LESSION 41
Cossa che la Bìblia la dise sora sesso?
Tante persone le ga vergogna de parlar sora sesso. Magari, la Bìblia la parla sora sesso, ma con rispeto. L’è stà Geovà che el ga scrito la Bìblia e che el ne ga creà. Alora, quel che la Bìblia la dise pol giutarne tanto. Se noantri se sforsemo par far quel che la dise, ndaremo assar Geovà contento e podaremo viver felici par sempre.
1. Cossa che Geovà el pensa sora el sesso?
El sesso l’è un presente de Geovà. Lu el vol che sol un omo e una dona che i ze maridadi i fae sesso. Cossita, lori i pol gaver fioi e mostrar che i se ama. La Bìblia la dise: ‘Resta contento cola sposa che te sì maridà quando te eri gióveno.’ (Proverbi 5:18, 19) Alora, Geovà el speta che el omo e la dona i sìpie fedeli nel matrimònio. Par quela, lori no i ndaria mai tradir un al altro. — Ledi Ebrei 13:4.
2. Cossa che la ze la imoralità sessual?
La Bìblia la dise che quei che i fà imoralità sessual, o sia, el sesso che Geovà el dise che l’è sbalià, no i guadagnarà el Regno de Dio. (1 Corinti 6:9, 10) La Bìblia la dopera la parola greca porneìa par parlar del sesso che Dio el dise che l’è sbalià. Questa parola la ze doperada par parlar del sesso (1) intrà due persone che no le ze maridade, a (2) intrà un omo e nantro omo, o una dona e nantra dona, e (3) intrà una persona e una bèstia. Noantri vivemo meio e assemo Geovà contento se no femo queste robe. — 1 Tessalonissensi 4:3.
IMPARA DE PI!
Cossa che pol giutarte a mai far el sesso che Dio el dise che l’è sbalià, e come far quel che l’è giusto pol giutarte?
3. Scampa via dela imoralità
La Bìblia la parla de un bravo omo de nome Giusepe. Lu el ga bio de sforsarse tanto par seitar a far quel che l’è giusto. Ledé Génesi 39:1-12, e dopo, parlé sora questo:
-
Parché che Giusepe el ga scampà via? (Vardé el versìcolo 9.)
-
Te pensi che lu el ga fato la roba giusta? Parché?
Come che i gióveni i pol far compagno a Giusepe? Vardé el VÌDEO.
Geovà no’l vol che femo el sesso che lu el dise che l’è sbalià. Ledé 1 Corinti 6:18, e dopo, parlé sora questo:
-
Quando che fursi una persona la podaria gaver voia de far el sesso che Dio el dise che l’è sbalià?
-
Cossa che pol giutarte a no far el sesso che Dio el dise che l’è sbalià?
4. Te pol dàrghene fora cole voie sbaliade
Cossa che pol intrigarne de seitar a far quel che l’è giusto? Vardé el VÌDEO, e dopo, parlé sora questo.
-
Nel vìdeo, el fradel el ga capio che el gavea de cambiar quel che el pensea e quel che el fea par seitar a esser fedele ala so dona. Cossa che lu el ga fato quando el ga capio questo?
Dele volte, anca servi fedeli de Geovà i ga de sforsarse tanto par mai pensar in quel che l’è sbalià. Cossa che pol giutarne a no pensar in quel che l’è sbalià? Ledé Filipensi 4:8, e dopo, parlé sora questo:
-
Ghemo de pensar sora che robe?
-
Come che leder la Bìblia e far de pi par Geovà pol giutarne a mai far robe sbaliade?
5. Le lege de Geovà le ze par el nostro ben
Geovà el sa cossa che ghemo de far par esser felici. Lu el ne dise come che podemo seitar a far quel che l’è giusto e parché che l’è bon farlo. Ledé Proverbi 7:7-27 o vardé el VÌDEO, e dopo, parlé sora questo.
-
Cossa che el toso el ga fato vanti de far quel che l’è sbalià? (Vardé Proverbi 7:8, 9.)
-
Come mostra Proverbi 7:23, 26, una persona la pol sofrir tanto quando la fà el sesso che Dio el dise che l’è sbalià. Che dificoltà no infrontaremo se femo quel che l’è giusto?
-
Come che seitar a far quel che l’è giusto ndarà giutarne a viver par sempre?
La Bìblia la dise che l’è sbalià un omo smorosar con nantro omo, o una dona con nantra dona. Arquanti i pensa che quel che la Bìblia la dise no l’è mia giusto. Ma Geovà, che l’è el Dio de amor, el vol che tuti i sìpia felici par sempre. Alora, saremo felici se femo quel che la Bìblia la dise. Ledé 1 Corinti 6:9-11, e dopo, parlé sora questo:
-
Par Geovà, el sesso intrà un omo e nantro omo o una dona e nantra dona l’è sbalià. Sarà che ghen’è altre robe che la Bìblia la dise che le ze sbaliade?
Se volemo assar Geovà contento, ghemo de fermarse de far quel che l’è sbalià e scominsiar a far quel che l’è giusto. Come che far queste robe pol giutarne a viver meio? Ledé Salmo 19:8, 11, e dopo, parlé sora questo:
-
Te pensi che quel che Geovà el ne domanda de far l’è giusto? Parché?
Geovà el ga giutà tanti a obedir le so lege. Lu el pol giutar anca a ti.
FURSI TE GHÈ BELCHE SCOLTÀ: “Se due persone le se ama, no ghen’è problema de far sesso.”
-
Cossa che te ndarissi risponder?
COSSA CHE TE GHÈ IMPARÀ?
El sesso l’è un presente che Geovà el ga dato par un omo e una dona che i ze maridadi.
Sito bon de ricordarte?
-
Che robe le fà parte del sesso che Dio el dise che l’è sbalià?
-
Cossa che ndarà giutarne a mai far el sesso che Dio el dise che l’è sbalià?
-
Come che far quel che Geovà el dise che l’è giusto pol giutarne a viver meio?
VUTO SAVER DE PI?
Parché che Geovà el vol che un omo e una dona che i vive insieme i sìpia maridadi?
“Cossa che la Bìblia la dise sora ndar de star insieme sensa esser maridadi?” (Varda nel jw.org)
La Bìblia la dise che l’è sbalià che un omo el fae sesso con nantro omo o una dona con nantra dona. Ma parché che no ghemo de odiar le persone che lo fà?
Varda come che le lege de Geovà sora el sesso le ne dà protession.
Varda quel che ga giutà un omo a fermarse de smorosar con altri òmini. Ledi la stòria “I me ga tratà con rispeto”.
“La Bìblia la càmbia la vita dele persone” (La Sentinela, 1 de april de 2011)
a El sesso che Dio el dise che l’è sbalià anca l’è el sesso oral, el sesso anal o sfrugnar de qualche altra maniera i òrgani sessuai de qualchedun che no’l sìpia el to omo o la to dona.
Te piaserà de veder anca questo
DOMANDE FATE DE PI
Come che se fà el stùdio dela Bìblia cole Testimònie de Geovà?
Par studiar cole Testimònie de Geovà te pol doperar la Bìblia che te vol. Te pol ciamar tuta la to fameia o i amighi che te vol.
