UKPEPN̄KPỌ 42
Nso ke Bible Etịn̄ Aban̄a Ndọ ye Nditre Ndidọ Ndọ?
Ke ndusụk obio, mme owo ẹda nte ke ndọ esinam owo okop inemesịt. Edi enyene ediwak owo emi ẹdọde ndọ edi ikopke inemesịt ye ediwak owo emi mîdọhọ ndọ edi ẹkop inemesịt. Bible idọhọke ke ọdiọk ndidọ ndọ m̀mê nditre ndidọ. Bible ọdọhọ ke mbiba mbiba edi enọ.
1. Nso inam nditre ndidọ ndọ okûdiọk?
Bible ọdọhọ ete: “Owo eke ọdọde ndọ anam ọfọn, edi owo eke mîdọhọ ndọ anam ọfọn akan.” (Kot 1 Corinth 7:32, 33, 38.) Didie ke owo emi mîdọhọ ndọ “anam ọfọn akan”? Mbon emi mîdọhọ ndọ inyeneke ebe m̀mê n̄wan emi anade mmọ ẹse ẹban̄a—mmọ ẹsinen̄ede ẹnyene ifụre. Ke uwụtn̄kpọ, mmọ ẹsikeme ndika utom Abasi ke nsio nsio itie; ndusụk mmọ ẹsikam ẹka obio en̄wen ẹkekwọrọ ikọ. Mmọ ẹsinyụn̄ ẹnen̄ede ẹnyene ini ẹnam n̄kpọ emi anamde owo ekpere Jehovah.
2. Ntak ọfọnde owo anam ndọ nte ibet ọdọhọde?
Ndọ enyene ufọn esie n̄ko. Bible ọdọhọ ke “owo iba ẹfọn ẹkan owo kiet.” (Ecclesiastes 4:9) Mbon emi ẹnamde se ikọ Abasi ọdọhọde ke ndọ mmọ ẹkụt ke ikọ oro edi ata akpanikọ. Mbon emi ẹnamde ndọ nte ibet ọdọhọde ẹsin̄wọn̄ọ ke iyama, ikpono, inyụn̄ ise iban̄a n̄wan m̀mê ebe imọ. Ntre, idem isisọpke inyek mmọ ke owo enye eken eyefehe ọkpọn̄ mmimọ. Ndinam ndọ esinyụn̄ anam esịt enem nditọ emi ẹmanade edụk utọ ubon oro.
3. Jehovah ada ndọ didie?
Ini Jehovah akadiande ata akpa eren ye n̄wan ndọ, enye ama ọdọhọ ete: “Ntak edi oro erenowo edikpọn̄de ete ye eka esie onyụn̄ akadiana ye n̄wan esie.” (Genesis 2:24) Jehovah oyom ebe ye n̄wan ẹma idemmọ ẹnyụn̄ ẹdiana kiet ke ofụri eyouwem mmọ. N̄kukụre se Abasi enyịmede owo ada adian̄ade ndọ edi edieke ebe m̀mê n̄wan esie esịnde efịbe. Ekpetịbe ntre, Jehovah enyịme ke owo enye eken ekeme ndidian̄ade ndọ. a (Matthew 19:9) Jehovah oyom asan̄autom esie ọdọ ebe m̀mê n̄wan kiet.—1 Timothy 3:2.
SỊN IDEM KPEP
Se se idinamde fi okop inemesịt, ye nte akpanamde Jehovah enem esịt ye afo, m̀mê ọmọdọ ndọ m̀mê udọhọ.
4. Kûyak ini emi mûdọhọ ndọ atatak
Jesus ọkọdọhọ ke nditre ndidọ ndọ edi enọ. (Matthew 19:11, 12) Kot Matthew 4:23, ekem ẹbọrọ mbụme emi ẹnyụn̄ ẹneme ẹban̄a enye:
-
Didie ke nditre ndidọ ndọ akan̄wam Jesus anam n̄kpọ ete esie onyụn an̄wam mbon en̄wen?
Mme Christian emi mîdọhọ ndọ ẹkeme ndida ini mmọ nnam se idinamde mmọ ẹkop inemesịt ukem nte Jesus akanamde. Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
-
Nso n̄kpọ emi enyenede ufọn ke mme Christian emi mîdọhọ ndọ ẹkeme ndinam?
Ndi ọmọdiọn̄ọ?
Bible isiakke ibat isua emi anade owo esịm mbemiso ọdọde ndọ. Kpa ye oro, Bible ọdọhọ yak owo ebet tutu ebe “ini nsehe uyen” kan̄a, sia ini oro ke udọn̄ idan̄ esinen̄ede ọsọn̄ ubọk, ndien oro ekeme ndinam owo okûbiere nnennen n̄kpọ.—1 Corinth 7:36.
5. Kûdọ owo ekededi
Ata akpan n̄kpọ kiet emi anade owo ebiere ke uwem emi edi owo emi enye edidọde. Kot Matthew 19:4-6, 9, ekem ẹbọrọ mbụme emi ẹnyụn̄ ẹneme ẹban̄a enye:
-
Ntak emi Christian mîkpefeheke idọ owo ekededi?
Bible ekeme ndin̄wam fi ọdiọn̄ọ utọ owo emi ọkpọdọde. Ata akpan n̄kpọ edi ke ọfọn ọdọ owo emi amade Jehovah. b Kot 1 Corinth 7:39 ye 2 Corinth 6:14. Ekem ẹbọrọ mbụme emi ẹnyụn̄ ẹneme ẹban̄a mmọ:
-
Ntak emi ikpọdọde asan̄autom Jehovah nte nnyịn kpọt?
-
Ekere ke editie Jehovah didie ikpọdọ owo emi mîmaha enye?
Ẹkpeda unam iba emi mîdịghe ukem ukem ẹdian kiet ẹte ẹnam utom ke in̄wan̄, mmọ mbiba ẹyebọ ufen. Kpasụk ntre, uwem esisọn̄ owo emi ọdọde owo emi mîdịghe Christian nte enye
6. Nte Jehovah adade ndọ
Ndusụk irenowo ke Israel eset ẹma ẹsida n̄kari ẹsio iban mmọ ndọ. Kot Malachi 2:13, 14, 16, ekem ẹbọrọ mbụme emi ẹnyụn̄ ẹneme ẹban̄a enye:
-
Nso inam Jehovah asua owo ndidian̄ade ndọ ke ini ebe m̀mê n̄wan esie mîsịnke efịbe?
Ndisịn efịbe ye ndidian̄ade ndọ esinen̄ede abiak n̄wan m̀mê ebe owo ye nditọ mmọ
Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
-
Akpanam nso man ndọ fo ọfọn ekpedi ọdọ owo emi mîdịghe asan̄autom Jehovah?
7. Nam item Jehovah ke ndọ mbufo
Ndusụk ini esiyom owo enen̄ede esịn ukeme man anam se Jehovah ọdọhọde ke ndọ mmọ. c Edi Jehovah esidiọn̄ mbon emi ẹnamde ntre. Se VIDIO emi.
Kot Mme Hebrew 13:4, ekem ẹbọrọ mbụme emi ẹnyụn̄ ẹneme ẹban̄a mmọ:
-
Ndi emekere ke se Jehovah etịn̄de aban̄a ndọ ọfọn? Nso inam ọdọhọ ntre?
Jehovah oyom ikọt esie ẹnam ndọ ẹnyụn̄ ẹsịn ndọ mmọ ke n̄wed nte ibet ukara ọdọhọde; enye onyụn̄ oyom mmọ ẹnam ukara ẹdiọn̄ọ edieke mmọ ẹdian̄arede ndọ, sia se ibet ọdọhọde edi oro ke ata ediwak idụt. Kot Titus 3:1, ekem ẹbọrọ mbụme emi ẹnyụn̄ ẹneme ẹban̄a enye:
-
Ekpedi ama anam ndọ, ndi emekere ke ama anam kpukpru n̄kpọ nte ibet ọdọhọde?
NDUSỤK OWO ẸKEME NDIBỤP: “Ufọn ndinam ndọ? Nso idiọk ke eren ye n̄wan ndidụn̄ kiet inamke ndọ?”
-
Nso ke ọkpọbọrọ utọ owo oro?
SE IKPEPDE
Idiọkke ndidọ ndọ, inyụn̄ idiọkke nditre ndidọ ndọ—mbiba mbiba ẹdi enọ Abasi. Ekededi ekeme ndinam owo okop inemesịt ama akam edi owo anam se Abasi amade.
Se M̀mê Emeti
-
Nso n̄kpọ emi enyenede ufọn ke owo emi mîdọhọ ndọ ekeme ndida ini esie nnam?
-
Nso inam Bible ọdọhọ idọ owo emi edide Christian nte nnyịn kpọt?
-
Nso idi n̄kukụre n̄kpọ emi Ikọ Abasi ọdọhọde ke owo ekeme ndida ndian̄ade ndọ?
KPEP N̄KPỌ EN̄WEN
Nso ke ndidọ owo “ke ọbọn̄ ikpọn̄ ikpọn̄” ọwọrọ?
Se n̄kpri n̄kpri vidio iba emi aban̄ade ndọ ye nte akpanamde ọdiọn̄ọ owo emi ọkpọdọde.
Se se inamde brọda kiet ọdọhọ ke se Jehovah anamde ọnọ imọ akan kpukpru se imọ ikayakde atak.
Nso ke owo ekpekere kan̄a mbemiso ebierede m̀mê iyadian̄ade ndọ m̀mê iyadian̄ade itie?
“Kpono ‘Se Abasi Ama Akadian’” (Enyọn̄-Ukpeme, December 2018)
a Se se Ẹwetde Ẹdian 4 ẹban̄a ebe ye n̄wan ndidian̄ade ntie ke ini owo mmọ ndomokiet mîsịnke efịbe.
b Ke ndusụk obio mme ete ye eka ẹsimek owo emi eyen mmọ edidọde. Ke utọ obio oro, mme ete ye eka emi ẹmade nditọ mmọ isiyakke okụk m̀mê se owo edide ebiere owo emi mmọ ẹyomde nditọ mmọ ẹdọ. Se isidide akpan n̄kpọ inọ mmọ esidi m̀mê owo oro ama Jehovah.
c Edieke mûkanamke ndọ ye n̄wan m̀mê eren emi odụn̄de kiet, afo edibiere m̀mê ẹyekenam ndọ m̀mê ọyọkpọn̄ enye.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
