SHIRONGWA 42
Nke ya ghamba ko Bibeli kuhamena udike nankwara?
Mumpo dimwe, vantu kwa pura ashi muntu ana hepa kukwara ntani a kara naruhafo. Ngoli, kapishi navantje vakwaro va kara naruhafo ntani kapishi vadike navantje va piro ruhafo. Bibeli ya negheda ashi udike ntani nkwara navintje kuna kara ushwi wakutunda kwaJehova.
1. Mauwa munke ghakukara mudike?
Bibeli kwa ghamba ashi: “Ogho a kwarango kutura po litokoro lyaliwa ngoli ogho a pirango kukwara litokoro lyendi lya pita lyogho a kwaro.” (Varura 1 Korinte 7:32, 33, 38.) Munkedi munke litokoro lyamuKriste wamudike “lya pita lyagho a kwaro”? Vakriste vavadike kapi va kara nashinka shakupakera mbiri vihepwa vyamulikwali. Kutanta ashi vavo va kara nalimanguruko lyalinene. Vamwe kutamununa shirughana shavo shakuyuvhita yira kuyenda vakayuvhitire kumukunda wapeke. Shamulyo po, vavo kurughanita ruvede rwarungi va shweghenene pepi naJehova.
2. Mauwa munke gha kukwara paveta?
Nkwara nado da kara namauwa. Bibeli yaghamba ashi “vaviri va pitakana umwe.” (Muuditi 4:9) Evi kutompoka kuVakriste vashiri ovo va tikitango mo mpango damuBibeli munkwara davo. Ovo vakukwaro paveta kukutwenyidira ashi nga va kuhora, kukufumadeka nakukuhafera naruntje. Vitundwamo, vavo kukuyuvha lipopero kupitakana ovo vapiro kukukwara paveta. Ntani nkwara kurenkita vanuke navo vakuyuvhe lipopero.
3. Weni Jehova a kenganga nkwara?
Opo Jehova a kwalikire vantu vakuhova, uye kwa ghambire ashi: “Mukafumu nga shuva vashe navawina nga ka kakatere mukadendi.” (Genesis 2:24) Jehova ana shana vantu namukadendi vakuhore nakukukwatakana liparu lyavo nalintje. Uye kwa pulitira tupu kukukomba ntjeneshi umwe wavo a shondere. Muukaro ogho, Jehova kwa tapa lipulitiro kogho vana djonene a tokore ntjeneshi kwa komba unyendi ndi hawe. a (Matheus 19:9) Jehova kapi a pulitira Vakriste va kware mapara.—1 Timotheus 3:2.
TEDA KO
Kushonge omo u wana ruhafo nakuhafita Jehova vikare ashi u mudike ndi wa kwara.
4. Rughanita nawa ushwi wa kukara mudike
Jesus kwa monine udike ashi uswhi. (Matheus 19:11, 12) Varura Matheus 4:23, makura timwitirenu lipuro lino:
-
Weni omo Jesus a rughanitire uswhi waudike a rughanene Vashe ntani a vatere vapeke?
Vakriste kuvhura va wane ruhafo pakurughanita udike wavo yira momo a ghu rughanitire Jesus. Kengera VIDIYO, makura timwitirenu lipuro lino.
-
Munkedi munke dimwe da kuyita ruhafo omo Vakriste va rughanita udike wavo?
Maukenu nka ghamweya
Bibeli kapi ya tapa mwaka a kwara muntu. Mpiri ngoli, yayo ya korangeda ashi muntu a taterere dogoro “ana piti pashirugho shamadovo ghashiudinkantu.” Kutanta ashi shirugho opo mudinkantu a karanga namakuyuvho ghankondo ghakushana kukugwanekera panyama ogho ghamurenkito a pire kutokora nawa.—1 Korinte 7:36.
5. Horowora nawa ogho u kwara
Kuhorowora ogho u kwara kuna kara litokoro lyamulyo unene ngau tura po muliparu lyoye. Varura Matheus 19:4-6, 9, makura timwitirenu lipuro lino:
-
Morwanke Mukriste a pilira kundundanena nkwara?
Bibeli kuvhura yikuvatere u yive vikara vya renkitango muntu a kare mulikwali wamuwa. Shamulyo po, shana muntu ogho a horo Jehova. b Varura 1 Korinte 7:39 ntani 2 Korinte 6:14. Makura timwitirenu mapuro ghano:
-
Morwanke tu kwarera tupu Mukriste unyetu?
-
Weni Jehova a kuyuvha ntjene u tokora kukwara umwe a piro kumuhora?
Ntjene ava kutiri vimuna viviri vyakukushuva, vyavyo nga vi hepa. Mukukufana, Mukriste wa kuyenda a ka kware wakupira kupura nga kara namaudito ghamangi
6. Kenga nkwara yira momo a di kenganga Jehova
Vaisrael pakare, varume kava kombanga vakadi vavo pa hana konda yamulyo. Varura Malakia 2:13, 14, 16, makura timwitirenu lipuro lino:
-
Morwanke Jehova a nyengera kukukomba pahana konda yamuBibeli?
Rushonda na kukukomba ku yitira kukora ogho vana djonene ntani vanuke
Kengera VIDIYO, makura timwitirenu lipuro lino.
-
Ntjeneshi wa kwara umwe a pirango kukarera Jehova, nke u rughana mposhi nkwara denu di kare daruhafo?
7. Kwama mpango a tura po Jehova kuhamena nkwara
Muntu ana hepa kukondja nakukutura mo unene mukutikita mo mpango daJehova kuhamena nkwara. c Ngoli Jehova kutungika ovo va vi rughanango. Kengera VIDIYO.
Varura Heberi 13:4, makura timwitirenu mapuro ghano:
-
Weni una kughayara, mpango daJehova kuhamena nkwara da wapa ndi? Morwanke una kughambera ngoli?
Jehova kwa shana ashi Vakriste va kukware nakukukomba paveta mbyovyoshi shingi shavirongo kwa vi tura vi kare veta yalipangero. Varura Titus 3:1, makura timwitirenu lipuro lino:
-
Ntjeneshi ve wa kwara, shiri nkwara doye va di tjangita kukuwa naveta yashirongo ndi?
UMWE KUVHURA A KUPURE ASHI: “Ovyo u kwarera paveta ne nke? Nakuvhurashi tupu kutunga kumwe ndi?”
-
Weni u mu limburura?
LIKAMO
Udike ntani nkwara kuna kara ushwi wakutunda kwaJehova. Vadike novo vakwaro kuvhura va kare naliparu lyaruhafo ntjene va kwama mpango daJehova.
Livyukuruko
-
Weni muntu a rughanita nawa udike wendi?
-
Morwanke Bibeli ya ghambera ashi muntu nkwandi a kware Mukriste unyendi?
-
Konda munke yamuBibeli mpantjayo va pulitira mukukukomba?
YIVAKO VYAVINGI
Nke vya tanta “kukwara tupu mwaHompa”?
Kengera vidiyo mbiri dadifupi odo di kuvatero u ture po matokoro ghamawa kuhamena kukuvandekera ntani nkwara.
Kenga konda yevi monyanyokwetu a kuyuvhire ashi Jehova a mu pa vyamulyo unene kupitakana ovyo a shuvire.
Vininke munke muntu a ghayadara ko kumeho yakutokora kukakukomba ndi kukakugaunuka munkwara?
“Fumadeka ‘eyi ga mangakana Karunga’” (Ruhungu, December, 2018)
b Mumpo dimwe, vakondi mbo va horowerango vana vavo mulikwali. Muukaro ogho, vakondi vashihoro vana hepa tanko kumona ntjeneshi ogho vana shanene monavo a hora Jehova, ngoli kapishi va deghemene kuvimaliva ndi walye mbyovyo a fumana.
c Ntjeneshi wa tunga namuntu wa pira kukwara paveta, litokoro lyapamundinda ntjeneshi kuumushuva ndi kuumukwara.
