TIMIRTTE 41
Geeshsha Maxaafay Inddaa Gaytettaabaa Woygii?
Daro asay inddaa woy asho gaytettaabaa haasayanawu yayyees. Gidikkonne, Geeshsha Maxaafay inddaa gaytettaabaa aynne genttennan bonchchuwan yootees. I yootiyoobay nuna goˈˈiyaaba. Geeshsha Maxaafay nuna Medhdhida Yihoowa imota gidiyo gishshawu, hegaadan giyoogee bessiyaaba. Yaatiyo gishshawu, nuussi aybi keehi loˈˈokko Yihooway erees. A ufayssanawu oottana koshshiyaabaanne merinawu ufayttidi deˈanawu maaddiyaabaa I nuussi yootees.
1. Inddaa gaytettaa Yihooway waati xeellii?
Inddaa gaytettay Yihoowa imota. Inddaa gaytettan azinaynne machchiyaa ufayttanaadan I koyees. He imotay azinaynne machchiyaa naata yelanaadan oottees; hegaa xalla gidennan, eti siiqettiyoogaa ufayssiya ogiyan bessanaadankka oottees. Xoossaa Qaalay, “Yelagatettan neeni ekkido ne maccaaseera ufaitta” giyoy hegaassa. (Leemiso 5:18, 19) Yihooway aqo oyqqida Kiristtaaneti bantta aqo laggiyawu ammanettanaadan koyiyo gishshawu, eti mule wodiraa laammokkona.—Ibraawe 13:4 nabbaba.
2. Bessenna inddaa gaytettay aybee?
Geeshsha Maxaafay, “SHaaramuxana qaaqqatiyaageeti . . . Xoossaa kawotettaa laattokkona” yaagees. (1 Qoronttoosa 6:9, 10) Bessenna inddaa gaytettaabaa qonccissanawu Giriikettuwan Geeshsha Maxaafaa xaafidaageeti porniyaa giya qaalaa goˈettidosona. Ha qaalay (1) aqo oyqqibeennaageeti, (2) attumay attumaara maccay maccaara inddan gayttiyoogaa, qassi (3) asay mehiyaara gayttiyoogaakka a bessiyaaba. Nuuni “SHaaramuxiyoogaa muleera [aggiyo]” wode Yihooway ufayttees, nuunikka goˈettoos.—1 Tasalonqqe 4:3.
LOYTTA AKEEKA
Neeni bessenna inddaa gaytettaa gayttennaadan waatanaakko, qassi ne kanddoy awudenne geeshsha gidiyoogee nena waati goˈˈiyaakko akeeka.
3. Bessenna inddaa gaytettaappe baqata
Yooseefi banaara zinˈˈanawu koyida maccaaseeyyo eeno gibeenna. Doomettaabaa 39:1-12 nabbabite; yaatidi ha oyshata tobbite:
-
Yooseefi baqatanaadan oottidabay aybee?—Paydo 9 xeella.
-
Yooseefi loˈˈobaa kuuyiis gaada qoppay? Aybissi?
Ha wodiyan deˈiya yelagati bessenna inddaa gaytettaappe Yooseefaagaadan waani baqatana danddayiyoonaa? BIIDUWAA beˈite.
Yihooway bessenna inddaa gaytettaappe nuuni ubbay baqatanaadan koyees. Koyro Qoronttoosa 6:18 nabbabite; yaatidi ha oyshata tobbite:
-
Issi uri bessenna inddaa gaytettaa gayttanaadan oottana danddayiya hanotati aybee?
-
Bessenna Inddaa gaytettaappe neeni waana baqatana danddayay?
4. Neeni paacciyaabaa eqettana danddayaasa
Bessenna Inddaa gaytettawu paacciyaabaa eqettiyoogee metanaadan oottana danddayiyaabay aybee? BIIDUWAA beˈite; yaatidi kaallidi deˈiya oyshaa tobbite.
-
Biiduwan beˈido ishay I qoppiyoonne oottiyo issi issibay ba keettaayeessi ammanettennaadan oottanaagaa akeekidi waatidee?
Issi issitoo ammanettida Kiristtaanetikka geeshshabaa qoppanawu metootoosona. Neeni ubbatoo bessennabaa qoppennaadan waatana danddayay? Piliphphisiyuusa 4:8 nabbabite; yaatidi ha oyshata tobbite:
-
Nuuni qoppana koshshiyaabati awugeetee?
-
Geeshsha Maxaafaa nabbabiyoogeenne minnidi Yihoowawu oottiyoogee nagaraa oottanaadan paacciyaabaa eqettanawu waati maaddii?
5. Yihooway yootiyo maaray nuna goˈˈees
Nuussi keehi loˈˈobay aybakko Yihooway erees. I nu kanddoy awudenne geeshsha gidanaadan nuuni oottanabaanne hegaa goˈˈaa yootiis. Leemiso 7:7-27 nabbabite; woy BIIDUWAA beˈite; yaatidi kaallidi deˈiya oyshata tobbite.
-
Issi yelagay waani paaciyan gelidee?—Leemiso 7:8, 9 xeella.
-
Leemiso 7:23, 26y yootiyoogaadan, bessenna inddaa gaytettay keehi qohana danddayees. Nuuni kandduwan awudenne geeshsha gidiyoogee ayba metuwaappe ashshii?
-
Nuuni kandduwan geeshsha gidiyoogee merinawu ufayttidi deˈanawu waati maaddii?
Issi issi asay Geeshsha Maxaafay attumay attumaara maccay maccaara inddan gayttiyoogaa xeelliyaagan yootiyoobay Xoossay siiqennaagaa bessiyaaba giidi qoppees. SHin siiqiya Xoossay Yihooway asa ubbay merinawu ufayttidi deˈanaadan koyees. Hegawu nuuni Yihooway yootiyo maaraadan deˈana bessees. Koyro Qoronttoosa 6:9-11 nabbabite; yaatidi ha oyshaa tobbite:
-
Xoossay bessennaba ootti xeelliyoy attumay attumaara maccay maccaara zinˈˈanawu qaaqqatiyo qaaqqaa xallee?
Nuuni ubbay Xoossaa ufayssanawu laamettana koshshees. Hegawu baaxetiyoogee bessiyaabee? Mazamure 19:8, 11 nabbabite; yaatidi ha oyshata tobbite:
-
Kandduwaaban Yihooway yootiyo maaray bessiyaaba gaada qoppay? Aybissi?
Yihooway kandduwaaban I yootido higgiyaa azazettanaadan darota maaddiis. I nenakka maaddana
ISSI ISSI ASAY HAGAADAN GEES: “Siiqettiya asati ooninne inddan gayttiyoogan bali baa.”
-
Woygada zaaruutee?
AY AKEEKADII?
Azinay ba machcheera zinˈˈiyoogee eti ufayttanaadan Yihooway immido imota.
Zaaretuwaa
-
Inddan gayttiyo bessenna gaytettati aybee aybee?
-
Inddan bessenna gaytettaa gayttennaadan nuna aybi maaddanee?
-
Kandduwaaban Yihooway yootido maaraa azazettiyoogee nuna waati goˈˈii?
PILGGA
Xoossay issippe deˈanawu koyiya attumaageenne maccaara aqo oyqqanaadan koyiyoy aybissakko akeeka.
“Aqo Oyqqennan Issippe Deˈiyoogaa Xeelliyaagan Geeshsha Maxaafay Woygii?” (Nu websaytiyan deˈiyaaba)
Geeshsha Maxaafay attumay attumaara maccay maccaara zinˈˈiyoogaa bala giyoogee, hegaadan oottiya asata nuuni ixxana koshshees giyoogaa gidennay aybissakko akeeka.
“Attumay Attumaara Maccay Maccaara Zinˈˈiyoogee Balee?” (Nu websaytiyan deˈiyaaba)
Xoossay inddaa gaytettaa ubbawu kessido higgee nuna waati naagiyaakko akeeka.
“Doonaara Gayttiyoogee Tumu Inddaa Gaytettee?” (Nu websaytiyan deˈiyaaba)
Xoossa ufayssanawu laamettanaadan, attuma asaara inddan gayttiya issi bitaniyaa aybi denttettidaakko akeekanawu, “Tana Bonchchidosona” giyaagaa xeella.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
a Maccay attumaara gayttiyoogee, doonaara woy dulliyaara gayttiyoogee, qassi issi uraa attumatettaa woy maccatettaa sohiyoogeenne hegaa malabay bessenna he gaytettaa qonccissiyaabata.
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
