LECȚIA 41
So phenel i Biblia anda le relații sexualo?
But manușa sile lajiavune te den duma anda sexo. Cu sea cadala, i Biblia del duma anda le relații sexualo directo hai pherdi respecto. So phenel i Biblia anda le relații sexualo anel amenghe miștimata, anda codoia că avel catar o Iehova, cai cărdea-ame. Vo jianel so si o mai mișto anda amende. Vo sicavel-ame so te cheras caște avas lașe ande lesche iacha hai caște bucurisaras-ame viațatar anda sea o timpo.
1. Sar dichel o Iehova le relații sexualo?
Le relații sexualo sile iech daro catar o Iehova anda iech murș hai iech jiuvli căsătorime. Cado daro catar o Del ci si numai ca o rrom hai i rromni te cheren șiave, si vi ca von te sicaven penghi iubirea iech caring aver hai te bucurin-pe iech averestar. O Cuvânto le Devlesco phenel: „Bucurisar-tu la rromniaia che tărnimaschi”. (Proverbe 5:18, 19) O Iehova ajucărel codolendar căsătorime te na soven aver varecaia avreal penghe rromeia sau penga rromniaia; aver varesar phendo te na cheren curvia. (Citisaren Evrei 13:4.)
2. So si i imoralitatea sexualo?
I Biblia phenel că „le manușa imorali . . . ci va moștenina o Regato le Develesco”. (1 Corinteni 6:9, 10) Codola cai scriisarde i Biblia andi șib grecisco șiute o cuvânto porneía code cai aghies citisaras imoralitatea sexualo. Cado cuvânto însemnol 1) relații sexualo a mașcar le jene cai ci sile căsătorime, 2) i homosexualitatea, cai si relații sexualo mașcar dui murșa sau mașcar dui jiuvlea sau 3) relații sexualo mașcar le manușa hai animalea. Cana ‘încăras-ame parpale catar i imoralitatea sexualo’, bucurisaras o ilo le Iehovasco hai si amen but miștimata. (1 Tesaloniceni 4:3)
HACHIAR MAI MIȘTO
Va avela te diches sar daștis te na arăsăs te cheres imoralitatea sexualo hai so miștimata si tut cana așes ujo moralo.
3. Naș catar i imoralitatea sexualo
O Iosif sas iech murș loialo cai dea sea peschi zor te așel ujo moralo cana iech jiuvli camlea te sovel leia. Citisaren Geneza 39:1-12 hai pala codoia den duma:
-
Sostar nașlea o Iosif? (Dich o verseto 9.)
-
Pachias că sas mișto so cărdea o Iosif? Sostar?
Sar daștin le tărne de aghies te nașen catar i imoralitatea sexualo, cadea sar o Iosif? Dichen o MATERIALO VIDEO.
O Iehova camel ca savore te nașas catar i imoralitatea sexualo. Citisaren 1 Corinteni 6:18 hai pala codoia den duma:
-
Sar daștil varecon te arăsăl te cherel imoralitatea sexualo?
-
Tu sar daștis te nașes catar i imoralitatea?
4. Daștis te na meches-tu țârdino te cheres imoralitatea
Sostar si pharo te așes zuralo hai te na meches-tu țârdino te cheres imoralitatea sexualo? Dichen o MATERIALO VIDEO hai pala codoia den duma:
-
So cărdea o phral anda o materialo video cana dea peschi sama că lesche gânduri hai lesco phiraimos daștinas te cheren-les te na mai avel loialo pesca rromniache?
Vi anda le creștini loialo si phares poiechdata te încăren uje penghe gânduri. So daștis te cheres caște na meches ca chi goghi te așel ca le buchia imoralo? Citisaren Filipeni 4:8 hai pala codoia den duma:
-
Ca so buchia trebul te gândisaras-ame?
-
Sar daștil te ajutil-ame i citirea la Bibliachi hai o fapto te cheras buchi sea o timpo anda o Iehova, te na mechas-ame țârdine ando păcato?
5. Si amen miștimata cana cheras so manghel amendar o Iehova
O Iehova jianel so si o mai mișto anda amende. Vo phenel amenghe sar te așias uje moralo hai so miștimata si amen cana cheras cadea. Citisaren Proverbe 7:7-27 sau dichen o MATERIALO VIDEO hai pala codoia den duma:
-
Sar arăslea cado tărno te mechel-pe țârdino ando păcato? (Dich Proverbe 7:8, 9.)
-
Cadea sar sicaven le Proverbe 7:23, 26, i imoralitatea sexualo anel bare ducha. So pharimata duriaras amendar cana așias uje moralo?
-
Sar ajutil-ame o fapto te așias uje moralo te bucurisaras-ame viațatar anda sea o timpo?
Chichiva manușa pachian că so phenel i Biblia anda i homosexualitatea ci sicavel lașimos. Tha o Iehova si o Del la iubireaco hai vo camel ca savore te bucurisaras-ame viațatar anda sea o timpo. Anda codoia, trebul te cheras so manghel vo amendar. Citisaren 1 Corinteni 6:9-11 hai pala codoia den duma:
-
Andel iacha le Devlesche numai le camnimata homosexualo sile nasul sau vi aver vareso?
Caște avas mișto dichle le Devlestar, savore trebul te cheras paruimata. Tha meritil te das sea amari zor? Citisaren Psalmo 19:8, 11 hai pala codoia den duma:
-
Pachias că so manghel amendar o Iehova si prea pharo sau si ande amaro miștimos? Sostar pachias cadaia?
O Iehova ajutisardea bute manușen te train cadea sar manghel vo. Vo daștil te ajutil vi tut
UNII MANUȘA PHENEN: „Cana dui manușa meren iech pala aver, na-i chanci nasul te soven iech avereia”.
-
Tu so pheneias?
SO SICHILEAM
Le relații sexualo sile iech daro catar o Iehova anda iech rrom hai iech rromni căsătorime, caște bucurin-pe iech averestar.
So dichleam
-
So si i imoralitatea sexualo?
-
So ajutil-ame te nașas catar i imoralitatea sexualo?
-
So miștimata si amen cana traisaras cadea sar manghel amendar o Iehova?
RODE MAI BUT
Va avela te diches sostar camel o Del te căsătorin-pe iech murș hai iech jiuvli cai camen te beșen ande iech than.
Va avela te hachiares că, prin so phenel i Biblia anda i homosexualitatea, ci sicavel că trebul te urâsaras codolen homosexuali.
„Si i homosexualitatea vareso nasul?” (Articolo pa amaro site-o)
Va avela te diches că so phenel o Del anda le relații sexualo, feril-ame.
Andai relatarea „Phirade-pe șucar manța” va avela te diches so cărdea ieche murșes cai sas-lo homosexualo, te paruvel pesco phiraimos caște avel plăcuto le Devlesche.
„I Biblia paruvel i viața le manușenghi” (O Turno de veghe, 1 aprilia 2011)
a Pașa le relații sexualo, mai si vi o sexo oralo, o sexo analo sau cana varecon șiol o vast pe le părți intimo avere manușesche caște chelel-pe lența sar cana cheren sexo.
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
