SIKAIMOS 41
So phenel e Biblia pa o sexo?
Ka but manush lazhau lenge te den duma pa o sexo. Kana o Suato le Devlesko del duma pa kako sikavel respeto ai si vushoro te aliardiol. Ai sar e Biblia avel katar o Jehova, kon kerdias amen ai kon zhanel so si mai mishto amenge, kana del duma pa kako azhutil amen te alosaras so si vorta, te veselis lesko ilo ai te avel amen iek lasho traio akana ai mai angle.
1. So gindil o Jehova pa o sexo?
O sexo si vareso kai o Jehova dias ka o mursh ai e zhuvli kai si ansurime. Kacha lashi prama azhutil kal ansurime te aven len shave ai te sikaven peske kamlimos. Pala godo, o Suato le Devlesko phenel ke o manush trobul te veselilpe peska rhomniasa kai lias kana sas terno (Proverbios 5:18, 19). O Jehova azhukerel ke le kristianuria kai si ansurime te aven chachimasa iek avresa ai te na phiren avresa kai nai lako rhom vai leski rhomni (chito Hebreos 13:4, NWT).
2. Save si le prame sexuales bimalade?
E Biblia sikavel ke le manush kai keren prame sexuales bimalade “chi avela lenge e Amperetsia le Devleski” (1 Corintios 6:9, 10, NWT). Kana le manush kai ramosarde e Biblia dine duma pa kako thode iek suato ande shib griega kai si pornéia. Kako suato del duma pa 1) kana iek mursh si iekha zhuvliasa ai von nai ansurime, a 2) kana iek mursh phirel avre murshesa vai kana iek zhuvli phirel avria zhuvliasa ai 3) kana keren prame marime le animalontsa. Kana nashas katar le prame bimalade veselis o ilo katar o Jehova ai zhal amenge mishto (1 Thesaloniana 4:3).
TE MAI SIKIOS
Aida dikhas so shai keres te na peres andel prame bimalade ai savo mishtimos shai les te aves iek manush vuzho.
3. Durio katar le prame bimalade
O Jose sas iek manush kai sas chacho le Devlesa ai ninkerdilo vuzho makar nas vushoro. Chiton Génesis 39:1-12 ai den duma pa:
-
Sostar nashlo o Jose? (Dikhen o verseto 9).
-
Gindis ke o Jose kerdias so si vorta? Sostar?
Sar le terne shai aven sar o Jose ai te nashen katar le prame bimalade? Dikhen o VIDEO.
O Jehova kamel te duriuvas katar le prame bimalade. Chiton 1 Corintios 6:18 [NWT] ai den duma pa:
-
Sar shai perel varekon andel prame bimalade?
-
Sar shai durios katar le prame bimalade?
4. Shai aves zuralo ai te na peres ando zumaimos
So shai kerel te peras andel prame bimalade? Dikhen o VIDEO ai den duma pa:
-
Ando video iek phral dias po gor ke so gindilas ai so kerelas shai ningerelas les te na avel chacho peska rhomniasa, atunchi so kerdias?
Univar vi le chache kristianuria trobun te aven zurale te aven len ginduria vuzhe. So shai keres te na aven tu ginduria bimalade? Chiton Filipenses 4:8 [NWT] ai den duma pa:
-
Ande save prame trobus te das amen gogi?
-
Gindis ke te chitos e Biblia ai te keras buki le Devleske si te avel mai vushoro te na peras ando zumaimos? Sostar?
5. So mangel amendar o Jehova anel mishtimos
O Jehova zhanel so si mai mishto amenge. Pala godia, vo phenel amenge sar te avel amaro ilo ai amare ginduria vuzhe ai savo mishtimos shai las. Chiton Proverbios 7:7-27 ai dikhen o VIDEO. Polme den duma pa:
-
Sar pashilo kako terno kai chi trobulas? (Dikhen Proverbios 7:8, 9).
-
Pa so mothol Proverbios 7:23, 26, kana iek manush perel andel prame sexuales bimalade godo anel leske but nasul. Sar azhutil amen te aven amare ginduria ai amaro ilo vuzhe?
-
Sar azhutil amen te avas vuzhe ande soste godi te avel amen iek traio lasho pe sa e vriama?
Uni manush gindin ke e Biblia chi sikavel kamlimos kana del duma pa e homosexualidad. Numa o Jehova si iek Del kamlimasko ai kamel te len savorhe o traio pe sa e vriama. Ai te las godo traio, vo azhukerel te keras so mangel. Chiton 1 Corintios 6:9-11 [NWT] ai den duma pa:
-
Si numa e homosexualidad kai nai vorta angla le iakha le Devleske?
Te dikhel o Del pe amende, savorhe trobus te parhuvas vareso anda amaro traio. Te keresa gado savo mishtimos anel amenge? Chiton Salmo 19:8, 11 ai den duma pa:
-
Gindis ke so o Jehova mangel amendar te avas vuzhe si vorta? Sostar gindis gadia?
O Jehova azhutisardias ka but manush te pakian lesko mui ai te aven manush vuzhe, ai vi tut shai azhutil tu.
UNI MANUSH PHENEN: “O sexo nai vareso nasul kana dui manush kamenpe”.
-
So gindis tu pa gado?
SO DIKHLIAM
O sexo si vareso kai o Jehova dias te veselinpe iek mursh ai iek zhuvli kai si ansurime.
So sas te mothos?
-
Save si le prame bimalade?
-
So si te azhutil amen te na peras andel prame bimalade?
-
Savo mishtimos las kana keras so mangel amendar o Jehova ande kako?
SHAI DIKHES VARESO MAI
Dikhta sostar o Del mangel te ansurinpe iek mursh ai iek zhuvli kai kamen te aven kidine.
Dikhta so mothol e Biblia pa e homosexualidad.
Chito sar arakhel amen so phenel e Biblia pa o sexo.
“O sexo oral ai o sexo, si iek fialo?” (Artikulo anda jw.org)
So azhutisardias ka iek mursh kai phirelas avre murshesa te parhuvel pesko traio ai te kerel so mangel o Del? Chito “Sas lashe mantsa”.
“E Biblia parhudias lengo traio” (La Atalaya, 1 anda o abril, 2011)
a Kakala prame bimalade si o sexo, o sexo oral, o sexo anal ai kana azbanpe.
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
