ISHOMO RYA 42
Ni enki eki Bibuli eri kugamba aha bikwatirine n’okuguma ori wenka n’okutasya?
Omu tucweka tumwe na tumwe, abantu nibagamba ngu omuntu tari kubasa kushemererwa yaba atatahire omu bushwere. Konka, abantu bona abari kutasana tiko bari kushemererwa kandi n’abari kuguma bari bonka tiko bona bari kuba batashemerirwe. Bibuli negamba ku okuguma ori wenka ninga shi okutasa, byona biri ebiconco ebiri kuruga ahari Ruhanga.
1. Ni biha birungi ebiri omu kuguma ori wenka?
Bibuli negamba ngu: ‘Abatakashwirwe n’abatakashwire n’abafakazi nimbagambira nti, ecakubire kirungi ahari bo ni okuguma bari bonka.’ (Shoma omu 1 Bakorinso 7:8, 32, 33.) Ni bata oku kuguma ori wenka kiri kuba kirungi kukiraho? Abakristo abacari bonka nibaba batine omurimo g’okufa aha wu batasine. Ahobwe, nibaba bine obugabe bw’okukora eki bari kwenda cona. Ecokureberaho: Abamwe nibongera aha murimo gwabo g’okuburira, omu buryo obutari bumwe oburi kushemeza; nk’okuza kukorera omu kandi kacweka ahari kwetengwa obuyambi. Ekiri kukira byona, nibabasa kukoresa obwire bwabo bari kugumya obunywani bwabo na Yehova.
2. Ni biha birungi by’okutasana?
Nk’oku biri aha kuguma ori wenka, omu kutasana na ho harimu ebirungi byingi. Bibuli negira ngu: ‘Ababiri nibakira omwe.’ (Omubuurizi 4:9) Abakristo abatasine ku bari kugendera aha misinge y’omuri Bibuli, nikituma bayerebera ku eco kiri amazima. Abashija n’abakazi abari kugitwa nibakora endagano y’okukundana, kuhana ekitinisa, n’okufanaho omuri byona. Eco nikituma bahurira barinzirwe, okukira oku bakutura hamwe batagisirwe. Kandi nambwenu, eco nikituma abana babo bahurira barinzirwe.
3. Ni bata oku Yehova ari kureba eby’okutasana?
Yehova ku yatandikisize eka y’okubanza, akagamba ati: ‘Omushija aryasiga ishe na nyina agume n’omukazi weye.’ (Okutandika 2:24) Yehova nayenda ngu omushija n’omukazi bakundane, kandi bagumane. Nayikiririza abatasine kutana ahabw’enshonga emwe kusha y’obushambani. Eco ku kiri kubaho, Yehova nayikiririza omushija n’omukazi kusharamu kutana ninga shi okutatana. * (Matayo 19:9) Yehova nayenda ngu Omukristo agire omukazi omwe ninga shi omushija omwe.—1 Timoseo 3:2.
YEGA BYINGI
Manya oku ori kubasa kushemererwa n’oku ori kubasa kushemeza Yehova n’obu wakuba ori wenka ninga oyine owu mwatasine.
4. Koresa ge ekiconco c’okuguma ori wenka
Yesu akaba nareba okuguma ori wenka nk’ekiconco. (Matayo 19:11, 12) Shoma omuri Matayo 4:23, rero muganire ahari eki kibuzo:
-
Ni bata oku Yesu yakoresize ekiconco c’okuguma ari wenka omu kukorera Ishe n’omu kukwasa abandi?
Abakristo abacari bonka nibabasa kushemerererwa eco kiconco nk’oku Yesu yakikozire. Zana VIDIYO, rero muganire ahari eki kibuzo.
-
Ni bata oku Abakristo abacari bonka bari kutunga emigisha bakoresa ge eco kiconco?
Waba nokimanya?
Bibuli teri kugamba emyaka y’okutahizaho. Konka, nehiga abacari bato kutegereza kuhisa barenga obwire bw’obunyeto, ahu kiri kuba kigumire kukora ensharamu ndungi.—1 Abakorinso 7:36.
5. Torana owu murije kutasana oyetonzire
Okusharamu owu muritasana, ni emwe omu nsharamu z’amani ezi ori kubasa kukora omu kubaho kwawe. Shoma omuri Matayo 19:4-6, 9, rero muganire ahari eki kibuzo:
-
Ahabw’enki Omukristo atashemerire kwirukangira kutaha omu bushwere?
Bibuli nebasa kukukwasa kumanya emitwarize mirungi eyi owu murije kutasana ashemerire kuba ayine. Ekiri kukira byona, oshemerire kuronda omuntu owu muritasana ori kukunda Yehova. * Shoma omu 1 Bakorinso 7:39 n’omu 2 Bakorinso 6:14. Bwanyima muganire ahari ebi bibuzo:
-
Ahabw’enki tushemerire kutasana n’Omukristo mugenzi witu kusha?
-
Notekateka ngu Yehova nayehurira ata twatasana n’omuntu otari kumuhereza?
Enyamishwa ibiri ezitari kushushana zakurura omugogo ziri hamwe, zombi nizishasha. Ni co kimwe, Omukristo yataha omu bushwere n’otari kwikiriza nibabugana ebizibu byingi
6. Reba obushwere nk’oku Yehova ari kubureba
Omuri Isirayeli ya kare, abashija abamwe bakaba nibatana n’abakazi babo ahabw’okwekunda. Shoma omuri Malaki 2:13, 14, 16, rero muganire ahari eki kibuzo:
-
Ahabw’enki Yehova ari kwanga abari kutana ahabw’ezindi nshonga ezitari obushambani?
Obushambani n’okutana nibireta ebizibu aha bushwere n’aha bana
Zana VIDIYO, rero muganire ahari eki kibuzo.
-
Yaba watasine n’omuntu otari kuhereza Yehova, ni enki eki ori kubasa kukora kugira ngu eka yanyu ebemu okushemererwa?
7. Gendera aha misinge ya Yehova y’eby’obushwere
Omuntu naba ashemerire kutamu amani kugira ngu abeho ari kugendera aha misinge ya Yehova y’eby’obushwerwe. * Kandi Yehova naha emigisha abari kuyigenderaho. Zana VIDIYO.
Shoma omu Baheburaayo 13:4, bwanyima muganire ahari ebi bibuzo:
-
Mbehi notekateka ngu emisinge ya Yehova y’eby’obushwere ehikire? Ahabw’enki?
Yehova nashaba Abakristo kuhandikisa obushwere bwabo ninga shi kwehandukuza batana, nk’oku ebiragiro by’omu mahanga mingi biri kubigamba. Shoma omuri Tito 3:1, rero muganire ahari eki kibuzo:
-
Mbehi yaba oyine owu mwatasine, mukagitwa omu biragiro?
ABANTU ABAMWE NIBABUZA NGU: “Ahabw’enki nshemerire kugitwa omu biragiro?”
-
Nobasa kubagarukamu ota?
EMPINYE
Okuguma ori wenka ninga shi okutaha omu bushwere ni ebiconco ebiri kuruga ahari Yehova. Embera zona ezi wakuba orimu, Yehova nabasa kutuma wabaho oshemerirwe, kandi ohurira omazirwe, waba ori kubaho ori kukora ebi ari kwenda.
Wayega ki?
-
Ni bata oku omuntu ari kubasa kukoresa ge ekiconco c’okuba acari wenka?
-
Ahabw’enki Bibuli eri kugamba ku tushemerire kutasana n’Omukristo mugenzi witu kusha?
-
Ni eha nshonga emwe kusha eyi Bibuli eri kwikiriza, eri kubasa kutuma abatasine batana?
CONDOZA
Kutasana n’ori omuri Mukama kusha nikimanyisa ki?
“Ebibuzo by’abashomi” (Omunara g’Omurinzi, 1 Okwamushanju, 2004)
Reba za vidiyo ishatu eziri kubasa kukukwasa kukora ensharamu ndungi aha bikwatirine n’okusigurana n’okutaha omu bushwere.
Reba enshonga ahabw’enki mwenetata ari kuhurira ku ebi Yehova yamuhire biri kukira ebi yayefererize.
Ni biha bintu bimwe na bimwe ebi omuntu ashemerire kubanza yatekatekaho yaza kutana ninga kwangana n’owu batasine?
“Ha ekitinisa eki Ruhanga yaterine hamwe” (Omunara g’Omurinzi, Okwikuminabiri 2018)
^ Reba Enyongezo ya 4 aha bikwatirine n’okwangana ahabw’ezindi nshonga ezitari obushambani.
^ Omu tucweka tumwe na tumwe, abazire nibashariramu abana babo abu barije kutasana na bo. Caba kiri kisyo, abazire tibashemerire kurebera aha sente ninga shi obushoborozi bw’owu baritasana, ahobwe nibaba bashemerire kureba yaba ari kukunda Yehova.
^ Yaba ori kubana n’omuntu owu mutaragisirwe, ni ensharamu yawe kusharamu kutana, ninga kugitwa na we.
