42 YATICHÄWI
¿Kunsa Bibliajj solteröñatsa casaratäñatsa yatichi?
Yaqhep markanakanjja kusisit jakasiñatakejj maynejj casarasiñapawa sasaw sapjje. Ukampis janiw taqe casadonakajj kusisitäpkapuniti, ni taqe solteronakas llakit sarnaqapkiti. Bibliajja solteröñasa casadöñasa Jehová Diosan mä regalopawa sasaw qhanañchi.
1. ¿Kunanaksa maynejj solterökasin luraspa?
Bibliajj akham siwa: “Maynitejj casaraschi ukhajja, walïniw ukham luratapajja, ukampis maynitejj jan casaraschi ukhajja, jukʼamp walïniw ukham luratapajja” sasa (1 Corintios 7:32, 33, 38 liytʼäta). Maynitejj jan casaraschi ukhajj “jukʼamp walïniw ukham luratapajja”, ¿sasin siski uka arunakajj kamsañsa muni? Solterösipki uka cristianonakajja, janiw casadonakjamajj esposopatsa ni esposapatsa llakisipkiti. Jupanakajj jukʼamp librew jakasipjje. Yaqhep solteronakatakejja kunaymaninak lurasin Jehová Diosar serviñajj jukʼamp facilakiwa. Sañäni, suma yatiyäwinak yatiyañatakejj yaqha lugaranakaruw sarapjjaspa. Jehová Diosar jukʼamp jakʼachasiñatakis jukʼamp tiemponïpjjewa.
2. ¿Kunanaksa leyirjam casaratanakajj lurapjjaspa?
Casadonakajj solteronakjamarakiw kunaymaninak lurapjjaspa. Bibliajja “mayni sapat sipansa paniniw jukʼamp sumajja” sasaw qhanañchi (Eclesiastés 4:9). Ukjja Biblian yatichäwinakaparjam sarnaqapki uka casado chacha warminakaw qhan amuyapjje. Leyirjam casarat chacha warminakajja, munasiñataki respetasiñataki sum uñjasiñatakiw mä promesa lurapjje. Ukatwa concubinot jakasipki ukanakat sipansa casadonakajj jukʼamp sum jakasipjje, wawanakapas jukʼamp segurow jakasipjjaraki.
3. ¿Kunsa Jehová Diosajj matrimoniot amuyi?
Jehová Diosajj nayrïr chacha warmir casarkäna ukhajja, akham sänwa: ‘Chachajj awkiparus taykaparus jaytjjaniwa, ukatsti warmipampiw mayachasjjani’ sasa (Génesis 2:24). Casarat chacha warminakajja, purapat munasipjjaspa janipun jaljtapjjaspati ukwa Jehová Diosajj muni. Bibliarjamajja jupanakat maynejj adulterio jucha lurki ukhakiw divorciasipjjaspa. Adulterio juchajj utjki ukhajja, Diosajj jan juchanïki uka chacharu jan ukajj uka warmiruw divorciasiñsa jan divorciasiñsa amtjjañapatak jayti (Mateo 19:9). a Jehová Diosajja cristianonakarojj mä sapa warmimpik casaratäpjjañapwa mayi (1 Timoteo 3:2).
JUKʼAMP YATJJATAÑÄNI
Solteronakasa casadonakasa kunsa kusisit jakasiñatakisa Jehová Diosar kusisiyañatakis lursna uka toqetwa jichhajj yatjjatañäni.
4. Solterökasajj sumwa Jehová Diosar servisma
Jesusatakejja solteröñajj mä regalönwa (Mateo 19:11, 12). Mateo 4:23 liytʼasajja aka toqetwa parltʼapjjäta:
-
Awkipar serviñatakisa mayninakar yanaptʼañatakisa, ¿kunsa Jesusajj solterökasin luräna?
Soltero cristianonakajja, Jesusat yateqasisin Jehová Diosar servisajj wali kusisitäpjjaspawa. VIDEO uñtasajja aka toqetwa parltʼapjjäta:
-
¿Kunjamsa cristianonakajj solterökasin Diosar servipjjaspa?
¿Yatiyätati?
Maynejj kuna edadarus casarasispa uk Bibliajj janiw siskiti. Ukampis casarasiñatakejja ‘qʼajjo wayna tiempo qʼajjo tawaq tiempo’ pasañapwa ewjjtʼistu, uka tiemponwa wayn tawaqonakajj maynimpi ikintasiñ wal munapjjaspa, janirakiw sum amuytʼasipkaspati (1 Corintios 7:36).
5. Khitimpis casarasïta uk sumwa ajlliñama
Maynejj khitimpis casarasini uk amtañapajj wali importantewa. Mateo 19:4-6, 9 liytʼasajja aka toqetwa parltʼapjjäta:
-
Janïr casaraskasajja, ¿kunatsa mä cristianojj wali sum amuytʼasiñapa?
Mä suma espososa jan ukajj mä suma esposasa kunjam chuymanïñapasa uk yatiñatakejj Bibliaw yanaptʼistaspa. Taqe kunat sipansa, Jehová Diosar wal munaski ukampiw casarasiñasa. b 1 Corintios 7:39; 2 Corintios 6:14 liytʼasajja aka toqetwa parltʼapjjäta:
-
¿Kunatsa cheqpach cristianonakampikejj casarasiñasa?
-
Jiwasatï Jehová Diosar jan munaski uka jaqemp casarasiñäni ukhajja, ¿kunjamas Diosajj jikjjatasispa?
Pä kasta animalanakar yapintsna ukhajja, panpachaniw tʼaqesipjjaspa. Maynitï Jehová Diosar jan munasir jaqempi casarasini ukhajja, ukhamarakiw jan walinakan uñjasini.
6. Kunjamtï Diosajj matrimonior uñjki ukham uñjarakim
Nayra Israel markanjja, jupan askip thaqasakiw chachanakajj esposanakapat divorciasipjjäna. Malaquías 2:13, 14, 16 liytʼasajja aka toqetwa parltʼapjjäta:
-
Adulterio jucha jan utjipan maynejj divorciaski ukhajja, ¿kunatsa Jehová Diosatakejj jan walïki?
Adulterio jucha lurañasa divorciasiñasa, jan juchanïki uka esposoru jan ukajj uka esposaruw jan waltʼayi, wawanakaparus jan waltʼayarakiwa.
VIDEO uñtasajja aka toqetwa parltʼapjjäta:
-
Esposomatï jan ukajj esposamatï Jehová Diosar jan servirïchi ukhajja, ¿kunsa chacha warmjam kusisit jakasiñatakejj lurasma?
7. Casaratäsajj Diosan leyinakaparjam sarnaqam
Kuna leyinaktï Jehová Diosajj casadonakar churki ukarjam sarnaqañajja, yaqhepanakatakejj wali chʼamäspawa. c Ukampis leyinakaparjam sarnaqañatak chʼamachasipki ukanakarojja, Jehová Diosajj bendisiwa. VIDEO uñtapjjäta.
Hebreos 13:4 liytʼasajja aka toqetwa parltʼapjjäta:
-
¿Matrimonio toqet kuna leyinakatï Jehová Diosan utjki ukajj jumatak walikiti? ¿Kunatsa ukham amuyta?
Jehová Diosajja casarasirinakasa, divorciasirinakasa autoridadanakan leyinakaparjam registrasipjjañapwa muni, cheqas niya aka oraqpachanwa uka toqet leyinakajj utji. Tito 3:1 liytʼasajja aka toqetwa parltʼapjjäta:
-
Jumatï casaratästa ukhajja, ¿matrimoniomajj autoridadanakan leyinakaparjamati?
YAQHEPANAKAJJ AKHAM SAPJJEWA: “Janiw casarasiñajj wakiskapuniti. Mä chacha warmejja jan casarasisajj jakasipkaspawa” sasa.
-
¿Ukham sapjjeristam ukhajj jumajj kamsasmasa?
¿KUNSA YATEQAWAYTAN?
Solteröñasa casadöñasa Jehová Diosan mä regalopawa. Solteronakasa casadonakas Jehová Diosan munañaparjam sarnaqapjjani ukhajja, wali sumaw jakasipjjani kusisitäpjjarakiniwa.
Amtañataki
-
¿Kunjamsa maynejj solterökasin Jehová Diosar wali sum servispa?
-
¿Bibliarjamajj kunatsa cheqpach cristianompikejj casarasiñasa?
-
¿Bibliarjamajj kuna razonakis divorciasiñatak utji?
JUKʼAMP YATJJATAÑAMATAKI
¿‘Tatitun arkiripampik’ casarasiñajj kamsañsa muni?
“Preguntas de los lectores” (La Atalaya, 1 de julio de 2004)
Maynimp uñtʼasiñ toqeta casarasiñ toqet suma amtanakar puriñatakejja, aka pä sarnaqäwinakaw yanaptʼiristam.
‘Kunanaktï jaytawaykta ukat sipansa jukʼamp suma regalo Jehová Diosajj churawayitu’ sasajj kunatsa mä jilatajj amuyi uka toqet yatjjatam.
Divorciasiña jan ukajj jaljtañ janïr amtkasajja, ¿kuna toqetsa mä cristianojj amuytʼasiñapa?
“‘Kuntï Diosajj mayachki’ uk respetompi uñjapjjañäni” (Yatiyañataki diciembre 2018)
b Yaqhep markanakanjja awk taykanakaw khitimpis yoqapasa jan ukajj phuchapas casarasini uk ajllipjje. Ukhamäki ukhajja, suma amuytʼasir awk taykanakajj Jehová Diosar munaski ukaruw ajllipjje. Jupanakatakejja qollqet sipansa wali uñtʼatäñat sipansa ukaw jukʼamp importantëñapa.
c Jumatï jan casaratäkasin maynimp jaksta ukhajja, casarasiñsa jan ukajj jupar jaytjañsa jumaw amtjjañama.
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
