LIJIGANYO 41

Yajikusasala Baibulo Pangani Jagonana

ALOLELE

Ŵandu ŵajinji akusatenda sooni kuŵecheta ngani syakwamba gonana. Nambope Baibulo pajikusala yakwamba nganiji, jikusasala yisyesyene soni mwakuchimbichisya. Yajikusasalayi mpaka yitukamuchisye. Yili myoyo ligongo lyakuti Baibulo jatyochele kwa Mlungu juŵatupanganyisye. Jwalakwe akusamanyilila yampaka yitukamuchisye. Akusatusalila yatukusosekwa kutenda kuti tumsangalasyeje soni yampaka yitukamuchisye kuŵa ŵakusangalala mpaka kalakala.

1. Ana nganisyo sya Yehofa sili syamtuli pangani jagonana?

Yehofa ni juŵapanganyisye yakuti ŵalume ni ŵakongwe agonaneje. Jwalakwe akusasaka kuti ŵalombane pakugonana asangalaleje. Yeleyi yikusakamuchisya ŵalombane kuti akoleje ŵanache. Konjechesya pelepa yikusakamuchisyasoni kuti alosyaneje chinonyelo. Ni ligongo lyakwe Maloŵe ga Mlungu gakusati: ‘Msangalaleje nawo ŵakongwe ŵa ku uchanda wenu.’ (Misyungu 5:18, 19) Yehofa akusasaka kuti ŵalombane aŵeje ŵakulupichika kwa jwine ni mjakwe. Yeleyi mpaka yikamuchisye kuti jwine akatenda chikululu.—Aŵalanje Ahebeli 13:4.

2. Ana ndamo syachikululu sikusapwatikapo yakutendekwa yapi?

Baibulo jikusatusalila kuti “ŵandu wosope. . . ŵalilama [“ŵachikululu,” NWT] . . . Ngisapochela Uchimwene wa Mlungu.” (1 Akolinto 6:9, 10) Ŵakulemba Baibulo ŵakamulichisye masengo maloŵe ga Chigiliki gakuti por·neiʹa pakulondesya ndamo sya chikululu. Maloŵega gakusapwatikapo (1) kugonana a kwa ŵandu ŵanganalombana, (2) kugonana kwa achalumepe kapena achakongwepe, soni (3) kuyigona yinyama. Naga “tukuŵambala chikululu,” yikusatukamuchisyaga m’weji soni tukusamsangalasyaga Yehofa.—1 Atesalonika 4:3.

KULIJIGANYA YEJINJI

Tulijiganye yampaka atende kuti aŵambaleje ndamo sya chikululu soni umbone wampaka apate pakuŵambala ndamosi.

3. Tusitileje ndamo syachikululu

Yosefe juŵaliji mundu jwakulupichika jwakanile kutenda chikululu. Aŵalanje Genesesi 39:1-12, ni akambilane yiwusyo ayi:

Ana ni chichi chachamkamuchisye Yosefe kuti akatenda chikululu?—Alole vesi 9.
Ana akuganisya kuti ŵatesile chenene kutila? Ligongo chichi?

Ana ŵachinyamata mpaka amsyasye chamtuli Yosefe pakusitila ndamo sya chikululu masiku agano? Alolele FIDIYO.

FIDIYO: Aŵambaleje Ndamo ja Chikululu (5:06)

Yehofa akusasaka kuti wosopewe tuŵambaleje ndamo sya chikululu. Aŵalanje 1 Akolinto 6:18, kaneko akambilane yiwusyo ayi:

Ana ni yindu yapi yampaka yimlongolele mundu kutenda chikululu?
Ana mpaka atende yamtuli kuti aŵambale chikululu?

4. Asikaneje nganisyo sya chikululu

Ana ni chichi champaka chakamuchisye kusikana nganisyo syakusaka kutenda chikululu? Alolele FIDIYO, kaneko akambilane chiwusyo achi.

FIDIYO: Alimbaneje ni Nganisyo Syakusakala Mwakuŵalanga Baibulo (3:02)

Mu fidiyoji, ana m’bale jula ŵatesile yamtuli ali amanyilile kuti nganisyo soni yitendo yakwe mpaka yimtendekasye kuti akaŵa jwakulupichika kwa ŵamkwakwe?

Atamose Aklistu ŵakulupichika akusalimbana ni nganisyo syakusakala. Ana ni chichi champaka chakamuchisye kuti akagambaga kutamila kuganichisya yakusakala? Aŵalanje Afilipi 4:8, kaneko akambilane yiwusyo ayi:

Ana ni yindu yapi yatukusosekwa kuyiganichisyaga?
Ana kuŵalanga Baibulo soni kola yakutenda yejinji pakumtumichila Yehofa mpaka kutukamuchisye chamtuli kuti tukaneje nganisyo syakulemwecheka?

5. Mfundo sya m’Baibulo mpaka situkamuchisye

Yehofa akusamanyilila yampaka yitukamuchisye. Jwalakwe akusatusalila yampaka tutende kuti tukole ndamo syambone soni umbone wakutenda yeleyo. Aŵalanje Misyungu 7:7-27, kapena alolele FIDIYO, kaneko akambilane yiwusyo ayi.

FIDIYO: Akaŵa Mundu Jwangali Lunda (9:31)

Ana mnyamataju jwatesile yamtuli yakumlongolela kutenda chikululu?—Alole Misyungu 7:8, 9.
Mwakamulana ni Misyungu 7:23, 26, kutenda chikululu kukwete yakuyichisya yakusakala. Patukuŵambala chikululu, ana ni yakusawusya yapi yatukusaŵambalaga?
Ana kuŵambala ndamo sya chikululu, kukusatukamuchisya chamtuli kola umi wakusangalala mpaka kalakala?

Ŵane akusaganisya kuti yajikusasala Baibulo pangani jagonana kwa achalumepe ni achakongwepe nganichiŵa chinonyelo. Nambope Yehofa, akusasaka kuti tusangalaleje ni umi mpaka kalakala. Kuti yeleyi yikomboleche tukusosekwa kuya yakusatusalilaga kupitila m’Baibulo. Aŵalanje 1 Akolinto 6:9-11, kaneko akambilane chiwusyo achi:

Mwakamulana ni nganisyo sya Mlungu, ana akuyiwona kuti mpaka kuŵe kulemwa kumkumbila jwamlume kapena jwamkongwe mjetu?

Kuti tumsangalasye Mlungu, wosopewe tukusosekwa kuchenga yindu yine paumi wetu. Ligongo chichi mundu akusosekwa kulingalinga kuti atende yeleyi? Aŵalanje Salimo 19:8, 11, kaneko akambilane chiwusyo achi:

Ana akuganisya kuti malamusi ga m’Baibulo gali gakamuchisya? Asale magongo gakwe.

Yehofa ŵakamuchisye ŵandu ŵajinji kuti akuyeje ndamo syakwe. Jwalakwe mpaka ŵakamuchisyesoni wawojo

YAKUSAŴECHETA ŴANDU ŴANE: “Pangali chakulemwa naga mundu akugonana ni jwine jwalijose bola naga ŵanduwo anonyelene.”

Ana mpaka asale yamtuli?

YALIJIGANYISYE

Yehofa ni juŵapanganyisye yakuti ŵalume ni ŵakongwe agonaneje soni kuti asangalaleje.

Yiwusyo Yakuwilisya

Ana ndamo sya chikululu sikusapwatikapo yakutendekwa yapi?
Ana ni chichi champaka chitukamuchisye kuti tuŵambale ndamo sya chikululu?
Ana tukusapata umbone wamtuli patukukuya yajikusatusalilaga Baibulo?

Tumalisisye kulijiganya pa:

Akole Chakulinga Achi

Ajinjisye pamtima lilemba limo kapena gaŵili ga mu lijiganyoli gampaka gakamuchisye kumalana ni nganisyo syakulemwecheka.

Yakulinga yine:

Your other goal

YAKULINGA YINESONI

Amanyilile ligongo lyakwe Mlungu akusasaka kuti kugonana kuŵeje kwa ŵalombane.

“Ana Baibulo Jikusasala Yamtuli Pangani Jagonana kwa Ŵandu Ŵanganalombana?” (Ngani ja pa intaneti)

Amanyilile ligongo lyakwe Baibulo jikusasala kuti kugonana kwa achalumepe kapena achakongwepe kuli kulemwa. Nambo yeleyi ngayikugopolela kuti jemanjaji twaŵenjeje.

“Ana Gonana kwa Achalumepe Kapena Achakongwepe Kuli Kulemwa?” (Ngani ja pa intaneti)