ODHEAI 42
Ankvarponn Ani Kazara Vixim Bible Kitem Sangta?
Zaitea lokank dista ki tim kazar zalearuch khuxal astolim. Punn ami kazar zalearuch vo ankvar aslearuch khuxal astolim oxem na. Bible sangta ki kazari jivit ani ankvarponn donui Jehova Deva thaun dennim zaun asat.
1. Ankvar aslear kosle faide astat?
Bible sangta: “Zo kazar zata to borem korta, punn zo kazar zaina to chodd borem korta.” (1 Korintkarank 7:32, 33, 38 vachat.) Ankvar munis khoinchea vattamnim “chodd borem” korunk xokta? Kazari zoddpeank astat teo zobabdari ankvar munxank asonant. Tor, tankam chodd svotontrtai asta. Udharonnank, tankam porgottnnechea kamant chodd korunk sondhi asta, zoxem tankam dusrea desant vochon porgottunk melltta. Toxench, Jehova lagim ghott sombond zhoddunk tankam zaito vell melltta.
2. Kaidea pormonnem kazar zatat tankam kosle faide asat?
Ankvar astat tankam faide astat toxech, kazar zatat tankam-i faide astat. Bible sangta, “eklo aslolea poros dog zann aslear odik borem.” (Upodexok 4:9) Kristanvam Bible totvam apnnaun kaidea pormonnem kazar zatat tednam tim khuxal astat. Karonn tim kazar zatat tednam tim eka-mekacho mog kortolim, eka-mekak man ditolim ani eka-mekachi opurbai kortolim mhunn bhas ditat. Dekhun, aplo sangati apleak soddun voitolo mhunn eke bailek vo ghovak bhirant asona. Ani tankam bhurgim aslear tancho-i fuddar boro zata.
3. Kazara vixim Jehova kitem mhunntta?
Jehovan sanglem: “Dadlo aplea avoibapaik soddta ani eke bailek ektthovta.” (Utpoti 2:24) Tor, kazari zoddpeamnim jivitbhor eka-mekacho mog korunk zai ani eka-mekak visvaxi ravonk zai. Konnem-i divors ghetlolo Jehovak avoddna. Punn eklean pordvar kelo zalear, guneanvkari na tea sangatean taka divors diuncho vo na tem tharaunk zata. Dusrea khoincheach karonnak lagon divors a divop chukichem. (Matev 19:9) Ghovak eka poros chodd bailo asop vo bailek eka poros chodd ghov asop hem pasun Jehovak avoddna.—1 Timotak 3:2.
KHOLAIEN XIKAT
Ankvar asum vo kazari asum ami koxim khuxal ravonk xoktat ani Jehovak koxim khuxal korunk xoktat tem polloiat.
4. Ankvar aslear pasun khuxal ravonk zata
Ankvarponn Jehova Deva thaun ek dennem mhunn Jezun sanglem. (Matev 19:11, 12) Matev 4:23 vachun sokol dilʼlea prosnacho zobab zannam zaum-ia.
-
Jezun aplem ankvarponn Jehovachi seva korunk ani dusreank modot korunk koxem uzar kelem?
Ankvar Kristanvamnim pasun Jezuchi dekh gheun Jehovachea sevent chodd vavr korun ani dusreank modot korun khuxal ravonk zata. VIDEO polloun sokol dilʼlea prosnacho zobab zannam zaum-ia.
-
Kristi bhav-bhoinnamnim ankvar astana kitem-kitem korunk zata?
Tumi Zannant?
Umkeach piraier kazar zaunchem oxem Bible khoinch sangona. Punn “tornni pirai zaun” vocho porian ravlear borem zatolem. Karonn, hi pirai soron gelea uprant bore nirnnoi gheunk tumkam modot zatoli.—1 Korintkarank 7:36.
5. Ek sangati vinchun kaddttana chitat
Kazar zaunk ek sangati vinchun kaddcho nirnnoi eka Kristanvachea jivitant khub mhotvacho zaun asa. Matev 19:4-6, 9 vachun sokol dilʼlea prosnacho zobab zannam zaum-ia.
-
Kazar zauncho nirnnoi chintun gheunk zai, to ghoddboddin gheunk zaina. Kiteak?
Ek boro kazari sangati vinchun kaddunk Bible amkam modot korta. Jehovacho mog korta toslo sangati vinchun kaddop khub gorjechem zaun asa. b 1 Korintkarank 7:39 ani 2 Korintkarank 6:14 vachun sokol dilʼlea prosnanche zobab zannam zaum-ia.
-
Jehovacho mog korta toslea munxa lagim kazar zavop kiteak gorjechem?
-
Jehovacho mog korina toslea munxa lagim kazar zalear Jehovak koxem distolem?
Don torechea zonvarank ekach zotak bandlim zalear tankam dogam-kui tras zatole. Tech bhaxen, ek Kristanv Jehovacho mog korina toslea munxa lagim kazar zalear tanchea dongaimchea-i jivitant zaite tras astole
6. Jehova lekhta toxem tumi kazarachem natem lekhtat kai?
Adlea kallar, Israelitkar dadle svarthak lagon aple bailek divors ditale. Malaki 2:13, 14, 16 vachun sokol dilʼlea prosnacho zobab zannam zaum-ia.
-
Pordvar soddun anik khoinchea-i karonnank lagon ghov-bailam aplem kazar moddttat zalear Jehovak tem kiteak avoddna?
Eklean pordvar kelo vo aplea kazari sangateak divors dilo zalear tachea kazari sangateak ani toxench tanchea bhurgeank khub tras sosunk poddttat
VIDEO polloun sokol dilʼlea prosnacho zobab zannam zaum-ia.
-
Tumcho ghov vo bail Jehovachi seva korina zalear pasun tumi tumchem kazari jivit koxem khuxal korunk zata?
7. Kazara vixim Jehovache dorje pallat
Eka munxak kazara vixim Jehovache dorje pallunk ghoddie sompem zaunchemna. c Punn to Jehovache dorje pallunk vavurta tednam Jehova tacher besanv ghaltolo. VIDEO polloum-ia.
Hebrevank 13:4 vachun sokol dilʼlea prosnacho zobab zannam zaum-ia.
-
Kazara vixim Jehovan dilʼle dorje pallunk tumkam kotthin oxem dista kai? Kiteak?
Jehova Devak zai ki kazar zaunk sodhtat tannim kaidea pormonnem kazar zaunchem ani konnui divors gheunk tharaita zalear tannim to kaidea pormonnem gheuncho. Oxem kelʼlean, tim sorkarache-i kaide pallttolim. Titak 3:1 vachun sokol dilʼlea prosnacho zobab zannam zaum-ia.
-
Tumi kazari asat zalear tumi sorkari kaidea pormonnem kazar zaleant kai?
THODDIM VICHARIT: “Kazar zainastana sangata ravlear kitem zata?”
-
Tumi tankam kitem sangtolim?
KITEM XIKLIM
Kazari jivit ani ankvarponn Jehova Deva thaun dennim zaun asat. Ami ankvar asum vo kazari asum ami Jehova Devache dorje pallttat tednam khuxal astolim.
Porot Ugddas Korum-ia
-
Ankvar astat tim kitem-kitem korunk xoktat?
-
Jehovacho mog korta teach munxa lagim kazar zaunchem mhunn Bible kiteak sangta?
-
Bible-a pormonnem divors diunk ekuch karonn khoinchem?
ANIK SODHAT
“Fokot Somiant aslolea lagim” kazar zavop mhunnttlear kitem?
Boro sangati koso vinchun kaddunk zata ani kazara vixim bore nirnnoi koxe gheunk zatat hem zannam zaunk don lhan video polloiat.
Apnnem soddlam tachea poros Jehovan apleak dilam tem chodd moladik oxem eka bhavak kiteak dista tem zannam zaiat.
Divors gheunchea poilim vo aplea kazari sangatea thaun kuxin ravcho nirnnoi gheunchea poilim eka munxan kitem ugddas dovrunk zai?
“Devan Zoddlam Taka Man Diat” (The Watchtower, December 2018)
a Kazari sangateam thaun kuxin ravchea vixim Chodd Mahiti 4 polloiat.
b Thoddea zageancher, avoi-bapui aplea putak vo dhuvek kazar korunk ek cheddo vo cheddum sodhtat. Oslea vellar, tanchea lagim kitle poixe asat vo tim kitlim famad asat tem pollounchea bodlek, to vo tem Jehovacho mog korta vo na tacher dhean diunk zai.
c Tumi kazar zainastana konnachea-i sangata ravtat zalear, taka soddcho vo tachea lagim kazar zaunchem ho nirnnoi tumcho zaun asa.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
