LESSON 41
Wetin Bible Talk About Sex?
Plenty people no de like to talk about sex. But when Bible de talk about sex, e de talk straight but with respect. We de gain from wetin Bible talk. That one make sense because na Jehovah make us. So e know the best thing for us. E de tell us wetin we go do so that e go dey happy with us and e still de tell us wetin go help us to enjoy life forever.
1. Wetin Jehovah talk about sex?
Sex na fine gift from Jehovah. E want make man and woman wey don marry enjoy this gift. Sex de help husband and wife to born children and e still de help them show special love and enjoy theirself for special way. Na this one make Bible talk say: “Make you happy with the wife wey you marry when you dey young.” (Proverbs 5:18, 19) Jehovah want make Christian husband and wife really love each other so that they no go ever sleep with another person.—Read Hebrews 13:4.
2. Which kind sex God hate?
Bible talk say: “Person wey de do things about sex wey God hate . . . no go enter the Kingdom of God.” (1 Corinthians 6:9, 10) People wey write Bible for Greek language use the word por·neiʹa to talk about sex wey God hate. This word mean things like (1) when man de sleep with woman a wey they no marry each other, (2) when man de sleep with man or woman de sleep with woman, and (3) when person de sleep with animal. We de make Jehovah happy and de gain when we “no de do any sex wey e hate.”—1 Thessalonians 4:3.
LEARN MORE THINGS
Learn how you fit run from sex wey God hate and how you go gain if you no put hand for this kind sex.
3. Run from sex wey God hate
Joseph run when one woman be want make e put hand for sex wey God hate. Read Genesis 39:1-12, and talk about this questions:
-
Wetin move Joseph to run?—Check verse 9.
-
You think say na correct thing Joseph do? Why you answer like that?
How young people today fit follow the example of Joseph and run from sex wey God hate? Play the VIDEO.
Jehovah want make all of us run from sex wey e hate. Read 1 Corinthians 6:18, and talk about this questions:
-
Which situations fit make person put hand for sex wey God hate?
-
How you fit run from sex wey God hate?
4. You fit run from temptation
Wetin fit make-am hard to run from the temptation to put hand for sex wey God hate? Play the VIDEO, and talk about the question for under.
-
Wetin the brother for the video do when e see say wetin e de think and do fit make-am go sleep with another person wey no be e wife?
Sometimes e de hard for faithful Christians to always de think about clean things. How you fit stop to think about dirty things? Read Philippians 4:8, and talk about this questions:
-
Which kind things we suppose de think about?
-
How Bible reading and to dey busy for the service of Jehovah fit make us run from temptation to do bad thing?
5. We de gain from the laws wey Jehovah don give us
Jehovah know the best thing for us. E de tell us how we fit dey clean and wetin we go gain when we remain clean. Read Proverbs 7:7-27 or play the VIDEO, and talk about the questions for under.
-
How the young man waka enter temptation?—Check Proverbs 7:8, 9.
-
As Proverbs 7:23, 26 talk, sex wey God hate de bring serious problems. Which kind problems we fit avoid if we no put hand for sex wey God hate?
-
When we no put hand for sex wey God hate, how this one fit help us to enjoy life now and forever?
Some people de think say wetin Bible talk about the kind sex wey man de sleep with man or woman de sleep with woman, dey harsh. But Jehovah, the God of love want make everybody enjoy life forever. If we want live forever, we must obey e laws. Read 1 Corinthians 6:9-11, and talk about this question:
-
From wetin Bible talk, na only sex wey man de sleep with man or woman de sleep with woman God hate?
For us to make God happy, all of us need to change some things for our life. Any gain dey if we do this one? Read Psalm 19:8, 11, and talk about this questions:
-
You think say the law wey Jehovah don give us about sex really make sense? Why you answer like that?
Jehovah don help plenty people to change and obey e laws. E fit help you too
SOME PEOPLE DE TALK SAY: “E dey normal for any person to sleep with any other person as long as they love each other.”
-
Wetin you go talk?
WETIN THIS LESSON TEACH
Sex na gift wey Jehovah don give husband and e wife make they enjoy.
Wetin You Don Learn
-
Which things join for sex wey God hate?
-
Wetin fit help us to run from sex wey God hate?
-
How we de gain when we obey the law wey Jehovah don give about sex?
LEARN OTHER THINGS
Learn why God want make man and woman wey like to live together marry.
“Wetin Bible Talk About Man and Woman Wey De Stay Together and They No Marry?” (E dey for jw.org)
Learn why wetin Bible teach say sex wey man de sleep with man or woman de sleep with woman bad, no mean say we go hate people wey de practice this sex.
“Na Bad Thing for Man to Sleep With Man and Woman to Sleep With Woman?” (E dey for jw.org)
Learn how the law wey God de give about all kind of sex de protect us.
“Sex Wey Them De Use Mouth Do Na Really Sex?” (E dey for jw.org)
For the experience wey the topic na, “They Treat Me With Respect,” see wetin move one man wey be de sleep with another man to change e life and make God happy.
“Bible De Help People Change Their Life” (The Watchtower, April 1, 2011)
a Plenty things join for this kind sex wey God hate, things like when man sleep with woman for the normal way but they no marry each other, to use mouth do sex, to use anus do sex, and when man and woman wey no marry de rub the private parts of each other.
You May Also Like
QUESTIONS WEY PEOPLE DE ASK
How the Bible Study Wey Jehovah Witness De Do With People De Be?
You fit use any Bible translation when you de do free Bible study with Jehovah Witness. You fit tell all your family or friends to join you for the study.
