ROSO 41
Qullaawu Maxaafi Siimu Xaadooshshi Daafira Mayyaanno?
Batinyu manni siimu xaadooshshi daafira hasaawa saalanno. Ikkollana, Qullaawu Maxaafi tenne hajo daafira xawise, kayinni kawajjeesse kulanno. Qoleno kulannori kaaˈlannonkereeti. Hatto yaa garankolla. Mayira yiniro, Yihowa Kalaqaanchonkeeti. Hakko daafira, ninkera woyyannore afinohu isooti. Yihowa iso hagiirsiisate maa assa hasiissannonkeronna hegerera hagiidhinanni heeˈneemmo gede kaaˈlannonkeri maatiro kulannonke.
1. Yihowa siimu xaadooshshi daafira mayino?
Siimu xaadooshshi Yihowa eltooti. Isi siimu xaadooshshe adhamino minaanninna minaama hagiidhara uyino. Tini elto minaanninna minaama ooso ilanno gede calla ikkikkinni mimmitoho baxillensa hagiirsiisanno garinni leellishanno gedeno kaaˈlitannonsa. Qullaawu Maxaafi “Qeedhichimmakki galte ledo hagiidhi” yaannohu iseraati. (Lawishsha 5:18, 19) Yihowa, adhamino Kiristaani mimmitoho ammaname heeˈrara hasiˈranno; hakko daafira insa soorrotewiinni xeertiˈra hasiissannonsa.—Ibiraawoota 13:4 nabbawi.
2. Foorre maati?
Qullaawu Maxaafi “foortannori . . . Maganu Gashshoote diragidhanno” yaanno. (1 Qorontoosi 6:9, 10) Qullaawu Maxaafi borreessaano, foorre xawisate poorniya yaannoha Giriikete qaale horoonsidhino. Kuni qaali (1) adhaminokki manni assannoha siimu xaadooshshe, a (2) labbaahu labbaahu ledo woy meyati meyate ledo foora, hattono (3) saadate ledo siimu xaadooshshe assa kulannoho. ‘Foorretewiinni xeertiˈranke’ Yihowa hagiidhanno gede assitanno; ninkerano kaaˈlitannonke.—1 Teselonqe 4:3.
LEDDE XIINXALLI
Foorretewiinni xeertiˈra dandaatto garanna amanyootunni xuru nookkiha ikkite heeˈra kaaˈlitannohe gara rosi.
3. Foorretewiinni xooqi
Ammanaminohu Yihowa soqqamaasinchi Yooseefi amanyootunni xuru nookkiha ikke heeˈrate sharramino. Kalaqama 39:1-12 nabbabbe; hakkiinni tenne xaˈmuwa hasaabbe:
-
Yooseefi xooqanno gede kakkayisinosiri maati?—Kiiro 9 lai.
-
Yooseefi doodhinori gara lawannohe? Mayira?
Xaa yannara wedellootu Yooseefi lawishsha harunsite foorretewiinni xooqa dandiitannohu hiittoonniiti? VIIDIYO laˈe.
Yihowa ninke baalunku foorre gimbammora hasiˈranno. Umi Qorontoosi 6:18 nabbabbe; hakkiinni aante noo xaˈmuwa hasaabbe:
-
Mitto mancho foorrete widira qole massara dandaannori maati?
-
Foorretewiinni xooqa dandaattohu hiittoonniiti?
4. Fonqolo qeelte saˈˈa dandaatto
Foorrete widira qole massanno fonqolo qeela qarra ikkitanno gede assara dandaannori maati? VIIDIYO laˈe; hakkiinni, aante noo xaˈmo hasaabbe.
-
Viidiyote giddo laˈnummo rodii, hedanni noorinna assootisi galtesira ammanamannokki gede assasira dandaannota wodanchiti, maa assino?
Ammanamino Kiristaani nafa hedonsa xuru nookkita ikkitanno gede assiˈrate sharrama hasiissannonsa woyiti no. Maaeela coye heda agura dandaattohu hiittoonniiti? Filiphisiyusi Sokka 4:8 nabbabbe; hakkiinni aante noo xaˈmuwa hasaabbe:
-
Hiittoo coye heda hasiissannonke?
-
Qullaawa Maxaafa nabbawankenna Yihowa loosi woˈminonkere ikkanke, cubbu widira massanno fonqolo qeelate kaaˈlitannonkehu hiittoonniiti?
5. Yihowa aannonke biddishshi kaaˈlannonke
Yihowa ninkera woyyannori maatiro afino. Isi xuru nookkire ikkine heeˈra dandiineemmo garanna hatto assanke kaaˈlitannonke gara kulannonke. Lawishsha 7:7-27 nabbabbe, woy VIIDIYO laˈe; hakkiinni aante noo xaˈmuwa hasaabbe.
-
Wedellichu beetti fonqolanno coyi giddora einohu hiittoonniiti?—Lawishsha 7:8, 9 lai.
-
Lawishsha 7:23, 26 kultanno garinni, foorre buutote qarra abbitanno. Amanyootunni xuru noonkekkire ikkinummoro, hiittoo qarrinni ganteemmo?
-
Amanyootunni xuru nookkire ikkanke hegerera hagiidhinanni heeˈneemmo gede kaaˈlitannonkehu hiittoonniiti?
Mitootu, Qullaawu Maxaafi labbaahu labbaahu ledo woy meyati meyate ledo foorate daafira kulannori mararro nookkireeti yite heddanno. Ikkollana, Yihowa baxillaancho Maganooti; qoleno isi mannu baalunku hegerera hagiidhanni heeˈrara hasiˈranno. Hegere heeshsho afiˈrate, seerisi garinni heeˈra hasiissannonke. Umi Qorontoosi 6:9-11 nabbabbe; hakkiinni tenne xaˈmo hasaabbe:
-
Maganu hedo garinni, giwa hasiissannonketi labbaahu labbaahu ledo woy meyati meyate ledo foorate yorto callate?
Magano hagiirsiisate, ninke baalunku heeshshonke biddi assiˈra hasiissannonke. Heeshshonke biddi assiˈrate hakkeyi geya sharrama hasiissannonke? Faarso 19:8, 11 nabbabbe; hakkiinni aante noo xaˈmuwa hasaabbe:
-
Yihowa seera agadha dandiinannikkire labbannohe? Mayira?
Yihowa batinye manna seerisi ledo sumuu yee heeˈranno gede kaaˈlino. Ateno kaaˈlahera dandaanno
MITU MANNI TOGO YAANNO: “Lamu manni mimmito baxannoha ikki geeshsha, siimu xaadooshshe assiro qarru dino.”
-
Ati tennera mayyaatto?
XAPHISHSHA
Siimu xaadooshshi Yihowa minaanni minaamasi ledo hagiidhara uyino eltooti.
Kageeshsha Rosoottore
-
Foorrete yinannihu hiittoo hiittoo cubbooti?
-
Foorretewiinni xeertiˈneemmo gede kaaˈlannonkeri maati?
-
Yihowaha amanyootu seera agadhanke kaaˈlitannonkehu hiittoonniiti?
EGENNO LEXXI
Maganu, mitteenni heeˈra hasiˈranno manchinna mancho adhamara hasiˈrannohu mayiraati?
“Qullaawu Maxaafi Adhammikki Mitteenni Heeˈrate Daafira Mayyaanno?” (Webisayitenkera fultino borro)
Qullaawu Maxaafi labbaahu labbaahu ledo woy meyati meyate ledo foora cubboho yaasi togoo manna giwa hasiissannonke yaa ikkitinokkihu mayiraati?
“Labbaahu Labbaahu Ledo Woy Meyati Meyate Ledo Foora Soˈrote?” (Webisayitenkera fultino borro)
Maganu siimu xaadooshshi daafira fushshino seeri kaaˈlannonkehu hiittoonniitiro rosi.
“Afuunni Assinanni Xaadooshshi Addinta Siimu Xaadooshsheeti?” (Webisayitenkera fultino borro)
“Insa Ayirrissinoe” yaanno woˈnaalshi giddo, labballu ledo foorannohu mittu manchi Magano hagiirsiisate heeshshosi biddi assiˈranno gede kakkayisinosiri maatiro nabbawi.
“Qullaawu Maxaafi Heeshsho Biddi Assanno” (Agarooshshu Shae, Dotteessa 1, 2011)
a Kuni qaali (poorniya) siimu xaadooshshe assa calla kulannoha ikkikkinni, duuchu gari assoote lawishshaho, afuunninna ofollaanchunni siimu xaadooshshe assa, woy wolu manchiha sirote biso amammadanna woleno kuri lawanno assoote xawisannoho.
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
