LEKSYON 41
Ano an Ginsisiring han Biblia Mahitungod ha Sex?
Damu nga tawo an diri komportable mag-istorya mahitungod ha sex. Pero kon an Biblia naghihisgot mahitungod ha sex, direkta ito ha punto pero may dignidad. Nagpapahimulos kita ha ginsisiring hito. Natural la nga magpahimulos kita kay an Biblia tikang kan Jehova, an aton Maglalarang. Maaram hiya han pinakamaopay para ha aton. Ginsusumatan kita niya kon ano an angay naton buhaton basi mapalipay hiya ngan kon ano an makakabulig ha aton nga mabuhi hin malipayon ha waray kataposan.
1. Ano an panhunahuna ni Jehova mahitungod ha sex?
An sex usa nga regalo tikang kan Jehova. Karuyag niya nga maghatag ito hin kalipay ha lalaki ngan babaye nga mag-asawa. Ini nga regalo nabulig ha mag-asawa diri la para magkaada mga anak kondi para liwat maipahayag an ira gugma ha usa kag usa ha natural ngan makalilipay nga paagi. Salit an Pulong han Dios nasiring: “Hinaot maglipay ka ha imo asawa tikang pa ha pagkabatan-on.” (Proberbios 5:18, 19) Hi Jehova naglalaom nga an Kristiano nga mga mag-asawa magigin maunungon ha ira padis, basi diri gud hira makabuhat hin pag-adulteryo.—Basaha an Hebreo 13:4.
2. Ano an seksuwal nga imoralidad?
An Biblia nagsusumat ha aton nga “an mga nagbubuhat hin seksuwal nga imoralidad . . . diri makakapanunod han Ginhadian han Dios.” (1 Corinto 6:9, 10) An mga parasurat han Biblia nga nagsurat ha Griego naggamit han pulong nga por·neiʹa basi ihulagway an seksuwal nga imoralidad. Ito nga pulong nag-uupod han (1) seksuwal nga relasyon a han duha nga tawo nga diri mag-asawa, (2) homoseksuwalidad, ngan (3) pakig-sex ha hayop. Napapalipay naton hi Jehova ngan nagpapahimulos liwat kita kon ‘nalikay kita ha seksuwal nga imoralidad.’—1 Tesalonica 4:3.
DUGANG NGA USISAHA
Usisaha kon paonan-o mo malilikyan an seksuwal nga imoralidad ngan kon paonan-o ka magpapahimulos pinaagi han pagpabilin nga limpyo ha moral.
3. Palagiw tikang ha seksuwal nga imoralidad
An matinumanon nga lalaki nga hi Jose nangalimbasog nga magpabilin nga limpyo ha moral. Basaha an Genesis 39:1-12, katapos, hisguti niyo ini nga mga pakiana:
-
Ano an nagpagios kan Jose nga pumalagiw?—Kitaa an bersikulo 9.
-
Para ha imo, husto ba an nagin desisyon ni Jose? Kay ano?
Ano an puydi buhaton han mga batan-on yana basi masubad hi Jose ngan makapalagiw tikang ha seksuwal nga imoralidad? I-play an VIDEO.
Karuyag ni Jehova nga isalikway naton ngatanan an imoralidad. Basaha an 1 Corinto 6:18, katapos, hisguti niyo ini nga mga pakiana:
-
Ano nga mga sitwasyon an mahimo magin hinungdan nga makahimo an usa hin seksuwal nga imoralidad?
-
Paonan-o ka makakapalagiw tikang ha imoralidad?
4. Puydi mo maatohan an pagsulay
Kay ano nga posible magin makuri an pag-ato ha pagsulay nga magbuhat hin seksuwal nga imoralidad? I-play an VIDEO, katapos, hisguti niyo an masunod nga pakiana.
-
Han nasantop han brother ha video nga puydi hiya magin diri maunungon ha iya asawa tungod han iya ginhuhunahuna ngan ginbubuhat, ano an iya ginhimo?
Bisan an matinumanon nga mga Kristiano nakukurian usahay nga tipigan nga limpyo an ira hunahuna. Paonan-o mo malilikyan an paghinunahuna hin imoral nga mga butang? Basaha an Filipos 4:8, katapos, hisguti niyo ini nga mga pakiana:
-
Ano nga mga butang an angay naton hunahunaon?
-
Paonan-o an pagbasa ha Biblia ngan an pagin okupado ha pag-alagad kan Jehova makakabulig ha aton nga maatohan an pagsulay nga makasala?
5. Nagpapahimulos kita ha mga suruklan ni Jehova
Maaram hi Jehova han pinakamaopay para ha aton. Iginsusumat niya ha aton kon paonan-o magpapabilin nga limpyo ha moral ngan kon ano an mga kapulsanan han pagbuhat hito. Basaha an Proberbios 7:7-27 o i-play an VIDEO, katapos, hisguti niyo an masunod nga mga pakiana.
-
Paonan-o an usa nga olitawo nahingada ha sitwasyon diin mahimo hiya masulay?—Kitaa an Proberbios 7:8, 9.
-
Sumala ha Proberbios 7:23, 26, an seksuwal nga imoralidad mahimo magkaada magraot nga resulta. Kon magpapabilin kita nga limpyo ha moral, ano nga mga problema an aton malilikyan?
-
Paonan-o an pagin limpyo ha moral makakabulig ha aton nga mabuhi hin malipayon ha waray kataposan?
May mga naghuhunahuna nga diri mahigugmaon an ginsisiring han Biblia mahitungod ha homoseksuwalidad. Pero hi Jehova an Dios han gugma, ngan karuyag niya nga an ngatanan mabuhi hin malipayon ha waray kataposan. Basi mapahimulsan ito, kinahanglan magkinabuhi kita uyon ha iya mga suruklan. Basaha an 1 Corinto 6:9-11, katapos, hisguti niyo ini nga pakiana:
-
Ha panhunahuna han Dios, an homoseksuwal nga mga hingyap la ba an sayop?
Basi mapalipay an Dios, kita ngatanan kinahanglan maghimo hin mga pagbag-o. Bawi ba an pangalimbasog nga aton hihimoon? Basaha an Salmo 19:8, 11, katapos, hisguti niyo ini nga mga pakiana:
-
Ha imo hunahuna, makatadunganon ba an mga suruklan ni Jehova ha moral? Kay ano?
Ginbuligan ni Jehova an damu nga magkinabuhi uyon ha iya mga suruklan ha moral. Mabubuligan ka liwat niya
AN IBA NASIRING: “Okey la makig-sex ha bisan kan kanay, basta naghihigugmaay kamo.”
-
Ano an imo masisiring?
SUMARYO
An sex regalo ni Jehova ha mag-asawa ngan nakakahatag ito ha ira hin kalipay.
Repaso
-
Ano an nahiuupod ha seksuwal nga imoralidad?
-
Ano an makakabulig ha aton nga malikyan an seksuwal nga imoralidad?
-
Ano an mga kapulsanan kon susundon naton an mga suruklan ni Jehova ha moral?
DUGANG NGA IMPORMASYON
Hibaroi kon kay ano nga karuyag han Dios nga magpakasal an lalaki ngan babaye nga naruruyag mag-asawa.
“Ano an Ginsisiring han Biblia Mahitungod ha Pag-live-in?” (Web article)
Usisaha kon kay ano nga an ginsisiring han Biblia nga sayop an homoseksuwal nga mga buhat diri nagpapasabot nga angay kangalasan an mga homoseksuwal.
Hibaroi kon paonan-o nagpapanalipod ha aton an mga balaud han Dios mahitungod ha ngatanan nga seksuwal nga buhat.
Ha artikulo nga “Gin-abiabi Nira Ako Ngan Matinalahuron nga Gintratar,” hibaroi kon ano an nagpagios ha usa nga homoseksuwal nga bag-uhon an iya pagkinabuhi basi mapalipay niya an Dios.
“An Biblia Nakakagbag-o han Kinabuhi” (An Barantayan, Abril 1, 2011)
a Ini nga diri gin-uuyonan nga mga relasyon nag-uupod han iba-iba nga buhat sugad han pakig-sex, pakig-sex nga gamit an baba, bubot, ngan paghinapyod han ikinatawo han iba.
Bangin Maruyagan Mo Liwat
KOMON NGA MGA PAKIANA
Ano an Pag-aram ha Biblia nga Igintatanyag han mga Saksi ni Jehova?
Ha libre nga interactive nga programa nga igintatanyag han mga Saksi ni Jehova, puydi mo gamiton an bisan ano nga bersyon han Biblia. Ayaw pag-alang nga paupdon an imo bug-os nga pamilya o an imo kasangkayan.
