EISOMO LYA 42
Ebibulia Negambaki Ekikwete aha Buseja n’Obushwere?
Abantu abetamaduni ezindi, nibesiga nk’okwo omuntu tabasa kugira byera katashumikire bushwere. Kyonkai, tibantu bona abashumikire obushwere abaina ebyera nakandi tibaseja bona abataina byera. Ebibulia negamba nk’okwo obuseja n’obushwere gabo nungi kuruga ahali Yehova.
1. Okuba museja kwina magobaki?
Ebibulia negamba eti: “Wena wena ashumikire obushwere nakorage, natakashumikire bushwere nakorage muno.” (Shoma 1 Abakorinto 7:32, 33, 38, NWT) Nimuli ngeliki omuseja ‘nabasa kukorage muno’? Abakirisito abakyali baseja tibakagizire buragirwa bwakutunza mukazi anga mushaija. Kityo, baina obwegerere bungi. Obulebero nibwobu, omulyabo nibabasa kwongera obukozi bwabo omu kufurukira omwihanga elindi kugya kurangilira amakuru garungi. Ekintu ekili ky’omugasho muno, nibabasa kukozesa akanya kabo akali kangi muno kwilira hai ahali Yehova.
2. Aliho magobaki ag’okushumika obushwere omu kuhondera amateka?
Nk’okwo kili aha buseja, kwakwo n’obushwere bwina amagoba. Ebibulia negamba nk’okwo “ababili nibakira omoi.” (Omwegesa 4:9) Ago nigo mazima omba Kirisito abali kuhondera ekanuni z’Ebibulia omu bushwere bwabo. Abakirisito abashumikire obushwere omu kuhondera amateka nibaragana nk’okwo nibaija kugonzangana, kukunirangana, n’okutunzangana. Kityo nibehulira baina emilembe nyingi, kushaaga omushaija n’omukazi abalikwikara hamoi batashumikire bushwere. Nakandi okushumika obushwere nikutekateka omwanya gurungi ogw’okulera abaana.
3. Yehova aina bitekelezoki ebikwete aha bushwere?
Yehova orwo yabandisize obushwere bwambere akagamba ati: “Aha rw’ekyo omushaija arasigahoga ishe na nyina ajwangane na mukaziwe.” (Embandizo 2:24) Yehova nagonza omushaija n’omukazi bagonzangane kandi bature hamoi omu mikalire yabo yona. Yehova najubura etalaka k’omushaija anga omukazi yakukora obusiyani. Omu hali nk’egyo, Yehova talikutanga munyabushwere ataina ntambara orwo alikuramura kuhiga etalaka. * (Matayo 19:9) Yehova natanga Abakirisito kushwera abakazi bangi.—1 Timoteo 3:2.
MANYURUZA
Yega omanye okwo wakubasa kugira ebyera n’okushemeleza Yehova, obe oli museja anga oshumikire obushwere.
4. Kozesa kurungi egabo y’obuseja
Yesu akabona obuseja kuba gabo nungi. (Matayo 19:11, 12) Shoma Matayo 4:23, mushube mufumoreho ekibazo eki:
-
Yesu akakozesa atai egabo y’obuseja kukolera ishe n’okujuna abandi?
Nka Yesu, Abakirisito nibabasa kushemelerwa egabo y’obuseja. Yolekya EVIDEO, mushube mufumoreho ekibazo ekili kuhonderaho.
-
Abakirisito nibabasa kukozesa batai egabo y’obuseja omu ngeli erabaha amagoba?
Isi, nomanya?
Ebibulia telikugambaho myaka yakushumika bushwere. Kyonkai, netamu omwoyo abasigazi n’abaisiki balinde kugoba orwo ‘bararuga omu ‘myaka y’obusigazi,’ orwo orwoyoyo rw’okukora engono rulikuba ruli rungi orwakukora omusigazi anga omwisiki agumirwe kukora oburamuzi obuli burungi.—1 Abakorinto 7:36.
5. Kozesa obumanyi kuronka ow’orashumika nawe obushwere
Kuronka ow’orashumika nawe obushwere buramuzi bumoiho obuli bw’omugasho muno obwo wakubasa kukora. Shoma Matayo 19:4-6, 9, mushube mufumoreho ekibazo eki:
-
Kubaki omu Kirisito nayetaga kutekeleza kurungi atakakozire buramuzi bwa kushumika bushwere?
Ebibulia nebasa kukujuna kushobokerwa engesho z’omuntu alikugasha kushumika nawe obushwere. Ekintu ekili ky’omugasho muno, ronka alikugonza Yehova. * Shoma 1 Abakorinto 7:39 na 2 Abakorinto 6:14. Mushube mufumoreho ebibazo ebi:
-
Kubaki omu Kirisito nayetagwa kushumika obushwere n’omu Kirisito mutahiwe?
-
Notekeleza Yehova arayehulira atai katuraramura kushumika obushwere n’omuntu atali kumugonza?
Ebitunganwa bibili ebitali kwigana mani orwo bilikukomwa akomo (nira) emoi nibihutara. Kwakwo, n’omu Kirisito alikushumika obushwere n’omuntu atalikwesiga aragwebwaho ebyemba bingi
6. Ogire ebitekelezo nk’ebya Yehova ebikwete aha bushwere
Omuli Isiraeli eyakara, abashaija abandi bakaba nibaha abakazi babo etalaka aha rw’enshonga y’okweyenda. Shoma Malaki 2:13, 14, 16, mushube mufumoreho ekibazo eki:
-
Kubaki Yehova natamwa abanyabushwere abali kurekerangana aha rw’enshonga ezitali kugambwa omu mahandiko?
Obusiyani anga etalaka nibireta obushasi bungi aha mushaija anga amukazi ataina ntambara hamoi n’abaana
Yolekya EVIDEO, mushube mufumoreho ekibazo ekili kuhonderaho.
-
Koraba oshumikire obushwere n’omuntu atali kwesiga, noyetaga kukoraki obase kugira obushwere obwina ebyera?
7. Ondera amateka ga Yehova agakwete aha bushwere
Rundi omuntu yakwetaga kutaho ekihika kingi abase kuhondera amateka ga Yehova agakwete aha bushwere. * Ijuka nk’okwo Yehova naha emigisha abali kukora batyo. Yolekya EVIDEO.
Shoma Abaheburania 13:4, mushube mufumoreho ebibazo ebi:
-
Isi, notekeleza amateka ga Yehova agakwete aha bushwere nigagasha? Isi kubaki?
Yehova nategeleza Abakirisito bahondere amateka orwo balikuhadikisa obushwere anga orwo balikuhiga etalaka, aha rw’okuba omu mahanga gangi ago mateka agatairweho serikali. Shoma Tito 3:1, mushube mufumoreho ekibazo eki:
-
Koraba oshumikire obushwere, isi, oyekomeleize nk’okwo obushwere bwanyu buhandikisibwe omu kuhondera amateka ga serikali?
RUNDI OMUNTU YAKUKUBAZA ATI: “Kubaki oshumike obushwere? Omushaija n’omukazi nibabasa kutura hamoi batashumikire bushwere.”
-
Iwe oina bitekelezoki?
OMUBIGUFI
Obuseja n’obushwere gabo kuruga ahali Yehova. Abaseja, n’abantu abashumikire obushwere nibabasa kugira ebyera n’okusanirwa omu mikalire yabo kabaratura omu kuhondera amateka ga Yehova.
Isi ebi wakubihorora otai?
-
Omuntu nabasa atai kukozesa kurungi obusejabwe?
-
Kubaki Ebibulia negamba nk’okwo omu Kirisito nayetagwa kushumika obushwere n’omu Kirisito mutahiwe?
-
Nimusingiki ogw’amahandiko ogukwete atalaka?
ENJUZA MUNO
Okushwera anga okushwerwa “omu Bakirisito batahi bawe” nkumanyisaki?
“Ebibazo Kuruga omu Bali kushoma” (Mnara wa Mlinzi, Omwezi gwa Mushanju 1, 2004)
Leba evideo ibili ezili zigufi ezakubasa kukujuna orw’olikukora oburamuzi obuli burungi orw’olikushelera anga kushumika obushwere.
Yega omanye kubaki murumuna waitu omoi yayehulire nk’okwo ekintu ekyo Yehova amuhaire kina eiguzi kushaaga ebintu byona ebyo yasigireho.
Nibintuki eby’omuntu alikwetaga kutekeleza atakakozire buramuzi bwa kwangana anga kuhiga etalaka?
“Okunire ‘Kilinya Ekyo Katonda Ajwanganisize’” (Mnara wa Mlinzi, Omwezi gwa Ikumi n’Eibili 2018)
^ Leba Ebishoborozo ebyongeirweho 4 ebikwete aha kwangana kataliho ntambara ya busiyani.
^ Omutamaduni ezindi, abazaire nibo balikuramulira mutabani wabo anga mwahara wabo omuntu owo arashumika nawe obushwere. Omu hali nk’ezo, abazaire abaina engonzi nibahenjuza nk’omuntu ogwo nagonza Yehova, omu butaleba itunga lyainalyo, anga okwo abantu balikumubona.
^ Koraba notura n’omuntu ow’otakashumikire nawe bushwere, nobasa kuramura kumulekera anga oshumike nawe obushwere.
