YOOSOMA 41
Eheeni Biblya onhimaawe voohima sa okonihana?
Atthu akina onnawuuliha muru wuuluma sa okonihana. Biblya onnuuluma mooluluwanya woohima sa mwaheene yoowo. Nto Biblya uulumaka sa mwaheene yoowo, onuuluma mwa nttittimiho. Soothesene Biblya onhimaawe oneerela murerelo ahu. Etthu eyo, enniiwanyeya. Mwaha wooweera Yehova mpattuxaahu, owo oosuwela itthu sooreera wa hiyo. Owo oohima etthu nintthuneyaahu opaka weera nimusivelihe, etthu eneera yookhavihereni weera mukhale oohakalala mahuku ootheene.
1. Moonelo heeni wa Yehova woohima sa okonihana?
Okonihana yoovaha enkhuma wa Yehova. Owo ontthuna weera okonihana iwo okhumeke mwa osivelana wa mulopwana ni muthiyana yaawo ethelanne. Khahiyono paahi ale anthelana anthelela waayararu anamwane paahi. Mene yoovaha eyo ya Yehova yookonihana, enaweeriha ale athelanne osivelana mukina ni mukhwaawe, nsivelo nenno nri nooyariwano ni ninkhuma vamurimani ni otthunana. Masu a Muluku aneera: “Siso weyo ohakalale ni muthiyana a omiravo á.” (Miruku 5:18, 19) Yehova ontthuna weera mulopwana ni muthiyana eroromelaneke mukina ni mukhwaawe. Mwa yeeyo, mukristu khontthuneya omuraruwela mwaariye (ole othelannaiyeno).—Mmusome Aheberi 13:4.
2. Oraruwa ti heeni?
Biblya oneera “anamararuwa . . . khankela ohiyeriwa omwene wa Muluku.” (1 Akorinto 6:9, 10) Nuulumo na eGregu ninvareliwa muteko mBiblyani yaahimwaka masu ooweera por·neiʹa oraruwa, antthuna ohima okonihana. Masu ala anhela mpuwa (1) okonihana atthu ohithelana a (2) okonihana alopwanaru naari athiyanaru ni (3) waakoniha axinama, naari neere waararuxa axinama. Vaavo “nintthawahu oraruwa,” ninnamusiveliha Yehova ni ninnasempa maxupo.—1 Atesalonika 4:3.
WEERA MUXUTTERE SINTXIPALE
Moone moota wootthawa oraruwa. Moone tho moota wookhalano muupuwelo wooreera onookhalihaayani nnene.
3. Mutthawe oraruwa
Mbiblyani, nookhalamo ntakihero na mulopwana oororomeleya eeriwa Yosefe yoowo aawanne ni muupuwelelo ola weera akhale ootteela mmuupuweloni. Mmusome Ephattuwelo 39:1-12. Avinyaka mutthekule ni ipontu sinttharelana:
-
Eheeni yaamweerinhe Yosefe otthawa?—Moone eversu 9.
-
Nyuwo munoona weera Yosefe aapaka yoothanla yooreera? Mwaha wa heeni?
Moota heeni amiravo eneeraaya emutakihe Yosefe etthawaka oraruwa? Moone EVIIDIYU.
Yehova ontthuna weera atthu awe esempeke mukhalelo wooraruwa. Mmusome 1 Akorinto 6:18. Avinyaka mutthekule ni ipontu sinttharelana:
-
Itthu heeni seera simweerihe mutthu opaka mararuwo?
-
Moota heeni nyuwo muneeraanyu mutthawe oraruwa?
4. Nyuwo pooti owina sooweerera
Eheeni eneera enihiihe ovirelela ookhalano muupuwelo wooreera? Moone EVIIDIYU. Avinyaka mutthekule ni ipontu sinttharelana.
-
Nviidiyuni, mohoona weera, munna aahoonelela weera nyuupuwelo sawe ni soopaka sawe samweeriha okhala oohiroromeleya wa amwaarawe. Eheeni aapankaawe onelelakaru eyo?
Ikwaha ikina, mpaka makristu oororomeleya annawanano ni mikhalelo soonanara. Eheeni enkela wookhaviherani ohuupuwela itthu soonanara? Mmusome Afilipi 4:8. Avinyaka mutthekule ni ipontu sinttharelana:
-
Itthu sa moota heeni hiyo nintthuneyaahu wuupuwelela?
-
Moota heeni omusoma Biblya ni okhala oowaatteliwa mmitekoni mwa Yehova oneeraawe wookhaviherani owina mweereriwaka vale?
5. Malamulo a Yehova anoonikhavihera mweekumini mwahu
Yehova oosuwela etthu yooreera wa hiyo. Ni owo onnanikhaavihera moota wookhalano nyuupuwelo sooreera ni hiyo ninnoona oreerawaya opaka eyo. Musome Miruku 7:7-27 naari Moone EVIIDIYU. Avinyaka mutthekule ni ipontu sinttharelana.
-
Moota heeni mmiravo ola ohimmwale muyoolepa ela aihenlaawe mphironi mwa miiwa?—Moone Miruku 7:8, 9.
-
Moovarihana ni Miruku 7:23, 26, oraruwa pooti okumihera maxupo. Wakhala weera ninnakhalano nyuupuweloo sooreera, maxupo heeni ninrowaahu osempa?
-
Moota heeni okhalano nyuupuwelo sooreera oneeraaya wookhavihereni okhala mahuku ootheene?
Atthu akina anthaliha weera ele Biblya onhimaawe voohima sa okonihana alopwanaru naari athiyanaru khahiyono nsivelo. Mene Yehova ontthuna weera atthu ootheene ehakalaleke. Mene nto weera yeereye eyo, ontthuneya okhala moovarihana ni ele Biblya onhimaawe weera ekhaikhai. Mmusome 1 Akorinto 6:9-11. Avinyaka mutthekule ni ipontu sinttharelana:
-
Neereke ele Biblya onhimaawe sa okonihana alopwanaru naari athiyanaru mwinlelo mmoha woonanara nintthuneyaahu osempa?
Weera nimusivelihe Muluku, ootheene ahu onnatthuneya opaka matxentxo mweekumini mwahu. Neereke onnatthuneya wiilipihera? Musome Nsalmu 19:8, 11. Avinyaka mutthekule ni ipontu sinttharelana:
-
Neereke nyuwo munoona weera malamulo a Yehova toovareleya muteko? Mwaha wa heeni?
Yehova ohaakhavihera atthu akina wiiwelela malamulo awe ni ookhalano muupuwelo wooreera. Owo-tho pooti wookhaviherani
ATTHU AKINA ANEERA: “Okonihana atthu eeli ansivelana, etthu empakiwa ni atthu a elapo yootheene.”
-
Mwaakela ohima heeni?
NYAHA SOOTTHUNEYA
Okonihana yoovaha Yehova aavahaawe alopwana ni athiyana ethelanne.
Wuuluula
-
Mikhalelo heeni sinoonihera oraruwa?
-
Eheeni enkela onikhavihera osempa oraruwa?
-
Mwaha wa heeni wiiwelela malamulo a Yehova oraaya wootthuneya wa hiyo?
WEERA MUSUWELE ITTHU SINTXIPALE
Moone mwaha wa heeni oraaya wootthuneya vamaithoni va Muluku weera mulopwana ni muthiyana ankhala vamoha elipihe ntheli.
“Eheeni Biblya onthalihaawe woohima sa oraruwa atthu oohithelana?” (Mwaha va jw.org)
Nnaamweera Biblya ahimaka weera okonihana alopwanaru naari athiyanaru tiwoonanara, moone mwaha wa heeni ohinhimaawe weera naathanyeke ale ampaka itthu iyo.
“Okonihana alopwanaru naari athiyanaru tiwoonanara?” (Mwaha va jw.org)
Muxuttere malamulo a Muluku anhima sa okonihana annikosoopaaya.
“Okonihana mmwano neereke okonihana tthiri?” (Mwaha va jw.org)
Moone etthu yaamuttuntthe murima mutthu aakhovelenle okonihana alopwanaru aatxentxalaawe ekumi awe weera amuhakalalihe Muluku. Musome yookumanano, “Awo yaakireerela murima.”
“Biblya onnatxentxa okumi waatthu” (A Sentinela, a 1.º a Abril a 2011)
a Ohiya paahi oraruwa, masu ala ooweera porneia [okonihana] anhela mpuwa itthu sintxipale sa okonihana, ntoko okonihana mmwano, okonihana waamakhuttu, ni mikhalelo sinttuttha elopwana naari ethiyana weera ekhaleno mukhalelo wootthuna okonihana ni mutthu mukina.
