Wɔ nkurow ahorow bi do no, binom wɔ adwen bi dɛ sɛ obi annwar a, n’enyi renngye wɔ n’abrabɔ mu da. Naaso asɛm no nye dɛ, ɔnnyɛ awarfo nyina mpo na hɔn enyi gye, na sɛ obi yɛ sigyanyi so a, ɔno nnkyerɛ dɛ n’asɛm yɛ awerɛhow. Nokwasɛm nye dɛ, Bible no ka dɛ sigyadzi na awar nyina yɛ akyɛdze a ofi Jehovah hɔ.

1. Sigyadzi no do mfaso no bi nye dɛn?

Bible no ka dɛ: “Obiara a ɔbɔwar no, obesi no yie. Naaso nyia ɔnnwar no, obesi no yie asen nyia ɔawar no.” (1 Corinthfo 7:​32, 33, 38, NWT) Ebɛnadze ntsi na Bible no se sɛ obi yɛ sigyanyi a obesi no yie “asen” obi a ɔawar? Sɛ Christiannyi bi yɛ sigyanyi a, osiandɛ onnyi ɔhokafo biara ntsi, ɔnnhaw noho dɛ ɔdze dza ɔhokafo bi behia no bɛma no. Iyi ma onya ber pii dze yɛ dza ɔpɛ. Dɛ nhwɛdo no, esigyafo binom tum yɛ ndzɛmba pii wɔ Jehovah no som mu; wotum tutu akwan kɔ mbea afofor kɛka asɛmpa no. Dza ɔsen ne nyina no, wotum nya ber pii dze yɛ ndzɛmba a ɔbɔboa hɔn ma wɔaabɛn Jehovah.

2. Sɛ obi war wɔ mbra kwan do a, mfaso a ɔwɔ do no bi nye dɛn?

Dɛ mbrɛ sigyadzi do wɔ mfaso no, dɛmara na awarfo so wɔ hɔn dze. Bible no ka dɛ “beenu ye sen ɔbaako.” (Ɔsɛnkafo 4:9) Christianfo a wɔdze Bible mu afotu yɛ edwuma wɔ hɔn awar mu no na wohu dɛ dɛm asɛm yi yɛ nokwar paa. Awarfo a wɔwar wɔ mbra kwan do no hyɛ bɔ dɛ wɔbɔdɔ hɔnho, wobobu hɔnho, na obiara rinnsi ne nyɛnko famu. Osiandɛ wɔahyɛ hɔnho bɔ ntsi, ɔboa ma hɔn mu biara yɛ dza obotum biara ma hɔn awar no sɔ. Naaso sɛ obi nye obi tse na sɛ wɔnnwaree wɔ mbra kwan do a, obiara botum egya ne nyɛnko hɔ ber a ɔpɛ biara. Afei so, sɛ nyimpa beenu war na sɛ wɔwo mba a, mbofra no nya bambɔ.

3. Jehovah bu awar dɛn?

Aber a Jehovah kaa ɔbarimba na ɔbaa a wodzi kan no bɔɔ mu dɛ awarfo no, ɔkaa dɛ: “Ɔbarimba begya n’egya nye ne na wɔ hɔ, na ɔdze noho akɛfam ne yer ho: na wɔayɛ honankor.” (Genesis 2:​24) Jehovah pɛ dɛ okun na ɔyer dodɔ hɔnho na wɔtsena bɔ mu kesi dɛ wobowu. Jehovah aka dɛ adze kor pɛ na awarfo botum egyina do egyaa awar. Ɔno nye dɛ ɔbaako bɛfa ne nyɛnko ekyir akɛsɛɛ awar. Sɛ asɛm a ɔtse dɛm si a, ɔhokafo a asɛm biara nnyi no ho no wɔ ho kwan dɛ ogyaa awar anaa ɔkɔ do tsena awar no ase. a (Matthew 19:9) Jehovah mmpen awardodow do.​—1 Timothy 3:2.

 PƐNSAPƐNSA MU KƆ EKYIR

5. Sie abotar hwehwɛ ɔhokafo a ɔfata

Gyinae ahorow a ɔsɛ dɛ obi si wɔ asetsena mu no, dza ohia paa no mu kor nye dɛ ɔbɔhwehwɛ obi a ɔbɔwar no. Ma yɛnkenkan Matthew 19:​4-6, 9, na yensusu asɛmbisa yi ho:

• Ebɛnadze ntsi na ɔnnsɛ dɛ Christiannyi bi per noho war?

Bible no botum aboa wo ma eehu obi a obotum ayɛ okun pa anaa ɔyer pa ama wo daakye. Dza ɔkyɛn ne nyina no, ɔsɛ dɛ ehwɛ dɛ nyimpa no dɔ Jehovah anaa. b Ma yɛnkenkan 1 Corinthfo 7:​39 na 2 Corinthfo 6:​14. Yewie a, yebosusu nsɛmbisa yi ho:

• Ebɛnadze ntsi na ɔsɛ dɛ yɛwar obi a ɔyɛ Christiannyi nkotsee?

• Sɛ yɛwar obi a ɔnndɔ Jehovah a, ehwɛ a Jehovah bɛtse nka dɛn wɔ ho?

 6. Dɛ mbrɛ Jehovah hu awar no, woara so hu no dɛmara

Wɔ tsetse Israel no, nna mbarimba binom gyina adze biara do kɛkɛ gyaa hɔn yernom awar. Ma yɛnkenkan Malachi 2:​13, 14, 16, na yensusu asɛmbisa yi ho:

• Sɛ obi gyina adze biara do kɛkɛ gyaa ne yer anaa no kun a, ebɛnadze ntsi na Jehovah mmpɛ?

Ma yɛnhwɛ VIDEO yi, na yensusu asɛmbisa a odzi do no ho.

• Sɛ wo kun anaa wo yer nndɔ Jehovah a, ebɛnadze na ibotum ayɛ ama hom awar no aasɔ?

7. Fa Jehovah ne mbra yɛ edwuma wɔ w’awar mu

 DZA ESUA

Sigyadzi na awar yɛ akyɛdze a ofi Jehovah hɔ. Ntsi, sɛ esigyafo na awarfo nyina dze Jehovah ne mbra bɔ hɔn bra a, hɔn enyi bɛgye na hɔn akoma bɔtɔ hɔn yamu fɔmm.

Mbobɔdo

• Sɛ obi yɛ sigyanyi a, ebɛn ndzɛmba na obotum ayɛ dze akyerɛ dɛ ɔdze ne sigyadzi no ridzi dwuma yie?

• Sɛ yɛpɛ dɛ yɛwar a, ebɛnadze ntsi na Bible no se yɛnwar obi a ɔyɛ Christiannyi nkotsee?

• Kyerɛwnsɛm no ma yehu dɛ adze kor pɛ na obi botum egyina do egyaa awar. Ɔyɛ ebɛnadze?