Lón ekkóch fénú, aramas ra lúkú pwe emén ese tongeni pwapwa ika ese pwúpwúlú. Iwe nge, esap meinisin mi pwúpwúlú ra pwapwa, me esap meinisin mi lipich rese pwapwa. Ren enletin, ewe Paipel a erá pwe lipich me pwúpwúlú iir liffang me ren Jiowa.

1. Met feiéchún án emén epwe lipich?

Ewe Paipel a erá: “Eman mwän mi pwüpwülü a föri mine a mürina, nge eman mwän esap pwüpwülü a föri mine a mürina seni.” (Álleani 1 Korint 7:32, 33, 38.) Ifa usun emén mi lipich a tongeni “föri mine a mürina seni” emén mi pwúpwúlú? Ekkewe mi pwúpwúlú a wor wiser le túmúnú pwúlúwer, nge ekkewe lipich, ese wor. Ina minne, ra tongeni féri ese lifilifil met ra mochen. Áwewe chék, ekkóch Chón Kraist mi lipich ra tongeni alapaaló ar álillis lón ewe angangen afalafal, ren ar mwékút ngeni pwal eú fénú pwe repwe afalafala ewe kapas allim ie. Nge met a kon aúchea seni meinisin, ina ar áeá watteen ar fansoun le apéchékkúlaló ar riri ngeni Jiowa.

2. Met feiéchún án eú pwúpwúlú epwe rechister?

A pwal wor feiéchún pwúpwúlú usun chék ren lipich. Áwewe chék, ewe Paipel a erá pwe “ruoman ra feiöch seni eman chök.” (Än Salomon Afalafal 4:9) A ákkáeúin pwúng ena ngeni ekkewe Chón Kraist mi apwénúetá án Paipel kewe kapasen emmwen lón ar pwúpwúlú. Emén mwán me emén fefin mi rechister ar pwúpwúlú, ra eáni eú pwon pwe repwe tongfengen, súfélfengen, me aúcheanifengeniir. Iwe pokiten ena, ra meefi núkúnúkéch lap seni chókkewe mi nómófengen nge ese rechister ar pwúpwúlú. Me néúr kewe repwe pwal meefi núkúnúkéch.

3. Met meefien Jiowa usun pwúpwúlú?

Atun Jiowa a féri ewe áeúin pean pwúpwúlú, a erá: “Eman mwän epwe likiti saman me inan o pachei ngeni pwülüan.” (Keneses 2:24) Jiowa a mochen án ekkewe pean pwúpwúlú repwe tongfengen me nómfengen lón ánein manawer. A mutatá mufesen atun chék emén me leir a lisowumwáál ngeni pwal emén. Ika a fis ena, iwe Jiowa a mut ngeni ewe emén ese tipis an epwe pwisin filatá ika epwe mu seni pwúlúwan na are esap. a (Mateus 19:9) Jiowa ese mut ngeni Chón Kraist ar repwe pwúlúweni lap seni emén.​—1 Timoty 3:2.

 KÚTTAFICHI

5. Kopwe kefiléch pwúlúwom

Óm filaatá ié kopwe pwúlúweni, ina eú me lein ekkewe kefil mi fókkun aúchea. Álleani Mateus 19:4-6, 9, me mwirin pwóróusfengen wóón ei kapas eis:

• Pwata a éch án emén Chón Kraist esap atapwalapwalen pwúpwúlú?

Ewe Paipel a tongeni álisuk le silei met sókkun napanap kopwe kútta seni emén ka ekiekin pwúlúweni. Nge óm kútta emén mi tongei Jiowa, ina ewe mi aúchea seni meinisin. b Álleani 1 Korint 7:39 me 2 Korint 6:14. Mwirin pwóróusfengen wóón ekkeei kapas eis:

• Pwata a lamot ach sipwe chék pwúlúweni pwal emén Chón Kraist?

• Epwe met meefien Jiowa ika sia filatá le pwúlúweni emén ese tongei i?

 6. Eáni án Jiowa ekiek usun pwúpwúlú

Lón Israel lóóm, ekkóch mwán ra mu seni pwúlúwer ren ekkóch popun ese pwúng. Álleani Malakai 2:13, 14, 16, me mwirin pwóróusfengen wóón ei kapas eis:

• Pwata Jiowa a oput án emén mu seni pwúlúwan nge ese tipeeú ngeni ewe Paipel?

Fichi ei VIDEO, me mwirin pwóróusfengen wóón ei kapas eis.

• Ika ka pwúlúweni emén ese fel ngeni Jiowa, met ka tongeni féri pwe óm pwúpwúlú epwe sópwéch?

7. Apwénúetá án Jiowa kewe allúk usun pwúpwúlú

 MENLAPAN

Lipich me pwúpwúlú, iir liffang me ren Jiowa. Ekkewe mi pwúpwúlú me ekkewe mi lipich ra tongeni pwapwa me menemenéch atun ra etipeeú manawer ngeni letipen Jiowa.

Enniwili

• Ifa usun emén mi lipich a tongeni áeáéchú an fansoun lipich?

• Pwata ewe Paipel a allúkú ngenikich ach sipwe chék pwúlúweni emén Chón Kraist?

• Ifa ewe eú chék popun a mumutá mufesen me ren Paipel?