MATAUPU 41
Ne a Pati i te Tusi Tapu e Uiga ki Faifaiga Fakatauavaga?
E fai fakaa‵tea a tino e tokouke māfai ko fai‵pati ki faifaiga fakatauavaga. Kae e faipati ‵tonu mai eiloa te Tusi Tapu e uiga ki ei i se auala ‵malu. E aoga eiloa ki a tatou a pati e uiga ki ei. Kae se mea ‵tau eiloa. Me i a Ieova ko te ‵tou Mafuaga. Tela la, e iloa ne ia te ‵toe mea ‵lei mō tatou. E fakaasi mai ne ia ki a tatou a faifaiga kolā e fakafiafia atu ki a ia mo mea ka fesoasoani mai ke maua ne tatou te ola se-gata-mai.
1. Se a te kilokiloga a Ieova ki faifaiga fakatauavaga?
A faifaiga fakatauavaga se meaalofa mai i a Ieova. E manako a ia ke fakafiafia ki ei a te tagata mo te fafine kolā ko oti ne fakaipoipo faka‵lei. A te meaalofa tenei e fai ei ke mafai ne te tauavaga o fai ne lā tama‵liki kae ke fakatau fakaasi atu foki ne lāua a te alofa mo te atafai i se auala tonu kae fakafiafia. Kae tenā te pogai e fai mai ei te Muna a te Atua: “Ke fia‵fia fakatasi koe mo tau avaga telā ne fai i te taimi koi talavou ei koe.” (Faataoto 5:18, 19) E manako a Ieova ko Kelisiano a‵vaga ke fakamaoni ki olotou avaga ko te mea ke mo a eiloa ma mulilua latou.—Faitau te Epelu 13:4.
2. Ne a amioga fakatauavaga sē ‵tau?
E fai mai te Tusi Tapu me i “tino kolā e fina ki amioga fakatauavaga sē ‵tau . . . ka se maua ne latou a te Malo o te Atua.” (1 Kolinito 6:9, 10) A tino kolā ne tusi ne latou te Tusi Tapu i te ‵gana Eleni, ne fakaaoga ne latou a te pati ko te por·neiʹa ke fakamatala atu ei a amioga fakatauavaga sē ‵tau. E aofia i te pati tenā a (1) faifaiga fakatauavaga sē ‵tau a i te va o se tokolua kolā e seki avaga, (2) amioga fakasotoma, mo te (3) faifaiga fakatauavaga mo manu. E fakafiafia ne tatou a Ieova kae maua foki ne tatou a mea aoga māfai e “‵kalo kea‵tea mai i amioga fakatauavaga sē ‵tau.”—1 Tesalonia 4:3.
KELI MALOSI IFO
Mafaufau ki auala ke ‵kalo keatea mai i amioga fakatauavaga sē ‵tau mo mea aoga ka maua mai te tumau i te ‵ma i mea tau amioga.
3. ‵Kalo keatea mai amioga fakatauavaga sē ‵tau
Ne taumafai malosi te tagata fakamaoni ko Iosefa, ke tumau a ia i te ‵ma i mea tau amioga. Faitau te Kenese 39:1-12, ko sau‵tala ei ki fesili konei:
-
Se a te mea ne fakamalosi atu ki a Iosefa ke tele keatea?—Onoono ki te fuaiupu 9.
-
Se a tau faka‵tau, e mata, ne ‵lei a te fakaikuga a Iosefa? Kaia?
E mafai pefea o fakaakoako a talavou ki a Iosefa kae ‵kalo keatea mai faifaiga fakatauavaga sē ‵tau i aso nei? Pei te VITIO.
E manako a Ieova ke ‵teke atu tatou katoa ki amioga fakatauavaga sē ‵tau. Faitau te 1 Kolinito 6:18, ko sau‵tala ei ki fesili konei:
-
Ne a tulaga e mafai o takitaki atu ei se tino ke fai ne ia a amioga fakatauavaga sē ‵tau?
-
E ‵kalo keatea pefea koe mai i amioga fakatauavaga sē ‵tau?
4. E mafai o ‵teke atu ki fakaosoosoga
Ne a mea e mafai ei o faigata ke ‵teke atu ki te fakaosoosoga ke aofia i amioga fakatauavaga sē ‵tau? Pei te VITIO, ko sau‵tala ei ki te fesili tenei.
-
I te taimi ne iloa ei ne te taina i te vitio me i ana mafaufauga mo faifaiga e mafai o iku atu ki te sē fakamaoni ki tena avaga, ne a ana mea ne fai?
Ke oko foki loa ki Kelisiano fakamaoni, e taumafai malosi foki latou i nisi taimi, ke fakatumau te ‵ma o olotou mafaufauga. E ‵kalo keatea pefea koe mai te mafaufau faeloa ki mea sē ‵ma? Faitau te Filipi 4:8, ko sau‵tala ei ki fesili konei:
-
Ne a vaegā mea e ‵tau o mafau‵fau tatou ki ei?
-
E mafai pefea o fesoasoani mai a te faitau ki te Tusi Tapu mo te fakalavelave faeloa i te taviniga ki a Ieova, ke ‵teke atu tatou ki te fakaosoosoga ke agasala?
5. E aoga ki a tatou a tulaga o Ieova
E iloa ne Ieova a te ‵toe mea ‵lei mō tatou. E fakaasi mai ne ia ki a tatou a te auala ke tumau i te ‵ma i mea tau amioga mo mea aoga e maua mai te fai penā. Faitau te Faataoto 7:7-27 io me pei te VITIO, ko sau‵tala ei ki fesili konei.
-
Ne sasale ‵tonu atu pefea se tamataene ki se tulaga telā ne fakaosooso ei a ia?—Onoono ki te Faataoto 7:8, 9.
-
E ‵tusa mo te Faataoto 7:23, 26, e mafai o iku atu a amioga fakatauavaga sē ‵tau ki fakalavelave matagā. Kafai e tumau tatou i te ‵ma i mea tau amioga, ne a fakalavelave e ‵kalo keatea tatou mai i ei?
-
E mafai pefea o fesoasoani mai a te ‵ma i mea tau amioga ke maua ne tatou a te ola se-gata-mai?
E mafau‵fau a nisi tino me i pati i te Tusi Tapu e uiga ki amioga fakasotoma, se fakaasiga sē alofa. Kae ko Ieova, te Atua o te alofa, e manako ke maua ne tino katoa a te ola se-gata-mai. Kae e ‵tau mo tatou o ola e ‵tusa mo ana tulaga. Faitau te 1 Kolinito 6:9-11, ko sau‵tala ei ki te fesili tenei:
-
E mata, a amioga fakasotoma ko te faifaiga fua telā e se ‵lei i te kilokiloga a te Atua?
Ko te mea ke fakafiafia atu ki te Atua, e ‵tau mo tatou katoa o fai a ‵fuliga. E mata, e aoga ke fai penā? Faitau te Salamo 19:8, 11, ko sau‵tala ei ki fesili konei:
-
Se a tau faka‵tau, e mata, e ‵lei a tulaga o Ieova i mea tau amioga? Kaia?
Ne fesoasoani atu a Ieova ki tino e tokouke ke faka‵logo ki ana tulaga i mea tau amioga. E mafai foki o fesoasoani atu a ia ki a koe
MEA E FAI MAI NE NISI TINO: “Kafai ko fia‵fai se tokolua, e se masei ke ‵moe fakatauavaga lāua.”
-
Ne a au pati ka fai atu?
MANATU AOGA
A faifaiga fakatauavaga se meaalofa mai i a Ieova ke fakafia‵fia ki ei se tagata avaga mo tena avaga.
Fesili
-
Ne a mea e aofia i amioga fakatauavaga sē ‵tau?
-
Ne a mea ka fesoasoani mai ki a tatou ke ‵kalo keatea mai i amioga fakatauavaga sē ‵tau?
-
Ne a mea aoga ka maua ne tatou māfai e tau‵tali ki tulaga o Ieova i mea tau amioga?
NISI FAKAMATALAGA
Ke iloilo ki te pogai e tāua ei ki te Atua a te avaga io me ko te sē avaga o se tokolua.
“Ne a Pati i te Tusi Tapu ki te ‵Nofo Fakapouliuli?” (Mataupu i te neti)
Mafau‵fau ki pogai e se fakamalosi aka ne tulaga i te Tusi Tapu e uiga ki amioga fakasotoma a te takalialia ki tino penā.
Tauloto ki te auala e puipui ei tatou ne tulafono a te Atua e uiga ki amioga fakatauavaga sē ‵tau katoa.
“E Mata, e Aofia Tonu a te Fakaaogaga o te Gutu i Faifaiga Fakatauavaga?” (Mataupu i te neti)
I te tala “Ne Atafai Mai Latou mo te Āva,” onoono ki te auala ne fakamalosi aka ei se tino amio fakasotoma ke ‵fuli tena olaga ke fakafiafia atu ki te Atua.
a A faifaiga sē ‵tau konei, e aofia i ei a te ‵moe fakatauavaga, te fakaaogaga o te gutu, te fakaaogaga o te muli, mo te milimiliga o koga tapu i faifaiga fakatauavaga.
