КИЧЭЭЛ 41
Эр-херээжен чорукка хамаарыштыр Библияның көрүжү кандыгыл?
Хөй улус эр-херээжен чорук дугайында чугаалажырындан эпчоксунар, а Ыдыктыг Бижилгеде ооң дугайында хүндүткелдии-биле чугаалаан. Ында бижээн негелделер биске камгалал, чүге дизе Чаяакчывыс болгаш, биске чүү эки болурун Иегова билир. Мөңгеде аас-кежиктиг чурттаар дизе, чүү херегин Бурган тодазы-биле чугаалап турар.
1. Эр-херээжен чорукка Иегованың хамаарылгазы кандыгыл?
Эр-херээжен чорук — хоойлу ёзугаар бадылгалыг эр, кыс улуска Иеговадан белек. Бурганның белээниң ачызында өг-бүлелиг улус ажы-төлдүг, бот-боттарынга ынакшылдыг, эрге-чассыг хамаарылгалыг болур. Ынчангаш Бурганның Сөзүнде мынча дээн: «Аныяаңда алган кадайың сеңээ өөрүшкүнү шаңназын» (Чугаалар 5:18, 19). Иегова бараалгакчыларындан кады чурттаан эжинге кажан-даа өскерилбезин күзеп турар. (Номчуптуңар: Еврейлерге 13:4.)
2. Мөзү-шынар чок эр-херээжен харылзаага чүү хамааржыр?
Бижилгеде «мөзү-шынар чок эр-херээжен харылзаа кылыр... улус» Бурганның Чагыргазын салгап албас деп тайылбырлаан (1 Коринфичилерге 6:9, 10, Чаа делегей). Эр-херээжен чоруктуң бачыттарын грек дылда порне́йа деп сөс-биле бижээн. Ол сөс: 1) бадылга чок улустуң аразында эр-херээжен харылзаазын a; 2) гомосексуализмни; 3) дириг-амытаннар-биле холбажырын илереткен. Бурганның мөзү-шынар негелделерин сагып турар болзувусса, дыка хөй бергелерден камгаланып алыр бис. Ынчан Иегова бис дээш өөрүүр (1 Фессалоникчилерге 4:3).
ХАНЫ ШИНЧИЛЕҢЕР
Мөзү-шынар чок эр-херээжен харылзаадан ойталаарынга чүү дузалаарын база Бурганның негелделерин сагыырының кайы хире ажыктыын көрээлиңер.
3. Эр-херээжен чоруктуң бачыттарындан ойталаңар
Бурганга шынчы болгаш, Иосиф эр-херээжен чорук кылырынче көгүдүп турган херээженден ойталаан. Эге дөс 39:1—12-ни номчааш, айтырыгга харыылаптыңар:
-
Иосиф чүге дезипкен? (9 дугаар шүлүктү көрүңер.)
-
Иосиф шын кылган бе, чүге?
Амгы үеде аныяк-өскен Иосифтен чүнү өөренип ап болур? ВИДЕОНУ көрүңер.
Иегова мөзү-шынар негелделерин кижи бүрүзү сагызын деп күзеп турар. 1 Коринфичилерге 6:18-ти номчааш, харыылаптыңар:
-
Эр-херээжен чоруктуң бачыдынче кижини кандыг байдалдар идип болур?
-
Самыырал кылбазынга чүү дузалап болур?
4. Шын эвес күзелдерге удурланып болур силер!
Мөзү-шынар чок эр-кыс харылзаадан ойталаары чамдыкта чүге берге? ВИДЕОНУ көргеш, айтырыгга харыылаптыңар.
-
Ол эр кижи бодунуң бодалдары кадайынга өскерлиринче идип турарын билип кааш, чүнү кылган?
Дуржулгалыг христианнарга безин бодалдарын тудары берге апаар. Мөзү-шынар чок бодалдарның аайынче кирбезинге силерге чүү дузалаар? Филипчилерге 4:8-ти номчааш, харыылаптыңар:
-
Угаанны чүнүң-биле долдурар болза эки?
-
Бижилгени номчууру, христиан ажыл-херектерге идепкейлиг киржири бачыттыг күзелдерге удурланырынга канчаар дузалаар?
5. Бурганның негелделери бисти камгалап турар
Биске чүү эки болурун Иегова билир. Мөзү-шынар талазы-биле арыг амыдыралдың эки талаларын Бурган тайылбырлап турар. Чугаалар 7:7—27-ни номчуптуңар азы ВИДЕОНУ көргеш, айтырыгларга харыылаптыңар.
-
Аныяк оолга шын эвес күзелдери-биле туржуру чүге берге апарган? (Көрүңер: Чугаалар 7:8, 9.)
-
Чугаалар 7:22, 23, 26-дан алырга, самыын чоруктуң түңнели дыка багай. Бурганның мөзү-шынар негелделерин сагыыры, бисти кандыг бергелерден камгалаар?
-
Арыг мөзү-шынарлыг амыдыралды тудары амгы үеде база мөңгеде өөрүп чурттаарынга канчаар дузалаар?
Чамдык улус гомосексуалдыг харылзаага хамаарыштыр библейжи негелделерни эмин эрттир шыңгыы деп санаар. Ынчалза-даа Иегова ынакшылдыг Бурган болгаш, кандыг-даа кижини Ооң дүрүмнерин сагып, мөңге чурттазын деп күзеп турар. 1 Коринфичилерге 6:9—11-ни номчааш, харыылаптыңар:
-
Бурган чүгле гомосексуалдыг харылзааны чөпшээревес бе?
Бурганның сеткилинге кирер дизе, кижи бүрүзү бодунда шын эвес чүүлдү өскертир ужурлуг. Ону кылыры чүге чугула? Ырлар 18:9, 12-ни номчааш, харыылаптыңар:
-
Иегованың мөзү-шынар негелделерин чөптүг деп санаар силер бе? Чүге?
Иегова дыка хөй улуска мөзү-шынар дүрүмнерин сагып эгелээринге дузалаан. Ол силерге база дузалаар
ЧАМДЫК УЛУС МЫНЧА ДЕП БОЛУР: «Бот-боттарынга тааржыр-ла болза, эр-херээжен чорукту кылырында багай чүве чок».
-
Силер чүү деп харыылаар силер?
КОЛ БОДАЛ
Эр-херээжен чорук дээрге чүгле хоойлу ёзугаар өг-бүлелиг ашак-кадай улуска көрдүнген Иегованың белээ.
Катаптаашкын
-
Бурган кандыг эр-херээжен чорукту бачыт деп санаар?
-
Эр-херээжен чоруктуң бачыттарындан ойталаарынга чүү дузалаар?
-
Иегованың мөзү-шынар негелделерин сагыырының ажыы чүдел?
НЕМЕЛДЕ
Эр-херээжен улус бадылга чок чурттаарга, Бурганга чүге таарышпазыл?
«Бадылга чокка чурттаарынга хамаарыштыр Ыдыктыг Бижилгеде чүнү чугаалаан?» (веб-статья)
Ыдыктыг Бижилге гомосексуалист кижиниң ажыл-херээнден аңгыда, ооң бодунга хөңнү чок болурунче кыйгырбайн турар.
Бурганның эр-херээжен чорукка хамаарышкан хоойлулары бисти канчаар камгалаарын номчуңар.
«Оральный сексти ёзулуг эр-херээжен чорук деп болур бе?» (веб-статья)
Гомосексуалист чораан кижини Бурганның хоойлуларын сагыырынче чүү оттурганын номчуп көрүңер.
«Алыс шын чуртталганы өскертир» («Таңныыл суургазы» апрель 1, 2011 чыл)
a Ол кылдыныгларга эр-херээжен чорук, аксынче, ужазынче кылыр харылзаа, өске кижиниң адаккы органнарын суйбаары хамааржыр.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
