина ки иднина ако ачховаја морално чиста?
Несаве мануша мислинена кај адава со вакерела и Библија баши хомосексуалност тано бут строго хем сурово. Ама, о Јехова о Девел е мангипаскоро, мангела са о мануша те живинен засекогаш. Те шај те живина вечно мора те икера амен ко лескере мерилија. Читин 1. Коринќаните 6:9-11, а пало адава керен лафи башо акава пучибе:
-
Спрема о стихија со читинѓем, дали само о хомосексуална желбе тане неисправна е Девлеске?
Те шај те угодина е Девлеске, сарине ваљани те кера промене. Дали врединела те трудина амен? Читин Псалм 19:8, 11, а пало адава керен лафи башо акала пучиба:
-
Со мислинеа, дали е Јеховаскере морална мерилија тане превише пхаре те шај те икера амен ки ленде? Соске мислинеа аѓаар?
О Јехова поможинѓа буте џененге те живинен спрема лескере морална мерилија. Ов ка поможинел туке да
НЕСАВЕ ШАЈ ВАКЕРЕНА: „Ако дуј џене мангена пе ола шај те совен јекх јекхеа“.
-
Со ка вакере ту?
СО СИКЛИЛЕМ
О сексуална односија тане поклон таро Јехова е ромеске хем е ромњаке сој ко брако.
Сар ка одговорине?
-
Со са вклучинела о сексуално неморал?
-
Со ка поможинел аменге те цида амен таро сексуално неморал?
-
Соске тано башо амаро шукарипе те икера амен ко е Јеховаскере морална мерилија?
ИСТРАЖИН
Читин соске е Девлеске тано важно дуј џене со живинена заедно те овен венчиме.
„Што вели Библијата за заедничкиот живот пред брак?“ (интернет статија)
Дали адава со и Библија вакерела баши хомосексуалност значинела кај амен мрзинаја е манушен кола сој тане хомосексуалција?
„Дали хомосексуалноста е нешто погрешно?“ (интернет статија)
Ко искуство „Се однесуваа со мене со почит“, читин со поможинѓа јекхе хомосексуалцоске те менинел пло живото хем те угодинел е Девлеске.
„Библијата менува животи“ (Стражарска кула таро 1 април 2011)
a Ко акава вклучиме тане различна буќа сар сој сексуална односија, орално секс, анално секс или галибе о полова органија машкар мануша со нане законски ко брако, те шај те задоволинен пумаре сексуална желбе.
Шај исто ка интересинел тут
НАЈЧЕСТА ПУЧИБА
Сар изглединела о библиско курси со нудинена е Јеховаскере сведокија?
Џикоте икерела пе о бесплатно библиско курси, шај те користине било кова превод тари Библија. Ко курси шај те канине некас тари тли фамилија или несаве амале.
