NLÔ AJÔ 42
Jé Kalate Zambe a jô a lat a éto nkoé a aluk?
Mesi méziñ, bôte ba buni na môt a ne nyiñe meva’ été fo’o ve nge a ne nlu’an. Ve sa ke bôte bese be ne nlu’an mbe be ne mevak, a sa ke minkoé mise mmie mi ne éngôngol. Nya ajôô a ne na, Kalate Zambe a ye’ele na éto nkoé a aluk bise bibaane bi ne das da so be Zambe.
1. Éto nkoé ja soo bibotan bivé?
Kalate Zambe a jô na: “Môt a luk a bo jam e ne mvaé, ve môt a lu’u ki a bo jame da dañe mvaé.” (Lañe’e 1 Becorinthien 7:32, 33, 38) Aval avé môt a ne nkoé a bo jam da “dañe mvaé”? Bekristen be ne minkoé be bili ki avale mimbe’e ba be ne nlu’an be bili. Nalé a bo na be bi abui éyoñ ya bo mam mefe. Éve’an é ne na, abui ya be be da kui na e nene ésaé nkañete jap. Be wô’ô ke mesi mefe na be ke kañete mbamba foé. Jam da dañ e ne na, minkoé mi bili abui éyoñ asu na mi yemete élate jap a Yéhôva.
2. Bibotan bivé bôte be ne nlu’an étas be bili?
Aval ane éto nkoé, alu’u fe da soo bibotan. Kalate Zambe a jô na “bebaé ba dañe wua.” (Ecclésiaste 4:9) Jam ete da tu’a yené éyoñ Bekristene be ne nlu’an ba tôñ memvinda me Yéhôva nda alu’u jap. Môse fam ba minga ba lat aluk, môt ase ya be be a ka’ale nyi mbo’o na é nye’e nye, é semé nye, é mvoñôlô fe nye. Nalé a bo na be bo teke bi biyebe a lat alu’u dap avale bôt be ne ébon be wô’ô bi. Nde fe, avale nda alu’u ete e ne mbamba vôme ya yale bon.
3. Aval avé Yéhôva a yen aluk?
Môse Yéhôva a nga lat alu’u ôsu, a nga jô na: “Fam ja ye li’ ésa ba nyia, ba ngale ba ye tabe nlatan.” (Metata’a 2:24) Yéhôva a yi na ngal ba nnôm be nye’esan a na be bo te kandane môs éziñ. A kañese na alu’u é tyamban fo’o ve nge môte wua ya be be a te bo mejian. Éyoñ nalé a kui, Yéhôva a ve nluk a nji bo mejian fili ya tyik nge é tyam aluk nge momo. a (Matthieu 19:9) Nde fe, Yéhôva a kañese ki na Kristen é lu’u abui binga.—1 Timothée 3:2.
TUKA’A FAK
Yene’ aval avé ô ne bo mevak a ve Yéhôva nlem avak to’o ô ne nkoé nge nlu’an.
4. Yeme’e belan éto nkoé jôé
Yésus a mbe a yene’ éto nkoé ane mveane Zambe. (Matthieu 19:11, 12) Lañe’e Matthieu 4:23, mvuse ya valé, yala’ane nsili wu:
-
Aval avé Yésus a nga belan éto nkoé jé asu na a bo Yéhôva ésaé, a volô bôte bevok?
Aval ane Yésus, Bekristene fe be ne bu’uban éto nkoé jap. Futi’i VIDÉO, mvuse ya valé, yala’ane nsili wo tôé valé.
-
Aval avé Bekristen be ne minkoé be ne belan éto nkoé jap?
Ye wo too ô yeme’ek?
Bible a kate ki ôkala môt a yiane luk. Ve a lebe môt a kômbô lu’u na a taté bo “ékua mfa’a ya mimbu mié.” Nalé a tinane na a yiane taté dañ ôkala minkômbane ya bisôk mi ne ngul, asu na mi bo teke tindi nye na a nyoñe mbia ntyi’an.—1 Becorinthien 7:36.
5. Yeme’e tobe môte wé luk
E tobe môte wé luk a ne ntyi’ane wua ya beta mintyi’ane wé nyoñ ényiñe jôé. Lañe’e Matthieu 19:4-6, 9, mvuse ya valé, yala’ane nsili wu:
-
Amu jé Kristen ja yiane ki bo ôjeja’a ya luk nge ke aluk?
Bible a ne volô wo na ô yemelan mefulu me ne bo na môt wo kômbô luk a bo mbamba nnôm nge ke mbamba minga. Jam da dañe mfi e ne na, môte wo kômbô luk a yiane nye’e Yéhôva. b Lañe’e 1 Becorinthien 7:39 a 2 Becorinthien 6:14. Mvuse ya valé, yala’ane minsili mi:
-
Amu jé bia yiane lu’u ve mbo ésaé Yéhôva?
-
Wo simesane na Yéhôva a wô’ôtan aya éyoñ bia nyoñe ntyi’ane ya lu’u môt a nye’e ke nye?
Nge ba futi betite bebaé ébônté jia si, a too ke na be bili ki abime ngule da, bese bebaane ba ye juk. Avale te da da, éyoñ Kristen ja lu’u môt a kañe ki Yéhôva, ja ye tôban abui minjuk
6. Yene’ aluk ane Yéhôva a yene de
Ayoñ Israël ya melu mvus, befam béziñ be mbe be tyame’e meluk a binga bap amu be mbe be kômbô’ô jalé ve miñyiane miap. Lañe’e Malachie 2:13, 14, 16, mvuse ya valé, yala’ane nsili wu:
-
Amu jé Yéhôva a vini éyoñe bôte ba tyam aluk avale Kalate Zambe a kañese ki?
Mejian a ntyaman aluk bia soo beluk a bon abui minjuk
Futi’i VIDÉO, mvuse ya valé, yala’ane nsili wo tôé valé.
-
Nge ô ne nlu’an a môt a nji bo Ngaa Yéhôva, ô ne bo aya asu na nda alu’u jôé é bo mevak?
7. Tôñe’e memvinda me Yéhôva nda alu’u jôé
E ne sili na môt éziñ a ve abui ngul asu na a tôñe memvinda me Yéhôva nda alu’u jé. c Ve nge a bo de, Yéhôva é botane nye. Futi’i VIDÉO.
Lañe’e Behébreu 13:4, mvuse ya valé, yala’ane minsili mi:
-
Ye wo simesane na bi ne ngule ya tôñe memvinda me Yéhôva a lat a aluk? Amu jé?
Yéhôva a yi na Bekristen be tôñe metiñe ya si be too éyoñ ba kômbô lat aluk nge ke tyame de. Lañe’e Tite 3:1, mvuse ya valé, yala’ane nsili wu:
-
Nge ô ne nlu’an, ye ô to ndi na alu’u dôé é nga lateban avale metiñe me ngovina ma jô?
MÔT ÉZIÑ A NE SILI NA: “Amu jé ba tya’a bôte nlem ajô alu’u étas? Nga bôte be ne bu’uban alu’u dap nalé ja’a ba bo ki étas?”
-
Wo ye yalan aya?
ÔBALEBAS
Aluk a éto nkoé bi ne dase Yéhôva. Minkoé a beluk be ne bi mevak éyoñ ba tôñe metiñe me Yéhôva.
Ô ne yalan aya?
-
Aval avé môt a ne yeme belan éto nkoé jé?
-
Amu jé Kalate Zambe a jô na bia yiane lu’u ve bôte ba kañe Yéhôva?
-
Kalate Zambe a liti na susu’a jam avé é ne bo na be tyam aluk?
MAM MEFE ME NE VOLÔ WO
Jé ja tinane na e luk “fo’o ve be Tate étam”?
“Questions des lecteurs” (Nkume mmombô a bete ya Ngone zangbwal é too alu 1, mbu 2004)
Yene’e bevidéo bebaé be ne volô wo na ô yeme tobe môt wé luk.
Yene’e amu jé mojañ éziñ a nga jô na, mame Yéhôva a nga ve nye me ne mfi adañe mam mese a nga li’i mvus.
Mam mevé môt a yiane fas, ôsusua na a nyoñe ntyi’an ya tyam alu’u dé nge ke kandan a môt a nga luk?
“Semé’é ‘jôme Zambe a maneya lat’” (Nkume mmombô a bete ya Ngon awôm a baa, mbu 2018)
a Fombô’ô Ayemé 4 asu na ô yen aval avé Kalate Zambe a ne volô belu’u ba kômbô kandan, a too ke na mejian me nji boban.
b Mesi méziñ, bebiaé mbe be wô’ô tobe bôte bone bap ba yiane luk. Mesi mete, Bekristen ba nye’e bone bap ba yiane ki telé biôm bi mo ôsu éyoñ ba jeñe be meluk, ve ba yiane jeñe bôte ba nye’e Yéhôva.
c Nge mia môt mi ne ébon, wo wo yiane nyoñe ntyi’an nge mia lu’an nge ke na mia kandan.
You May Also Like
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
