YOOSOMA 41
Biibiliya Onihimya Exeeni sa Orupihana?
Atthu anceene khonaasivela olavula myaha sa orupihana. Hata vari siiso, Biibiliya onnilavula sa orupihana, masi mwa nttittimiho. Eyo etthu yookhalela. Maana Yehova yoowo ori Mpattuxa ahu onnisuwela itthu sinniphwanyiha mireerelo. Owo onnihimya itthu ninreerela ahu opaka wira nimusiveliheke ni onninikhaliherya ohakalala mahiku ootheene.
1. Yehova onoonela sai orupihana?
Orupihana yoovaha enikhuma wa Yehova. Masi atthu Yehova oniweemererya awe orupihana, taale athelanne paahi. Eyo ennaakhaliherya anamathelana, ohiya paahi waayara anamwane, masi-tho wooniheryana ophentana waya. Biibiliya onihimya wira: “Mutteliweke murima ni mwara òmiravo anyu!” (Miruku 5:18, 19) Yehova oniphavela wira ale athelanne ahiraruwelaneke. Tivonto, khuuvo mukristau eekeekhai aarowa ophavela oraruwa.—Mmusome aHeeberi 13:4.
2. Orupihana woohiloka exeeni?
Biibiliya onihimya wira “ale anrupihana voohiloka . . . khanaakhela Omwene wa Muluku”. (1 aKorinto 6:9, 10) Nuulumo na ekereku nirumeeliwe mBiibiliyani noowi orupihana woohiloka, ti por·neiʹa. Nuulumo nla, ninhela muhina (1) orupihana atthu ahithelanne a (nwehe enoota), (2) orupihana alopwanaru aahiiso athiyanaru ni (3) orupiha inama. Vaavo ninkhootta ahu ‘orupihana voohiloka’, ninnimusiveliha Yehova ni ninniphwanya mireerelo.—1 aTesaloonika 4:3.
MWIIXUTTE ITTHU SIKINA
Nwehe moota mukhanle anyu ootthyawa orupihana woohiloka. Nave moone moota okhalana mweettelo wooloka onrowa aya woophwanyihani mireerelo.
3. Mutthyaweke orupihana woohiloka
Biibiliya onnimuhimya mmiravo oororomeleya iihaniwa Yosefe, yoowo aakhoottale omurupiha mwaara a mwaneene. Musome Maphattuwelo 39:1-12, nuumala-vo mwaakhule makoho anittharelana:
-
Etthu xeeni yaamwiirinhe Yosefe otthyawa?—Nwehe eversiikulu 9.
-
Munoona wira Yosefe aahipaka yoothanla yooloka? Mwaha wa xeeni?
Olelo-va, amiravo anrowa omutakiha sai Yosefe atthyawaka orupihana woohiloka? Nwehe EVIIDIYU.
Yehova oniphavela wira nikhootteke orupihana woohiloka. Mmusome 1 aKorinto 6:18, nuumala-vo mwaakhule makoho anittharelana:
-
Itthu xeeni saarowa omwiiriha mutthu orupihana woohiloka?
-
Munrowa otthyawa sai orupihana woohiloka?
4. Nyuwo munoowerya okhootta sooweeha
Etthu xeeni yaarowa oniiriha orupihana moohiloka? Nwehe EVIIDIYU, nuumala-vo mwaakhule nikoho.
-
Munna ninwenhe ahu nviidiyuni, aahoona wira miyuupuwelelo sawe ni itthu aapaka awe, sammwiiriha omuraruwela mwaarawe. Etthu xeeni aapanke awe nuumala osuwela eyo?
Okathi mukina, hata makristau oororomeleya ahaana owanana miyuupuwelelo soohiloka. Etthu xeeni enrowa wookhaliheryani ohuupuwela orupihana woohiloka? Mmusome aFilipi 4:8, nuumala-vo mwaakhule makoho anittharelana:
-
Itthu xeeni ninreerela ahu wuupuwela?
-
Omusoma Biibiliya ni ovara miteko sa Yehova, onrowa onikhaliherya sai okhootta sooweeha?
5. Malamulo a Yehova anniniphwanyiha mireerelo
Yehova onnisuwela itthu sinniphwanyiha mireerelo. Nave onniniixuttiha moota wookhalana mweettelo wooloka ni mireerelo nimphwanya ahu okathi ninkhalana ahu mweettelo wooloka. Musome Miruku 7:7-27 aahiiso nwehe EVIIDIYU, nuumala-vo mwaakhule makoho.
-
Moota xeeni mmiravo onilavuliwa yoolepa ela, aavinre awe opuro yaarowa aya omphwanya yooweeha?—Nwehe Miruku 7:8, 9.
-
Miruku 7:23, 26, onnooniherya wira orupihana woohiloka onniphwanyiha maxakha. Nakhalana mweettelo wooloka, mixankiho xeeni ninrowa ahu osyaka?
-
Okhalana mweettelo wooloka, onrowa onikhaliherya sai ophwanya okumi woohimala?
Atthu akina anoona wira ele Biibiliya onihimya awe sa orupihana alopwanaru aahiiso athiyanaru etthu yoohiloka. Masi Yehova yoowo ori Muluku oophenta oniphavela wira niphwanye okumi woohimala. Nto wira niphwanye nihaana okhala moovarihana ni ele onihimya awe okhala yooloka ni yoohiloka. Mmusome 1 aKorinto 6:9-11, nuumala-vo mwaakhule nikoho ninttharelana:
-
Niireke moota Muluku onoonela awe orupihana alopwanaru aahiiso athiyanaru, yooweeha emosa paahi ninreerela ahu okhootta?
Wira nimusiveliheke Muluku, otheene ahu nihaana opaka marukunuxo mookumini mwahu. Niireke opaka eyo etthu yooloka? Musome Esalimo 19:9, 12, nuumala-vo mwaakhule makoho anittharelana:
-
Munoona wira malamulo a xariya a Yehova tooloka? Mwaha wa xeeni?
Yehova ohaakhaliherya atthu anceene wiiwelela malamulo awe voohimya sa mweettelo wooloka. Nave owo pooti wookhaliheryani
ATTHU AKINA ANIHIMYA WIRA: “Akhala wira munniphentana khahiyo vootthekeya orupihana”.
-
Nyuwo munoonela sai?
IPONTO SUULUPALE
Orupihana etthu Yehova onvanhe awe mulopwana oothela ni muthiyana ootheliwa.
Wuuluula
-
Orupihana woohiloka onihela muhina exeeni?
-
Etthu xeeni enrowa onikhaliherya otthyawa orupihana woohiloka?
-
Wiiwelela malamulo a xariya a Yehova onniphwanyiha sai mireerelo?
NWEHE ITTHU SIKINA
Nwehe etthu enimwiiriha Muluku ohimya wira mulopwana ni muthiyana anikhala hoothe ahaana olepiha ekasamento aya.
“Biibiliya Onihimya Exeeni sa Atthu Anli Anikhala Hoothe Ahithelanne?” (Mwaha ori va jw.org)
Nnaamwi Biibiliya ohimyaka wira orupihana alopwanaru aahiiso athiyanaru etthu yoohiloka, nwehe xeeni vari aya vootakhala waanyokha ale anrupihana alopwanaru aahiiso athiyanaru.
“Niireke ti Vootakhala Orupihana Alopwanaru Aahiiso Athiyanaru?” (Mwaha ori va jw.org)
Nwehe moota malamulo a Muluku voohimya sa orupihana annikhapelela aya.
“Niireke Orupihana Mwaano, Orupihana Tthiri?” (Mwaha ori va jw.org)
Nwehe etthu yaamwiirinhe mulopwana mmosa aarupihana alopwanaru oturuka mweettelo awe wira omusiveliheke Muluku. Musome mwaha oni “Awo Yaanikittittimiha”.
“Biibiliya Onnirukunuxa Mirima sa Atthu” (Owehaweha, 1 a Abril, 2011)
a Ohiya paahi orupihana, nuulumo noowi por·neiʹa, ninhela muhina orupihana mwaano, orupihana waamakhuttu, ovarakasa ethiyana aahiiso elopwana ya mutthu mukina ophavelaka wiihakalaliha.
