FUNDO 41
Bhaibheri Rinobhuyei nge zve Nyaya Dze Bonde
Anhu akawanda aazwi akasudzunuka kureketa nge zve bonde. Asi Bhaibheri arikhoni-khoni parinobhuya nge zvazvo, asi irona rinoita izvona no rureremedzo. Uye zvarinobhuya zvakatinakira. Izvona zvine musoro ngekuti Djehovha ndiye Musiki wedu uye anoziya zvakatinakira. Iyena anotibvunza zvatinodikana kuita kuti timupfadze, uye zvicatibetsera kuti tipfare nguwa dzese.
1. Ngaapi maonero a Djehovha nge zve nyaya dze bonde?
Kuita zve pa maponde i cipo cakanaka ca Djehovha. Ayena anoda mubatanidzwa uu we rudo ugare uripo ku mwanarume no mwanakadzi akawakana. Cipo ici acibetseri basi kuti aya akawakana abare ana, asi cinoitawo kuti awona apangidzane kuti anodanana. Soko ra Mwari rinoti: “Pfara no mukadzi we udjaha wako.” (Zvierengo 5:18, 19) Djehovha anoda kuti mwamuna no mukadzi agare akagondeka ku umwe na umwe wawo. Ndiyo ndaa mukristu aadikani kuita uhure.—Erengai Ahebheru 13:4.
2. Cinyi cinozwi useki?
Bhaibheri rinoti, “aya anoita useki . . . aazogari nhaka ye Umambo wa Mwari.” (1 Akorinti 6:9, 10) Soko re cigrego rinoseenzeswa mu Bhaibheri rekuti useki i por·neiʹa. Soko iri rinobatanidza (1) kuita zve bonde a ke anhu asikazi kuwakana (2) kuita zve bonde ke mwanarume no mwanarume uye mwanakadzi no mwanakadzi (3) kuita zve bonde no cinyama kana zvimweniwo. Kana tikatiza “useki,” isusu tinopfadza Djehovha uye tinoitirawo zvakanaka isusu wene.—1 Atesaronika 4:3.
FUNDAI ZVAKAWANDA
Onai kuti tingatiza kudini useki. Onaiwo kuti kurumbwa tino maitiro akacena kakatinakira.
3. Tizai useki
Mu Bhaibheri, mwanarume umweni wakagondeka unozwi Zuzee wakarhwa kuti arumbwe ano maitiro akacena. Erengai Genesi 39:1-12, pedzepo cedzai nge zve mibvunzo dzinoteera:
-
Cinyi cakaita kuti Zuzee atize? —Onai vhersikuro 9.
-
Imwimwi munorangarira kuti Zuzee wakaita cisananguro cakanaka here? Ngei?
Madjaha angateedzera kudini Zuzee pakutiza useki? Ridzai VHIDHIYO.
Djehovha anoda kuti isusu tisaite useki. Erengai 1 Akorinti 6:18, pedzepo cedzai nge zve mibvunzo dzinoteera:
-
Migariro ipi yaizoita kuti munhu aite useki?
-
Maizotiza kudini useki?
4. Imwimwi mungakunda miedzo
Cinyi cingakanganisa cisananguro cedu cokurumbwa takacena? Ridzai VHIDHIYO, pedzepo cedzai nge zve mubvunzo unoteera.
-
Mu vhidhiyo yataona, hama imweni yakazwisisa kuti nzero no zviito zvayo zvaizoita kuti isagondeke kumukadzi wayo. Yakazoita kudini payakazwisisa izvona?
Nguwa dzimweni, Akristu akatogondeka anodikana kurhwisana ne marangariro asikazi kucena. Cinyi cingamubetsera kuti musagare mecirangarira zviro zvisikazi kucena? Erengai Afiripi 4:8, pedzepo cedzai nge zve mibvunzo dzinoteera:
-
Zviro zvemushoboyi zvatinodikana kurangarira?
-
Kuerenga Bhaibheri uye kubatikana mu basa ra Djehovha kunotibetsera kudini kukunda miedzo?
5. Mitemo ya Djehovha inotibetsera
Djehovha anonyasa kuziya zvakatinakira. Iyena anotifundisa kuti tingarumbwa kudini takacena uye mugumisiro wekuzviita. Erengai Zvierengo 7:7-27 kana kuti ridzai VHIDHIYO, pedzepo cedzai nge zve mibvunzo dzinoteera.
-
Murumbwana anorekethwa pavhersikuro ii wakadzipinza kudini pamugarire ino miedzo?—Onai Zvierengo 7:8, 9.
-
Maererano na Zvierengo 7:23, 26, useki unobara matambudziko akawanda. Kana tikarumbwa tinomaitire akacena, tinodzidziirira pamatambudziko api?
-
Kurumbwa takacena kungatibetsera kudini kuti tirarame nokusikaperi?
Anhu amweni anorangarira kuti zvinobhuiwa no Bhaibheri nge zve kuita maponde mwanarume no mwanarume uye mwanakadzi no mwanakadzi azvipangidzi rudo. Asi Djehovha, Mwari we rudo anoda kuti tipfare nokusikaperi. Asi kuti izvi zviitike, tinodikana kurarama maererano nozvaanobhuya kuti zvakanaka. Erengai 1 Akorinti 6:9-11, pedzepo cedzai nge zve mubvunzo unoteera:
-
Mu maonero a Mwari ane cekuita ne kuita zvepamaponde mwanarume no mwanarume uye mwanakadzi no mwanakadzi ndico cido cega cakashata catinodikana kuramba here?
Kuti tipfadze Mwari, tese hedu tinodikana kuita cinjo mu upenyu. Asi zviri nyore kuzviita here? Erengai Pisarema 19:8, 11, pedzepo cedzai nge zve mibvunzo dzinoteera:
-
Imwimwi munorangarira kuti mutemo wa Djehovha wekuti tigare anhu anodzibata wakanaka here? Ngei?
Djehovha akabetsera anhu akawanda kupurutana mitemo yake ye ruceno. Iyena angabetserawo imwimwi
ANHU AMWENI ANOTI: “Kuita zvepamaponde ku anhu airi anodanana, zvakanaka maningi.”
-
Maizoti kudini?
MUCIGWAGWA
Kuita zve pa maponde i cipo cakabva kuna Djehovha caanoda kuti cipfadze anhu akawana.
Mibvunzo yekuhwirinzira
-
Miitiro ipi inooneka kuti aizi kucena pakuita zve bonde?
-
Cinyi cicatibetsera kuti titize kuita zvepamaponde mwanarume no mwanarume uye mwanakadzi no mwanakadzi?
-
Ngei kupurutana mitemo yakacena ya Djehovha zvakatinakira?
ZIYAI ZVAKAWANDA
Onai kuti ngei zvinokosha kuna Mwari kuti mwanarume ne mwanakadzi anorarama ese anodikana kucata.
“Bhaibheri Rinotii Ngezve Kugara Pamwepo Musikazi Kuwakana?” (Fundo ye mu saite)
Kunyazi Bhaibhei recireketa nge zve kuita zvepamaponde ke mwanarume no mwanarume uye mwanakadzi no mwanakadzi zvakashata, onai kuti izvona azvidi kureketa kuti tinozonda anhu awona.
Fundai nge zve kudziirira kunoita mitemo ya Mwari nge zve pamaponde.
“Kuita Bonde no Muromo Zvingazwi Kuita Bonde Here?” (Fundo ye mu saite)
Erengai eshiperiensiya inoti, “Awona Akandibata ne Rureremedzo,” muone kuti cinyi cakaita kuti mwanarume umweni waiita zve pamaponde no mwanarume mudoni acinje upenyu wake kuti apfadze Mwari.
“Bhaibheri Rinochinja Upenyu” (Murindiri wa 1 ya Abriri wa 2011, mu ciShona)
a Kuita zve pamaponde uku kusikatenderhwi kunobatanidza miitiro yakawanda yakashata, yakaita hingana kuita zve pamaponde no muromo, no kunobuda psvina uye kubata-bata nhengo dzemwiri dze kubereka nadzo dze munhu umweni.
