DILONGI 41
Mbi Kibibila Kinlonga Matedi Kubundana Nyitu?
Batu bawombo bammonanga zitsoni kutubila matedi kubundana nyitu. Vayi bo Kibibila kintubila matedi kubundana nyitu, kiawu kisuekanga ko mambu, vayi kintubanga kiedika mu lukinzu. Befu tumbakanga ndandu mu mambu kiawu kintuba, kibila Yave nandi Mvang’itu. Ayi zebi mambu malutidi mboti mu befu. Nandi wutu zabikisa mbi tulenda vanga muingi kunkuangidika ayi mbi bilenda ku tusadisa kubaka mayangi ma mvu ka mvu.
1. Buidi Yave kammuenanga kubundana nyitu?
Kubundana nyitu widi nkhayilu wu Yave, kibila nandi kantomba muingi dibakala na nkieto bakuela babaka mayangi. Nkhayilu awowo wusadisanga ko to kubuta bana, vayi mvandi yidi phila yi kumonisina luzolo bawu badi ayi kubaka mayangi. Diawu Kibibila kintubila: “Yangalala mu nkazi wu butoko buaku.” (Zingana 5:18, 19) Yave wuntomba muingi Baklisto bakuela babika bundana nyitu na mutu kakhambu kuela.—Tanga Ebeleo 13:4.
2. Mbi binsundula kitsuza?
Kibibila kintuba ti “baboso bamvanganga kitsuza, balasa baka ko Kintinu ki Nzambi.” (1 Kolinto 6:9, 10) Batu basonika Kibibila mu Kingeleku basadila kikuma porneía muingi kutubila matedi kitsuza. Kikuma beni kinsundula (1) batu bakhambulu bakuela kubundana a nyitu, (2) kubundana nyitu babakala na babakala voti bakieto na bakieto ayi (3) kubundana nyitu na bibulu. Befu tumbakanga ndandu mu kutumukina nsiku wu Yave mu kutatuka kitsuza mu ziphila zioso.”—1 Tesalonika 4:3.
BUELA LONGUKA
Mona buidi wulenda tatukila mambu ma kitsuza ayi ndandu mbi wunkuiza baka mu kuba wudiodila mu mayindu.
3. Tina kitsuza
Yosefi wuba ditoko dikuikama kuidi Yave ayi wununga kutina kitsuza. Tanga Ngenesi 39:1-12, bosi tubilanu biuvu binlanda:
-
Mbi bisadisa Yosefi kutina? —Tala lutangu 9.
-
Mu mbuenu’aku, Yosefi wubaka makani mamboti? Kibila mbi?
Buidi matoko bubu balenda landikinina kifuani ki Yosefi ayi kutina kitsuza? Tala VIDEO.
Yave wuntomba muingi tutina kitsuza. Tanga 1 Kolinto 6:18, bosi tubilanu biuvu binlanda:
-
Mambu mbi malenda nata mutu kubua mu kitsuza?
-
Buidi wulenda tinina kitsuza?
4. Wulenda nunga ntambu wu kitsuza
Mbi bilenda kutula nkaku muingi kutina mambu ma kitsuza? Tala VIDEO, bosi tubilanu kiuvu kinlanda.
-
Mu video tube mona, mbi khomba kavanga bo kamona ti mambu kaba yindula khanu mamvaga kubika ba wukuikama va dikuela?
Baklisto bakuikama mvandi bamvanganga mangolo muingi baba mayindu mamboti. Mbi ngie wulenda vanga muingi wubika ba mayindu ma kitsuza? Tanga Filipi 4:8, bosi tubilanu biuvu binlanda:
-
Mu mambu mbi tufueti yindulanga?
-
Buidi kutanganga Kibibila ayi kukivana mu kisalu ki Yave, malenda ku tusadisila kubika bua mu disumu dingolo?
5. Minsiku mi Yave mi tutuadisanga ndandu
Yave zebi mambu malutidi mboti mu befu. Nandi wu tukamba buidi tulenda tatiminina kuba mayindu mamboti ayi ndandu tulenda baka mu kuvanga mawu. Tanga Zingana 7:7-27 ayi tala VIDEO, bosi tubilanu biuvu binlanda.
-
Mbi bivanga ditoko adiodio kubua mu kitsuza?—Tala Zingana 7:8, 9.
-
Dedi bummonisina Zingana 7:23, 26, kitsuza kilenda tutuadisa ziphasi ziwombo. Befu kuba mayindu mamboti, ndandu mbi tulenda baka?
-
Buidi kuba mayindu madiodila kulenda tusadisila kubaka mayangi ma mvu ka mvu?
Bawombo bantubanga ti kukandimina dibakala na dibakala voti nkieto na nkieto kubunda nyitu, yisi ko mbonosono yi luzolo. Vayi Yave Nzambi yi luzolo wuntomba batu boso babaka mayangi ma mvu ka mvu. Diawu muingi tuzinga ku paladizu tufueti tumukina minsiku miandi. Tanga 1 Kolinto 6:9-11, bosi tubilanu kiuvu kinlanda:
-
Kuidi Yave, kubundana nyitu dibakala na dibakala voti nkieto na nkieto didi diambu dimbi?
Boti tuntomba kukuangidika Yave, vantombulu befu boso kubalula phila tunyindudilanga. Vayi bukiedika ti tunkuiza baka ndandu befu kuvanga mawu? Tanga Minkunga 19:8, 11, bosi tubilanu biuvu binlanda:
-
Mu mbuenu’aku, mambu Yave ka tukamba matedi kitsuza, masi ko phasi muingi kutumukina? Kibila mbi wunyindudila phila ayoyo?
Yave wunsadisanga batu kutumukina minsuku miandi minsonga ayi mvandi kalenda kusadisa.
BATU BANKAKA BANTUBANGA: “Disi ko disumu kubundana nyitu na mutu wunzolanga.”
-
Buidi ngie wummuena diyindu adiodio?
MBI NGIE BELONGUKA
Kubundana nyitu widi nkhayilu Yave kavana kuidi bakuela muingi babaka mayangi.
Vutukila Mambu Mamfunu
-
Mbi binsundula kitsuza?
-
Mbi biala tusadisa kutatuka kitsuza?
-
Ndandu mbi tunkuiza baka befu kulandakananga minsiku misonga mi Yave?
TALA MAMBU MANKAKA
Zaba kibila mbi Nzambi kantombila muingi dibakala ayi nkieto batidi kukala va kimueka, bafueti kuedila mu ntinu.
“Mbi Kibibila Kintuba Matedi Dibakala ayi Nkieto Kukala va Kimueka Mu Khambu ba Bakuela?” (Dilongi didi mu jw.org)
Kibibila kinlonga ti didi diambu dimbi dibakala na dibakala voti nkieto na nkieto kubundana nyitu. Vayi mawu masinsundula ko ti tufueti lenda batu bamvanganga mawu.
“Didi Diambu Dimbi Kumbundana Nyitu Dibakala na Dibakala Voti Nkieto na Nkieto?” (Dilongi didi mu jw.org)
Zaba buidi minsiku mi Nzambi mitedi kubundana nyitu mitu kiebilanga.
“Kufifa Pheni yi Mutu Wunkaka Yidi Kuandi Phila Yifuana yi Kubundinina Nyitu?” (Dilongi didi mu jw.org)
Mu kinongu “Bawu Bathadila mu Phila Yifuana,” mona mbi bisadisa dibakala dimueka waba bundananga nyitu na babakala bankaka kubalula nzingulu’andi muingi kukuangidika Nzambi.
“A Bíblia muda vida das pessoas” (A Sentinela, 1 de Abril de 2011)
a Kikuma porneía, mvandi kinsundula ziphila zinkaka zi butsuza. Dedi: kufifa pheni yi mutu wunkaka, kubundana nyitu ku munu tuvi, voti kubundana nyitu ku mbasikilanga tuvi ayi kunyonya pheni yi mutu wunkaka.
