LESIONY 41
¿Xí ná la Biblia de sexo?
Xidal buñ diti rasac sacró órni raniʼ de sexo. Per órni Xtiitz Dios rasetlaa de sexo nayadit né respet rabexa láani. Ni rasetlaa la Biblia de tema reʼ rasacni. Nacni scú portín la Biblia sieedni de Jehová, ni bisaʼ lóono né ni nan xi láani ngú más galán par lóono. Raslooybu lóono xi láani labúu gonyno par coʼ nakitno láabu mod ronyno né xi sacné lóono par guibanyno tipzó.
1. ¿Ximod rabiʼ Jehová sexo?
Sexo nacni toib xcalrrascad Jehová. Raniiny láabu que toib buñguieeu né toib buñgonaʼ ni ma buny galtzeʼel guibaladx gatné saʼ. Galrrascad reʼ diti nosi radudyni lagary galtzeʼel tzoʼ xiinyibu, xalagary ngú guiropcayibu non guislooyibu galnadxiʼ saʼyibu né guioladxyibu gonyibu láani. Por ngú, Xtiitz Dios ná: «Bibaladx né tzeʼelo ni bitzñanélo dzú góclo mbioxhlas» (Proverbios 5:18, 19). Jehová ranab guirá galtzeʼel ni nac cristianos diti non guisianyibu saʼyibu. Por ngú, ni toib cristiano diti non gatnébu stoib buñ ni diti nac tzeelbu (bíil Hebreos 13:4).
2. ¿Xí radudy diitz galyoxh?
La Biblia rasuidy que «buñyox [...] diti sioʼ lainy Gobierno xtuny Dios» (1 Corintios 6:9, 10). Diitz griego ni biquiin buñ ni bicaʼ la Biblia órni goniʼyibu de galyoxh biquiinyibu diitz pornéia. Diitz reʼ raguiñani 1) órni toib buñ ratné ni diti nac tzeʼel, a 2) buñ moxh né 3) buñ ni rony galyoxh né nimal. Órni diti riabno ló galyoxh ragoʼ nakitno xcalnabany Jehová, né racaʼno xidal galnasác (1 Tesalonicenses 4:3).
NANOY GUISUIDYNO LÁANI
Ganno xi labúu gonylo par diti guiablo ló galyoxh né xi galnasác sacaʼlo pal raclo nayaa ló sentido moral.
3. Diti guiablo ló galyoxh
Toib buñguieeu ni dipa bisian a Jehová ni góc laa José, bunybu rutigoygaʼlni láabu par gócbu nayaa ló sentido moral. Colgoʼol Génesis 39:1-12 né colgooy xtiitzni:
-
¿Xigony bixony José? (Colguibiʼ versículo 9).
-
¿Ronylo pensary que José bunybu xinésni la? ¿Xigony?
¿Ximod labúu guisuʼ mbioxhlas a José né galsityibu de galyoxh? Colguibiʼ VIDEO reʼ.
Jehová raniiny que guirácano cueʼno galyoxh tiplad. Colgoʼol 1 Corintios 6:18 né colgooy xtiitzni:
-
¿Xí láani labúu ñony que toib buñ ñab ló galyoxh?
-
¿Xí láani labúu gonylo par galsitlo de galyoxh?
4. Looy labúu gonylo gan tentación reʼ
¿Xí láani labúu gony que guisac naganno cueʼno tiplad galyoxh? Colguibiʼ VIDEO reʼ né colgooy xtiitzni:
-
Órni hermano ni bibiʼno ló video bidudy cuent que guirá ni ronybu pensary labúu ñonyni que nasiambu tzeelbu, ¿xí láani bunybu?
Dada cristianos ni rasob a Jehová labúu guisac naganyibu gapyibu xpensaryibu nayaa. ¿Xí láani labúu gonylo par diti gonylo pensary ló galyoxh? Colgoʼol Filipenses 4:8 né colgooy xtiitzni:
-
¿Ló xí cós non gonyno pensary?
-
Xpensarylo, ¿pal rolno la Biblia né riodieʼno ló xchiin Jehová diti sasac naganno guicalóno nitisi tentación la? ¿Xigony?
5. Ni rony mandary Jehová racnéni lóono
Jehová nan xi láani más galán par lóono. Por ngú raibybu lóono xi non gonyno par tzoʼno nayaa ló sentido moral né xi galnasác sacaʼno pal ronyno láani. Colgoʼol Proverbios 7:7-27 né colguibiʼ VIDEO reʼ. De ngú colgooy xtiitzni:
-
¿Xí buny que mbioxhlas reʼ ñab ló galyoxh? (Colguibiʼ Proverbios 7:8, 9).
-
Mod ná Proverbios 7:23, 26, galyoxh ratudyni buñ ló galrrioʼob. ¿Xí galnasác racaʼ toib buñ órni nacbu nayaa ló sentido moral?
-
¿Ximod pal nacno nayaa ló sentido moral labúu guibanyno tipzó?
Tipnés buñ rony pensary que órni la Biblia rasetlaa de buñ moxh diti raslooyni galnadxiʼ. Per Jehová nac Dios de galnadxiʼ né raniiny láabu que guirá buñ guioladx guibany tipzó. Né par labúu guicaʼno galrrascad reʼ non guisobno ni rony mandarybu. Colgoʼol 1 Corintios 6:9-11 né colgooy xtiitzni:
-
Mod rony pensary Dios, ¿guirá ni raniiny buñ moxh ngúsi nac mal la?
Par labúu coʼ nakitno xcalnabany Dios, guiráno non guitzaʼno mod nacno. ¿Guirá xtem ni gonyno saquiinni la? Colgoʼol Salmo 19:8, 11 né colgooy xtiitzni:
-
Xpensarylo, ¿labúu gonyno guirá ni rony mandary Jehová la? ¿Xigony ronylo pensary modreʼ?
Jehová ma gocné a xidal buñ par guisob ni rony mandarybu né láaca sacnébu looy.
TIPNÉS BUÑ NÁ: «Diti mal láani que chop buñ ni ronladx saʼ gatnéyibu saʼyibu».
-
Looy, ¿xí nálo?
¿XÍ BISUIDYLO?
Sexo nacni toib galrrascad xtuny Jehová. Raniiny láabu que toib buñguieeu né toib buñgonaʼ ni ma buny galtzeʼel guibaladx gatné saʼ.
Repas
-
¿Xí cós raguiña galyoxh?
-
¿Xí láani sacné lóono par diti guiabno ló galyoxh?
-
¿Ximod racné lóono pal rasobdiitzno ni rony mandary Jehová?
PAR GANLO MÁS
Bisuidy xigony rabés Dios que toib buñguieeu né toib buñgonaʼ gonyibu galtzeʼel par cuesnéyibu saʼyibu.
«¿Xí ná la Biblia órni buñ rabesné saʼ né diti rony galtzeʼel?» (Artículo ni sieed ló jw.org)
Gon xigony órni la Biblia rasetlaa de buñ moxh diti raslooyni que Dios rianladx né rabeʼ layibu tiplad.
«¿Mal láani gac buñ, buñ moxh la?» (Artículo ni sieed ló jw.org)
Bíil ximod ni rony mandary Dios ni sieed ló la Biblia rapni lóono de sexo.
«¿Órni buñ raquiin roʼ par gony galyoxh nacni sexo la?» (Artículo ni sieed ló jw.org)
¿Xí láani bichiin a toib buñ ni góc buñ moxh par natzaʼbu mod bibanybu né nagoʼ nakitbu xcalnabany Dios? Bíil experiencia xtunybu, «Gopyibu respet naʼ».
«La Biblia bitzaʼ mod bibanyibu» (Guiich ni caniʼ, 1 de abril íz 2011)
a Guirá galyoxh reʼ láaca raguiñani órni toib buñ raquiin roʼ par kit ro ranés buñguieeu o ro ranés buñgonaʼ o órni toib buñ ratné saʼ né rony láani niis lad ro raxon o órni toib buñ raguit xan stoib buñ ni diti nac tzeʼel.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
