CHIIYO 41
Bbayibbele Lityeni Atala Akoonana?
Bantu biingi kulabalemena kwaambuula atala amakani aakoonana. Pesi Bbayibbele nilyaambuula atala amakani akoonana nga lyaamba munzila yabulemu. Nzilyaamba zilatugwasya nkaambo Bbayibbele lizwa kuli Jehova Mulengi wesu. Nkinkaako, ulizizi nzituyanda. Utubuzya zintu nzitweelede kuchita kuti tumubotezye akutugwasya kuti tubotelwe mubuumi kukabe kutamani.
1. Jehova ulaamaboneno aali biyeni atala akoonana?
Koonana nchipo chizwa kuli Jehova. Uyanda kuti kuchitwe aamwaalumi amwanakazi bakwetene zili mumulawu. Chipo eechi chipa kuti bantu bakwetene babe aabana akuti batondeezyanie luyando. Jwi lyaLeza lyaamba kuti: “Kokkomana amukaintu wakubukubusi bwako.” (Tusimpi 5:18, 19) Jehova uyanda kuti maKristu bakwetene basyomeke kubantu mbibakwetenaabo kuchitila kuti batachiti bumambi.—Bala Bahebrayo 13:4.
2. Bwaamu niinzi?
Bbayibbele lyaamba kuti: “Basibwaamu . . . tabakanjili mu Bwami bwa Leza.” (1 Bakorinto 6:9, 10) Balembi baBbayibbele bakabelesya bbala lyachiGirikki lyakuti por·neiʹa nibakali kwaambuula atala abwaamu. Bbala eeli liswaanizya (1) koonana * kwabantu batakwetene kweendelana azyaambwa aaMagwalo, (2) koonana kwabantu bakozyenie zizo (3) akoonana kwabantu abanyama. ‘Kulilesya kubwaamu’ kugwasya ndiswe alubo kupa kuti Jehova abotelwe.—1 Batesalonika 4:3.
YIYA ZYIINGI
Bona mbukonzya kutantamuka bwaamu ambukonzya kugwasigwa kuti waba muntu uulijata.
3. Chija bwaamu
Josefa wakali kubeleka changuzu kuti akkale kali muntu uulijata. Bala Matalikilo 39:1-12, mpawo musandule mibuzyo iitobela:
-
Niinzi chakapa kuti Josefa achije?—Langa vesi 9.
-
Nzyaakachita Josefa zilikabotu na? Nkamboonzi?
Bachikula kujana bachitobelezya biyeni chikozyano chaJosefa kwiinda mukuchija bwaamu? Mweebele VIDIYO.
Jehova uyanda kuti toonse tuchije bwaamu. Bala 1 Bakorinto 6:18, mpawo musandule mibuzyo iitobela:
-
Nziizili zyiimo zikonzya kupa kuti muntu achite bwaamu?
-
Kujana wabuchija biyeni bwaamu?
4. Ulakonzya kutantamuka masunko
Niinzi chikonzya kupa kuti kukuyumine kutantamuka sunko lyakuchita bwaamu? Mweebele KAVIDIYO, mpawo musandule mubuzyo uutobela:
-
Mukwesu wakachitaanzi naakabona kuti nzyaakali kuyeeya anzyaakali kuchita zilakonzya kupa kuti achite bwaamu?
Nikuba maKristu basyomeka, chimwi chiindi nga babamizeezo iitali kabotu. Kujana wazitantamuka biyeni zintu zyeetela muzeezo wakoonana? Bala Bafilipi 4:8, mpawo musandule mibuzyo iitobela:
-
Tweelede kuyeeya zintu zili biyeni?
-
Kubala Bbayibbele akuba aazyiingi zyakuchita mubukombi kutugwasya biyeni kuti tutachiti chibi?
5. Zyeelelo zyaJehova zigwasya ndiswe
Jehova ulizizi zintu zitugwasya. Utubuzya zintu zikonzya kutugwasya kuti tukkale katulijata abubotu buba akaambo kakulijata. Bala Tusimpi 7:7-27 naakuti mweebele VIDIYO, mpawo musandule mibuzyo iitobela.
-
Niinzi zyakachitwa amulombe ooyu zyakapa kuti anjile mumapenzi?—Langa Tusimpi 7:8, 9.
-
Kweendelana aTusimpi 7:23, 26, kuchita bwaamu kulakonzya kutunjizya mumapenzi. Kuti twaba bantu balijata, ngaali mapenzi ngitukonzya kutantamuka?
-
Kulijata kutugwasya biyeni kuti tubotelwe mubuumi mane kukabe kutamani?
Bamwi bantu babonaanga nzilyaamba Bbayibbele atala akoonana kwabantu bakozyenie zizo nkuyumisizyania. Pesi Jehova Leza siluyando, uyanda kuti bantu boonse babotelwe kukabe kutamani. Kuti tweelele kupona kukabe kutamani, tweelede kupona kweendelana azyeelelo zyakwe. Bala 1 Bakorinto 6:9-11, mpawo musandule mubuzyo uutobela:
-
Leza uzonda koonana kwabantu bakozyenie zizo luzutu na?
Toonse kuli zintu nzitweelede kuchincha kuti tukonzye kubotezya Leza. Kuchincha maponeno eesu kulagwasya na? Bala Intembauzyo 19:8, 11, mpawo musandule mibuzyo iitobela:
-
Ubonaanga kupona kweendelana azyeelelo zyaJehova kulagwasya na? Nkamboonzi?
Jehova wakagwasya bantu biingi loko kuti bapone kweendelana azyeelelo zyakwe. Anduwe ulakonzya kukugwasya
BAMWI BAAMBA KUTI: “Kufumbwa bantu babili bayandana balakonzya koonana.”
-
Kujana watyeni?
CHIFWIINSYO
Koonana nchipo chizwa kuli Jehova alubo kweelede kuchitwa aamwaalumi amwanakazi bakwetene zili mumulawu.
Mibuzyo Yakwiindulula
-
Bwaamu buswaanizyaanzi?
-
Niinzi chikonzya kutugwasya kuti tutantamuke bwaamu?
-
Kupona kweendelana azyeelelo zyaJehova zyakulijata kutugwasya biyeni?
YANDUULISISYA
Bona kuti nkamboonzi Leza nayanda kuti mwaalumi amwanakazi bayanda kukwatana basaangune kuchada.
“Bbayibbele Lityeni Aatala Akukwatana Kamutachadide?” (Chiiyo chijanika aaIntaneti)
Bona kuti nkamboonzi malayilile aali muBbayibbele aali atala akoonana kwabantu bakozyenie zizo naatali akuyumisizyania.
“Koonana Kwabantu Bakozyenie Zizo Nkubi Na?” (Chiiyo chijanika aaIntaneti)
Bona kuti milawu yaLeza ilaatala akuchija bwaamu itukwabilila biyeni.
“Kubikka Chizo Chakuzyazya Kumulomo Naakuti Kujata Zizo Zyamubili Zyakuzyazya Nkoonana Na?” (Chiiyo chijanika aaIntaneti)
Bona kuti umwi mwaalumi wakali koonana abantu mbakozyenie zizo wakachincha biyeni kuti abotezye Leza muchiiyo chitii, “Bakandijata Munzila Yabulemu.”
“Bbayibbele Lilakonzya Kubachincha Bantu” (Ngaziyakulinda, April 1, 2011)
^ Michito eeyi iitali kabotu iswaanizya bumambi, buwuule, koonana kwabantu batakwetene, kubikka chinswe chawumwi kumulomo naakuti kumatako naakuti kujata chinswe chamuntu munzila yeetelezya muzeezo wakoonana.
