41 ӶЛАВА
Со андэ Библия ԥэнэнпэ пала кода, со исин кати машкар хулай и хулаи?
Бутэ манушэнди лажаво тэ дэн дэн дума пала кода, со исин кати машкар хулай и хулаи. Но андэ Библия исин законоря пала када. Кадэла законоря дя амаро Создателё, о Иегова. Кати во ӷанэн, со важ амэндэ фэдэр. Кадэла законоря фэрин лэ манушэн. Андэ Библия вонэ запистромэ ворта, но пативалэс. Если амэ жуваса па кадэла лэ Дэвлэстирэ законоря, амэ аваса бахталэ и жуваса вечно.
1. Со о Иегова гиндой пала кода, со исин кати машкар хулай и хулаи?
О Иегова екжэно дя лэ манушэнди пашутни связь машкар хулай и хулаи сар подарко. Но во ԥэнэн, кай када можэт тэ авэл кати, если кай о хулай и хулаи исин законо реӷистрацыя. Через кадэва подарко кай и мануша моӷут тэ авэн бэяцэ и вонэ моӷут тэ сыкавэн, кай любин ек еқэс. Важ када андэ Библия пистромэ: «Тэ чалёл тути тири хулаи, сави тутэ лэ тэрнэ бэршэндар» (Притчи 5:18, 19). О Иегова ԥэнэн, кай и жэнати христианоря трэбуй тэ авэн предани ек еқэсти и никала тэ на терэн нисаво билажавардимос. (Адиносар Евреям 13:4.)
2. Со ужал андо билажавардо бэзэх?
Андэ Библия пистромэ, кай «о роспутно мануш... на попэрэла андэ лэ Дэвлэско Царство» (1 Коринфянам 6:9, 10). Андэ кадэва стихо, ай кадяжэ андэ авэр стихоря, савэ пистромэ пэ ӷреческо шыб, кай ԥэнэнпэ пала билажавардо бэзэх, пистромэ о алав порне́йа. Со ужал андэ кадэва алав? Када кала машкар и мануша, савэндэ нинай законо зареӷистрировано брако, исин билажавардо бэзэх a. Кадяжэ, кала машкар дуй мурша чи дуй жувля исин билажавардимос. Ай инке, кала машкар мануша и жывотни исин билажаварди связь. Кала о мануш дурёл лэ билажавардимастар, тоди о Иегова блаӷословия лэс. Амэ фэрисараса пэс лэ ԥаримастар, саво можэт тэ авэл лэ билажавардимастар (1 Фессалоникийцам 4:3).
УӶАНАМ МАЙ БУТ
Андэ кадэя ӷлава амэ уӷанаса, со поможыя, кай о мануш тэ на терэл билажавардо бэзэх и сар кода, кай амэ ритярас лэ Дэвлэско законо, фэрия амэн.
3. На терэн билажавардо бэзэх
О Иосифо кандэлас лэ Дэвлэс, и во отԥэнделя ла жувлятар, сави камэлас тэ авэл лэса. Адиносарам Бытие 39:1—12 и подам дума пала вопросоря, савэ май тэлэ.
-
Васо о Иосифо унашлятар? (Диқэн о стихо 9.)
-
Сар па тирятэ, правильно стердя о Иосифо? Росԥэн васо?
Сости моӷут тэ сытён и тэрнэ мануша кай о Иосифо? Диқам о ВИДЕО.
О Иегова камэл, кай кажно андар мэндэ тэ авэл вужо лэ билажавардимастар. Адиносарам 1 Коринфянам 6:18 и подам дума пала вопросоря, савэ май тэлэ.
-
Кала о мануш можэт тэ подэлпэ тэ стерэл билажавардо бэзэх?
-
Со поможыя манушэсти тэ на стерэл билажавардо бэзэх?
4. Тумэ сможэте тэ на подэнпэ кодэлэсти, со камэлпэ, но нащи!
Васо дэкала лэ манушэсти ԥарэс тэ на подэлпэ тэ стерэл билажавардимос? Диқам о ВИДЕО и подам дума пала вопросо, саво посли видео.
-
Со стердя кадэва мурш, кала поля, кай дэсавэ лэстирэ гиндоря и сар во пэс андярэл, можэт тэ подындярэл лэс каринг и измена?
Дажэ кай и предани лэ Дэвлэстирэ христианоря, дэкала моӷут тэ авэн билажавардэ гиндоря. Со поможыя, кай о христианино тэ отшол кацавэ гиндоря? Адиносарам Филиппийцам 4:8 и подам дума пала вопросоря, савэ май тэлэ.
-
Пала со амэ трэбуй тэ гиндосарас?
-
Сар кода, кала о мануш адиной и Библия и бут со терэл андэ служэния, поможыя лэсти тэ на подэлпэ тэ стерэл о билажавардимос?
5. Лэ Дэвлэско законо фэрий амэн
О Иегова ӷанэн, со важ амэндэ май фэдэр. Во росԥэнэн, сар тэ андярас вужи жызня и саво лашимос када анэн. Адиносарам Притчи 7:7—27 или диқам о ВИДЕО. Тоди подам дума пала вопросоря, савэ посли видео.
-
Сар о тэрно мануш попэля андэ кацави ситуацыя, андэ сави лэсти сас ԥарэс тэ ритярэл пэс андэ вас? (Диқэн Притчи 7:8, 9.)
-
Сар ԥэнэнпэ андэ Притчи 7:23, 26, о билажавардо бэзэх андярэл каринг о ԥаримос. Если амэ ритярас лэ Дэвлэско законо, состар када амэн фэрия?
-
Сар кода, кай амэ ашасапэ вужэ англа Дэл, поможыя амэнди тэ авас бахталэ акана и вечно?
Андэ Библия пистромэ, кай кала о мурш терэл билажавардимос лэ муршэса чи жувли ла жувляса, када баро бэзэх. Ай дэко ԥэнэн, кай кадэва законо фартэ строӷо. Но кай и мануша тэ жувэн вечно пэ ԥув, вонэ трэбуй тэ ритярэн лэ Дэвлэско законо. О Иегова любящё Дэл и во камэл, кай кажно мануш тэ жувэл вечно пэ ԥув. Адиносарам 1 Коринфянам 6:9—11 и подам дума пала вопросо, саво май тэлэ.
-
Дэкала о мурш камэл тэ авэл лэстэ билажаварди связь аврэ муршэса чи кай и жувли авря жувляса. Кати кадэла жылании нэправильни англа Дэл?
Кай о Дэл тэ авэл довольно амэнца, трэбуй тэ парудювас. Васо пэ када трэбуй тэ пристас зор? Адиносарам Псалом 19:8, 11 и подам дума пала вопросо, саво май тэлэ.
-
Гиндос ту, кай лэ Дэвлэстирэ законоря годявэрнэ? Росԥэн, васо ту кадя гиндос.
О Иегова поможысардя ужэ бутэнди тэ андярэн вужи жызня. Во дэла зор и амэнди
ТУТИ ВАРИКО МОЖЭТ ТЭ ԤЭНЭН: «Кала и мануша чалён ек еқэсти, нисо страшно, если вонэ пэрэсутэ ек еқэса».
-
Со пэ када ту ԥэндоп?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай о Иегова дя подарко лэ муршэсти и ла жувляти, кай вонэ тэ авэн ек еқэса. Но кадэва подарко кати важ кодэла, ко стердя законо реӷистрацыя.
Сар ту гиндос?
-
Со англа Дэл билажавардо бэзэх?
-
Сар тэ фэрис пэс кодэлэстар, со ужал андо билажавардо бэзэх?
-
Саво лашимос тути анэна, кай ту ритярэс лэ Дэвлэско законо?
ДИК ИНКЕ
Васо лэ Дэвлэсти най всаек, исин законо реӷистрацыя кай о хулай и хулаи чи най?
Андэ Библия на ԥэнэнпэ, кай тэ вэрыцыс лэ муршэн, савэ терэн билажавардо бэзэх лэ муршэнца чи лэ жувлян, савэ терэн када лэ жувлянца.
Уӷан, сар лэ Дэвлэстирэ законоря пала кода, кай тэ на авэл билажавардимос, фэрина тут.
«О орально билажавардимос, када еқэндар, кала совэн мурш ла жувляса?» (статья по сайто)
Проадиносар и статья «Они отнеслись ко мне с уважением» и уӷан, со дя зор еқэ муршэсти, саво жувэлас лэ муршэнца сар лэ жувлянца, тэ парудёлпэ и тэ жувэл па лэ Дэвлэско законо.
«Библия меняет жизнь» («Сторожэво башня» пала 1 апрелё важ 2011 бэрш)
a Када кала исин палаво акто, орально и анально билажавардимос, ай кадяжэ, кала ӷладон кай авэр мануш и палавые орӷаны.
