LEKCIJA 41
So vakerela i Biblija bašo seks?
But manuša ladžana te keren lafi bašo seks. Ama, i Biblija kerela lafi bašo seks ko jekh otvoreno hem dostoinstveno način. Adava so oj phenela tano bašo amaro šukaripe. Adava tano logično soske i Biblija avela taro Jehova, kova soj tano amaro Stvoriteli hem ov džanela soj tano najšukar amenge. Ov vakerela amenge so valjani te kera te šaj te ugodina leske hem te ova bahtale zasekogaš.
1. Sar dikhela o Jehova ko seksualna odnosija?
O seksualna odnosija tane poklon taro Jehova e manušenge. Ov mangela ko akava te uživinen o rom hem i romni soj tane zaedno ko brako. Akale poklonea, na samo so šaj te oven len čhave, nego hem te sikaven nežnost hem mangipe maškar peste. Adaleske ko e Devleskoro Lafi pišinela: „Ov bahtalo tle romnjaja kolaja so sian taro ternipe“ (Izreki 5:18, 19). O Jehova očekujnela taro bračna partnerija te oven verna jekh jekheske hem nikogaš ma te keren preljuba. (Čitin Evreite 13:4.)
2. Soj tano o seksualno nemoral?
Ki Biblija pišinela kaj „o bludnikija... nane te nasledinen e Devleskoro Carstvo“ (1. Korinkjanite 6:9, 10). Bašo blud ili seksualno nemoral o pisatelija so pišingje o grčko delo tari Biblija koristingje o grčko lafi pornia. Ko akava lafi vklučimo tano: 1) o seksualna odnosija a maškar o murš hem i džuvli so nane zaedno ko brako, 2) o seksualna odnosija maškar o manuša taro isto pol hem 3) o seksualna odnosija maškar o manuša hem o životne. Keda cidaja amen taro seksualno nemoral adava ka ovel bašo amaro šukaripe hem o Jehova ka ovel bahtalo (1. Solunjanite 4:3).
DOZNAJN POVIŠE
Doznajn sar šaj te cide tut taro seksualno nemoral hem sar adava so ka ačhove moralno čisto ka ovel bašo tlo šukaripe.
3. Naš taro seksualno nemoral
E Devleskere verno slugaske e Josifeske na sine lokho te ačhovel moralno čisto. Čitin 1. Mojseeva 39:1-12, a palo adava keren lafi bašo akala pučiba:
-
Soske o Josif na manglja te kerel seksualno nemoral? (Dikh o stiho 9.)
-
So mislinea, dali o Josif postapingja ispravno hem soske?
Sar šaj o terne avdive te džan palo e Josifeskoro primer hem te našen taro seksualno nemoral? Dikh o VIDEOKLIPI.
O Jehova sarinendar amendar očekujnela te cida amen taro seksualno nemoral. Čitin 1. Korinkjanite 6:18, a palo adava keren lafi bašo akala pučiba:
-
Kola situacie šaj te anen dži adava nekoj te kerel seksualno nemoral?
-
Sar šaj te naše taro seksualno nemoral?
4. Borin tut protiv o iskušenie te kere seksualno nemoral
Soske šaj te ovel pharo te borina amen protiv o iskušenie te kera seksualno nemoral? Dikh o VIDEOKLIPI, a palo adava keren lafi bašo akava pučibe:
-
So kergja o phral keda halilo kaj leskere misle hem postapke šaj te anen le dži ko adava te na ovel verno ple romnjake?
Ponekogaš čak o verna hristijanja borinena pe te šaj te ikeren pumare misle čista. So ka pomožinel tuke odma te frde o nemoralna misle? Čitin Filipjanite 4:8, a palo adava keren lafi bašo akala pučiba:
-
Bašo kola bukja valjani te razmislina?
-
Sar o čitibe i Biblija hem adava so ka ova zafatime ki služba bašo Jehova ka pomožinen amenge te borina amen protiv o iskušenie te kera grevo?
5. E Jehovaskere moralna merilija tane amare šukaripaske
O Jehova džanela soj tano o najšukar amenge. Ov vakerela amenge sar te ačhova moralno čista hem soske adava tano amare šukaripaske. Čitin Izreki 7:7-27 ili dikh o VIDEOKLIPI, a palo adava keren lafi bašo akala pučiba:
-
Sar akava terno čhavo čhivgja pe korkori ko iskušenie? (Dikh ko Izreki 7:8, 9.)
-
Sprema Izreki 7:23, 26, o seksualno nemoral šaj te anel strašna posledice. Save problemija nane te ovel amen ako ačhovaja moralno čista?
-
Save bereketija ka dobina ki idnina ako ačhovaja moralno čista?
Nesave manuša mislinena kaj adava so vakerela i Biblija baši homoseksualnost tano but strogo hem surovo. Ama, o Jehova o Devel e mangipaskoro, mangela sa o manuša te živinen zasekogaš. Te šaj te živina večno mora te ikera amen ko leskere merilija. Čitin 1. Korinkjanite 6:9-11, a palo adava keren lafi bašo akava pučibe:
-
Sprema o stihija so čitingjem, dali samo o homoseksualna želbe tane neispravna e Devleske?
Te šaj te ugodina e Devleske, sarine valjani te kera promene. Dali vredinela te trudina amen? Čitin Psalm 19:8, 11, a palo adava keren lafi bašo akala pučiba:
-
So mislinea, dali e Jehovaskere moralna merilija tane previše phare te šaj te ikera amen ki lende? Soske mislinea agjaar?
O Jehova pomožingja bute dženenge te živinen sprema leskere moralna merilija. Ov ka pomožinel tuke da
NESAVE ŠAJ VAKERENA: „Ako duj džene mangena pe ola šaj te soven jekh jekhea“.
-
So ka vakere tu?
SO SIKLILEM
O seksualna odnosija tane poklon taro Jehova e romeske hem e romnjake soj ko brako.
Sar ka odgovorine?
-
So sa vklučinela o seksualno nemoral?
-
So ka pomožinel amenge te cida amen taro seksualno nemoral?
-
Soske tano bašo amaro šukaripe te ikera amen ko e Jehovaskere moralna merilija?
ISTRAŽIN
Čitin soske e Devleske tano važno duj džene so živinena zaedno te oven venčime.
„Što veli Biblijata za zaedničkiot život pred brak?“ (internet statija)
Dali adava so i Biblija vakerela baši homoseksualnost značinela kaj amen mrzinaja e manušen kola soj tane homoseksualcija?
„Dali homoseksualnosta e nešto pogrešno?“ (internet statija)
Ko iskustvo „Se odnesuvaa so mene so počit“, čitin so pomožingja jekhe homoseksualcoske te meninel plo životo hem te ugodinel e Devleske.
„Biblijata menuva životi“ (Stražarska kula taro 1 april 2011)
a Ko akava vklučime tane različna bukja sar soj seksualna odnosija, oralno seks, analno seks ili galibe o polova organija maškar manuša so nane zakonski ko brako, te šaj te zadovolinen pumare seksualna želbe.
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
