Le akɔta ɖewo mɛɔ, wobunɔ mɔ asu alo nyɔnu woaɖe gbɔxwe akpɔ jijɔ. Ele ahan gan, denyi mɛ ciwo pleŋ yí ɖe asu alo nyɔnu yí kpɔkɔ jijɔ o. Ahanke denyi trɛnnɔwo pleŋ yí dokpo jijɔkpɔkpɔ nɛ. Nyɔnɔnwi lɔ yí nyi mɔ, Bibla nu mɔ etrɛnnɔnɔ koɖo alɔlele fin, enunana wonyi so Yehowa gbɔ.

1. Nyɔna ciwo àkpɔ nɔ ènyi trɛnnɔɔ?

Bibla nu mɔ: “Eyi taɖo mɛ ci yí ɖe asu alo ɖe nyɔnuɔ, éwɛ nywiɖe, vɔ mɛ ci yí deɖe asu alo ɖe nyɔnuɔ, yɛagbewɛ nywiɖe sɔwu.” (Hlɛn 1 Korɛntitɔwo 7:32, 33, 38, NWT.) Nyiwo mɛ trɛnnɔ “agbewɛ nywiɖe sɔwu” leɔ? Kristotɔ trɛnnɔwo deɖo asu alo ashi ʒan ɖe gbɔ akpɔ o. Ecɛ adɔ woanu dru mɔ wovo sɔwu. Le kpɔwɛ mɛ, mɛɖewo le wo mɛ asun ji awa sugbɔ doji le sumɔsumɔdɔ lɔ mɛ. Sumɔsumɔdɔ cɛ kpaxwe ɖeka yí nyi mɔ, woazɔn mɔ ayi eju bu mɛ keŋ ayi dra eŋɛnnywi lɔ. Gbesɔwu hunnɔɔ, woatɛnŋ azan gamɛ sugbɔ asɔ te gogo Yehowa.

2. Nyɔna ciwo àkpɔ nɔ èle alɔ le se nuɔ?

Shigbe lé etrɛnnɔnɔ ɖo ele ɖewo koŋ nɛɔ, ahanke alɔlele can ɖo ele ɖewo koŋ nɛ. Bibla nu mɔ “Amɛ amɛve nyɔ wu amɛ kuɖeka.” (Ŋununyatɔ 4:9, NWT) Kristotɔ ciwo yí wawa do Bibla gɔnmɛɖosewo ji le wowo lɔlele mɛ yí enyinɔ ahan nɔ taŋtaŋ. Nɔ asu koɖo ashiwo ɖe nɔnɔ le ese nuɔ, anyi woɖogbe mɔ yewoalɔn nɔnɔ, yí ananɔ bubu yewonɔnɔwo yí agbedonɔ vivi do nɔnɔ nu. Ecɛ dɔ yí ewanɔ nɔ wo blaŋblaŋ mɔ, yewole nywiɖe sɔwu asu koɖo ashi ciwo yí le ju kpoŋ yí wodele alɔ le se nu o. Egbedɔ hɛnnɛ yí evi ciwo woji kpɔnɔ mɔ yewole nywiɖe sɔwu.

3. Lé Yehowa kpɔnɔ alɔlele doɔ?

Hwenu Yehowa sɔ afɔ ɖo te nɔ alɔlele ŋkɔtɔɔ, énu mɔ: “Ŋsu a so gbeɖe edalɔ koɖo enɔ̀lɔ ɖɛ, á sɔ yiɖeki sɔ ca koɖo ashiɛ.” (Gɔnmɛjeje 2:24) Yehowa ji mɔ asu koɖo ashi alɔn wowonɔnɔwo yí aca alo anɔ ju nɔ wovlɛ yí kpɔtɔ le agbe duu. Enu kuɖeka kpaŋ ci emɔ eyi adɔ woagbe nɔnɔ dru yí nyi mɔ, nɔ mɛɖe wa hashi le wo koɖo ve mɛ. Nɔ evajɔ ahan ɔ, Yehowa na gbe mɛ ci asuɔ alo ashiɛ wa hashi lɔ nɔ asɔ gbeta mɔ yeagbi alo yedagbi o. a (Matie 19:9) Yehowa dena gbe Kristotɔwo mɔ wo le ɖe nyɔnu sugbɔ alo ŋsu sugbɔ o.—1 Timɔte 3:2.

 JI DWI NI KPƆ DOJI

5. Wa ɖaŋ akpɔ mɛ ci àɖe asɔ

Le ao gbetasɔsɔ vevitɔwo mɛɔ, mɛ ci àsɔ amɔ yeaɖe ɖɛ can nyi gbetasɔsɔ vevitɔ ɖeka le ao gbe mɛ. Hlɛn Matie 19:4-6, 9, keŋ agbeje biɔse cɛ mɛ:

• Nyi yí taɖo dele mɔ Kristotɔ ɖe aɖeblɛ akpɔ mɛɖe amɔ eyi yeaɖe ɖɛ yí dabu tamɛ kpɔ so nu nywiɖeɔ?

Bibla atɛnŋ akpedo eo nu najeshi wana nywi ciwo àkpɔ le mɛɖe nu gbɔxwe amɔ eyi nyi nyɔnu nywi alo ŋsu nywi ci yeaɖe ɖɛ. Vevitɔ lɔ yí nyi mɔ, akpedo eo nu nakpɔ nyɔnu alo ŋsu ci yí lɔn Yehowa keŋ aɖi ɖɛ. b Hlɛn 1 Korɛntitɔwo 7:39 koɖo 2 Korɛntitɔwo 6:14. Yi godu nagbeje biɔse cɛwo mɛ:

• Nyi yí taɖo ele mɔ mìwo kpena Kristotɔwo mɛ ɖekɛ mìasɔ mɛ ci mìaɖe leɔ?

• Lé èkpɔ mɔ yɛawa nɔ Yehowa nɔ mɛ ci èsɔ mɔ yeaɖe deluin ɔ?

 6. Kpɔnɔ alɔlele shigbe lé Yehowa kpɔɛni do nɛ

Le blema Izraɛliɔ, ŋsu ɖewo gbe wowo shiwo yí enyi amɛɖekɛtɔnyanya yí dɔ. Hlɛn Malashi 2:13, 14, 16, keŋ agbeje biɔse cɛ mɛ:

• Nyi yí taɖo woagbe nɔnɔ do ŋɖemajɔ ji dekpenɔ nɔ Yehowaɔ?

Xo VIDEO lɔ, keŋ agbeje biɔse ci yí gbɔgbɔ mɛ.

• Nɔ mɛ ci yí desɛnsɛn Yehowa yí èɖe ɖe, nyi àtɛnŋ awa keŋ nɔ jijɔ anɔ ao xomu lɔ mɛɔ?

7. Zɔn do ese ciwo Yehowa do kudo alɔlele nu ji

ENU CI ÈKPLA

Enunana yí etrɛnnɔnɔ koɖo alɔlele nyi so Yehowa gbɔ. Nɔ mɛɖe ɖe asu alo nyɔnu abi nyi trɛnnɔ can ɔ, eji ajɔɛni le agbe mɛ nɔ évlɛ yí nɔnɔ agbe sɔ koɖo edro Yehowa tɔ.

Enumɛtoto

• Lé mɛɖe awa ɖaŋ azan etrɛnnɔnɔ yitɔ doɔ?

• Nyi yí taɖo Bibla mɔ mìwo kpena Kistotɔ ɖekɛ yí mìaɖeɔ?

• Nyi Bibla mɔ eyi nyi enu kuɖeka kpaŋ ci yí adɔ asu koɖo ashi hɛn woamɔ yewoagbe nɔnɔɔ?