AYEGHLE 42
Za dzam Bible a dzô nfa éto nkuèñ ya alukh ?
Ébe metum m’ézing, bôt ba bune naa, môt éé se ki bele mevakh nge éé se ki nlughan. Bia yen naa, bôt b’ézing be ne minlughan ve béé bele ki mevakh, éba bevoo ki, be ne minkuèñ ve be bele mevakh. Akal té, éde Bible a dzô naa éto nkuèñ ye alukh be ne bedas Nzame.
1. Za mbemba be-mam éto nkuèñ é bele ?
Bible a dzô naa : « É môt a lughan a bo mvèñ, ve, é môt a ne kaa lughan a bo é dzam da dang mvèñ. » (A lang 1 Becorinthien 7:32, 33, 38.) Nfa mbé é môt a ne nkuèñ a bo é dzam « da dang mvèñ » ? Amu éé se ki nlughan, a bele tam ya bo abuiñ mam. Éfônan, é ne ñe ébubu naa a ke mebeng minkanghle me ne ôyap nge ki a ke si fe. A bele fe abuiñ tam naa a yemle angom dèñ ya Jehôva.
2. Za mbemba be-man alukh é bele ?
Aval ane éto nkuèñ, alukh é bele é mbemba be-mam mèñ. Bible a dzô naa « Éyong bôt be ne bebèñ da dang mbeng ya éyong môt a ne étam. » (Ecclésiaste 4:9) Dzam té da dang yene ébe bekristen ba belane metsin metsing me ya Bible alukh deba. É bôt be ne nlughan ba bo ngiagh naa ba ye dzinghan, a kaman ya lere éseme éyong ése. Ba wôrane naa alukh deba é yeme a lôt édi é bôt ba kîkh naa ba tobe vôm mboo kaa lughan. Alukh deba da ve naa é boan ba byale be vem a mbemba vôm été.
3. Aval avé Jehôva a yen alukh ?
Éyong Jehôva a nga lat alukh ôsua, a nga dzô naa : « Fam da ye likh ésaa ye ñyè, éyong té a ye ke lat ye ngal. » (Atarga 2:24) Jehôva a kômô naa ngal ye n’nôm be dzinghan ye tobe nlaran nté sese ba ye ning. A yebe nvasan fave nge môt mboo ya été a bo medzian. Ve, éyong aval dzam té da boban, Jehôva a likh naa nlughan ô va tobe sôsôe ô kîkh nge a ye vas nge ki kaa. a (Matthieu 19:9) Jehôva aa yebe ki naa bekristen be bele binenga bebèñ.—1 Timothée 3:2.
A TUGHA FAS
Yeghe aval ô ne tobe mevakh ya ve Jehôva n’nem mbeng, a bo naa ô ne nkuèñ nge ki nlughan.
4. Yemghe belane éto nkuèñ duè
Yésu a nga yen éto nkuèñ ane das. (Matthieu 19:11, 12) A lang Matthieu 4:23, éyong té mia lèè minlang mia daghe nsili wa zu wi :
-
Aval avé Yésu a nga yem belane éto nkuèñ dèñ naa, a yem sèhane Ésaa wèñ ye vole é bôt bevoo ?
Aval ane Yésu, bekristen béé se ki minlughan be ne yem belane éto nkuèñ deba. Daghane ÉNGENGENG, éyong té mia lèè minlang mia daghe nsili wa zu wi :
ÉNGENGENG : Solteros que imitan a Cristo nge ki Des célibataires fidèles (3:11)
-
Minfakh mivé bekristen béé se ki minlughan be ne yem belane éto nkuèñ deba ?
Ye ô va yem de ?
Bible aa dzô ki abîm mimbu môt a yiène bele naa a lughan. Ve, a lep be naa, be tare yane naa « mimbu be ngene bitong » mi tare lôt, amu naa tam té, mekômgha ya ke binong mi ne édedèè ngu’u, é ne fe bo ndzukh ébe bitong bi-bôt naa be ñong besôsôe be ne mbeng.—1 Becorinthien 7:36.
5. Boghe akeng éyong wa top é môt wa ye lukh
A top é môt wa ye lukh, a ne nkighan mboo ya bôra minkighan wa ye ñong éning duè. A lang Matthieu 19:4-6, 9, éyong té mia lèè minlang mia daghe nsili wa zu wi :
-
Amu dzé moan kristen a yiène tare fas kaa naa a lughan ?
Bible a ne bia vole naa bi yem mefulu bia yiène daghe ébe é môt bia kômô lukh. Édi da dang éban é ne naa, é môt bia kômô lukh a yiène dzing Jehôva. b A lang 1 Becorinthien 7:39 ya 2 Becorinthien 6:14, éyong té mia lèè minlang mia daghe minsili mia zu mi :
-
Amu dzé bia yiène lukh fave é môt a ne mbo ésèñ Jehôva ?
-
Wa tem naa Jehôva a ye wôrane yè nge wa lughan ya é môt aa dzing ki ñe ?
Nge wa tsine betsit bebèñ béé se ki aval dèè, bebèñ ba ye dzukh, aval dèè fe, nge moan kristen a lughane ya é môt aa sèhane ki Jehôva ba ye bele abuiñ mintiè
6. Yeneghe alukh ane Jehôva a yen de
Ébe Israël ya melu mvus, befam b’ézing be mbe béé vas ya é binenga beba akal mekalgha maa yiène ki. A lang Malachie 2:13, 14, 16, éyong té mia lèè minlang mia daghe nsili wa zu wi :
-
Amu dzé Jehôva a bira vini naa minlughan mi vas kaa naa mboo ya été a va bo medzian ?
Medzian ya mvasan ba so abuiñ minzukh
Daghane ÉNGENGENG, éyong té mia lèè minlang mia daghe nsili wa zu wi :
ÉNGENGENG : El matrimonio: una unión para toda la vida nge ki Le mariage : un lien permanent (4:30)
-
Nge ô ne nlughan ya é môt aa sèhane ki Jehôva, za dzam ô ne bo naa alukh denan é yem wulu ?
7. Dzalghe metsin metsing Jehôva nfa alukh
A baghle metsin metsing Jehôva nfa alukh da sili abuiñ ngu’u. c Ve, é môt a bo mewokh ébe metsing meté, a ne bele ndzi-n’nem naa Jehôva a ye borane ñe. Daghane ÉNGENGENG.
ÉNGENGENG : Jehová nos ayuda a obedecer sus normas sobre el matrimonio nge ki Ils ont conformé leur vie aux exigences de Jéhovah sur le mariage (4:14)
A lang Behébreu 13:4, éyong té mia lèè minlang mia daghe minsili mia zu mi :
-
Ye wa tem naa metsin metsing Jehôva a ve nfa alukh ma yiène ? Amu dzé wa tem de ?
Jehôva a kômô naa bekristen ba lughan nge ki éba ba vas, be bo de ane metsing me ya é si deba ma sili. A lang Tite 3:1, éyong té mia lèè minlang mia daghe nsili wa zu wi :
-
Nge mi ntoo nlughan, ye mi ne tugha bebe nge mi bele bekalare ngovina a ve nfa alukh ?
NGE MÔR ÉZING A SILI WÔ NAA : « Ye é ne éban naa bi lughan ? Ye bi se sia tobe nèè kaa lughan ? »
-
Wa ye yalane yè ?
AKIGHE BES
Éto nkuèñ ya alukh be ne bedas ba so ébe Jehôva. Dzam ase ye été da so mevakh éyong bia tông metsin metsing Jehôva.
Ôbaghle
-
Aval avé môt a ne buan éto nkuèñ dèñ ?
-
Amu dzé Bible a dzô naa bia yiène lughan fave ya é moan kristen a sèhane Jehôva ?
-
Akalgha avé étam é ne likh naa bi vas ?
Ô NE FE KE DAGHE
A lughan « fave ébe Nti » da yili ya ?
« Preguntas de los lectores » nge ki « Questions des lecteurs » (Atalaya, 1 de julio de 2004 ; Tour de Garde, 1er Juillet 2004)
Yeneghe é boan bingengeng bibèñ bi, bi bele mbemba melepgha akal é bôt ba kômô lughan ya éba be ntoo minlughan.
Cómo prepararse para el matrimonio nge ki Se préparer au mariage (11:53)
Daghe aval avé Jehôva a nga borane é moadzang a nga ñong minkighan mi ne mbeng ya ayokh.
Tenia la esperanza de que ella aprendiera la verdad nge ki J’espérais qu’elle accepterait d’étudier la Bible (1:56)
Kaa naa môt a kanan nge ki a vas, za dzam a yiène tare fas ?
« Honremos ‘lo que Dios a unido’ » nge ki « Honore ce que Dieu a uni’ » (La Atalaya, diciembre de 2018 ; La Tour de Garde, décembre 2018)
a A daghe Ayilgha 4 da lere é mam me ne tsini bôt naa be kanan, amben môt mboo ya été éé dzi ki bo medzian.
b Ébe metum m’ézing, bebyèñ ébe ba top é môt é ndôma dzeba nge ki é ngoan dzeba da ye lukh. Éyong da boban aval té, bebyèñ be ne édzing baa ye ki top môt akal a bele abuiñ bemono, nge ki naa a so é nda bôt é bele akum, ve ba ye ñi top akal a dzing Jehôva.
c Nge wa ning mina môt kaa naa mi ne nlughan, nkighan ya naa wa kanan ye ñe nge ki naa mina lughan da daghe wamièn.
