Ẽmã ũn ag ki, ũn ag vỹ ãkrén tĩ, ag tỹ vẽnh prũg ke nỹtĩ, ag tỹ mỹ sigsér nỹtĩ jé. Hã ra ũn tỹ kafãn fi nĩn kỹ kar ũn fi tỹ kafãn nĩn kỹ, ke tũ nĩn kỹ ũn tỹ kafãn fi tũ nĩn kỹ, kar ũn fi tỹ kafãn tũ nĩn kỹ, kejẽn fag pi mỹ há nỹtĩ. Ã tỹ ũn fi tỹ prũg kỹ, kar ã tỹ ũn tỹ mén kỹ, ke tũ nĩn kỹ vaꞌ, tag tỹ tỹ Jeová tỹ nén ũ há tãvĩ ẽg mỹ nĩm ja ag nỹtĩ.

1. Ũn tỹ kafãn fi tũ nĩn kỹ kar ũn fi tỹ kafãn tũ nĩn kỹ, tag ne tugnĩn fag mỹ há nĩ?

Topẽ Vĩ Rá vỹ tó: “Ti tỹ fi mén kỹ tóg há nĩ, ti kósin mén ja tũ fi. Ti tỹ fi mén tũ nĩn kỹ tóg há kãfór nĩ.” (1 Corinto 7:32, 33, 38 le kem nĩ.) Tag hã ren kỹ ‘tóg há kãfór nĩ’? Tag pi krĩ kufy nỹtĩ, ũn mén ke tũ nĩn kỹ ũn prũg fi ki rĩr jé. Gen kỹ, fag tỹ tempo kãfór nỹtĩ. Fag tỹ Topẽ vĩ to kãmén jé, kejẽn fag tỹ país ũ tá ra mũ mũ, fag tỹ Topẽ vĩ to kãmén kãfór jé. Kar, fag tỹ tempo usa ke tĩ, fag tỹ Jeová mré há kãfór nỹtĩ jé.

2. Ũn ti kar ũn fi vỹ popé tỹ civil han kỹ, tag ne tugnĩn fag mỹ há han tĩ?

Ũn tỹ kafãn nĩn kỹ, ke tũ nĩn kỹ ũn tỹ pir mỹ nĩn kỹ, tag vỹ tỹ nén ũ há tãvĩ nĩ. Topẽ Vĩ Rá vỹ tó “ũn régre ag tỹ jagnẽ mré rãnhrãj mũn kỹ tóg há nĩ.” (Eclesiastes 4:9) Tag vỹ hã ri ke tĩ, ũn fag tỹ Topẽ vẽnh jyvẽn ag ũn fi mén kar ũn ti prũ fi to vĩ ki króm tĩ. Ũn ti kar ũn fi vỹ popé tỹ civil han kỹ, fag tỹ jagnẽ mré vãmén tĩ: ‘Isỹ ã to há nĩ, isỹ ã vĩ mẽ há han ke mũ, kar isỹ ã ki rĩr mũ gé’. Fag vỹ popé tỹ civil han kỹ, fag tỹ ki kanhró tĩ, fag pi jagnẽ fón ke mũ. Kar sir, fag vỹ fag krẽ ki rĩr há han ke mũ gé.

3. Jeová ne ãkrén tĩ, vẽnh prũg to?

Jeová tỹ Adão mỹ Eva fi nĩm kỹ, ti tỹ prũ jé, ti vỹ tó ja: “hã kỹ ũn gré tóg ti jóg ré kỹ tĩg ke mũ, ti jỹ fi ré kỹ, fi mré nĩ jé.” (Gênesis 2:24) Ũn fag tỹ rĩnrĩr nỹtĩ ra, Jeová vỹ fag tỹ jagnẽ to há mũ ve sór tĩ. Ti tỹ ti prũ tũ fi mré nỹ kỹ, ke tũ nĩn kỹ fi tỹ fi mén tũ mré nỹ kỹ, gen kỹ tag tãvĩn tugnĩn jagnẽ vẽnh kãpãm há ke mũ, ke tũ nĩ mũ ra Jeová pi fag mỹ: hej kenh ke mũ. (Mateus 19:9) Tag tỹ hã ri ken kỹ, Jeová vỹ ẽg mỹ kãmén tĩ, ũn fi tỹ fi mén tỹ ũn prũ tũ mré nỹ mũ, ke tũ nĩn kỹ ũn tỹ ti prũ fi tỹ ũn mén tũ mré nỹ mũ, ag tỹ kuprẽg ke mũ, fag tỹ ti prũ fi fón ke mũ kar fi mén fón ke mũ, ke tũ nĩn kỹ vaꞌ. a (Ha vé vẽnh rá sĩ ti.) Ũn tỹ ti prũg tũ mré nỹ kỹ, kar ũn fi mén tũ mré nỹ kỹ, tag vỹ nén ũ kórég nĩ, Jeová mỹ. Ũn tỹ prũg e nĩn kỹ kar ũn fi tỹ mén e nĩn kỹ, tag tỹ tỹ nén ũ kórég nĩ gé, Topẽ mỹ. — 1 Timóteo 3:2.

 VẼNH KANHRÃN KÃFÓR NĨ

5. Ũn há kuprẽg nĩ, ã tỹ vẽnh prũg jé

Ũn tỹ ũn tỹtá kuprẽg kỹ ti tỹ prũg jé, ke tũ nĩn kỹ ũn fi tỹ ũn kuprẽg kỹ fi tỹ mén jé, tag vỹ tỹ nén ũ há tãvĩ nĩ. Mateus 19:4-6, 9 le kem nĩ. Kar jagnẽ mré vãmén nĩ, tag to:

• Ũn Cristo mré ke ne tugnĩn to jykrén há ke nĩ, ti tỹ vẽnh prũg to fũrũn han tũ nĩ jé?

Topẽ Vĩ Rá vỹ ã ajũna ke tĩ, ã tỹ vẽnh prũg sór kỹ, ã tỹ nén ũ há ag tỹ ne venh ke nĩ ti. Ha rã, ũn tỹ Jeová to há nĩn kỹ, tag vỹ tỹ nén ũ há kãfór nĩ. b (Ha vé vẽnh rá sĩ ti.) 1 Corinto 7:39 kar 2 Corinto 6:14. Kar jagnẽ mré vãmén nĩ, nén ũ tag ag to:

• Ẽg ne tugnĩn Jeová Kãmén Fã ũ vẽnh prũg ke nỹtĩ?

• Ã hã mỹ, Jeová ne ãkrén ke mũ vẽ, ẽg tỹ ũn pi tỹ Jeová kãmén Fã vẽnh prũg kỹ?

 6. Jeová jykre vẽnh prũg to kãgran nĩ

Vãsỹ, Topẽ povo kãmĩ, ũn ag vỹ ag prũ fi fón tĩ vã, véké nỹ. Malaquias 2:13, 14, 16 le kem nĩ. Kar jagnẽ mré vãmén nĩ, tag to:

• Ũn tỹ véké tĩ, ti prũ fi fón kỹ ke tũ nĩn kỹ fi mén fón kỹ, Jeová vỹ tag to kry tĩ. Mỹ ne tugnĩn?

Ha vé VÍDEO ti. Kar jagnẽ mré vãmén nĩ, tag to:

• Ã prũ fi ke tũ nĩn kỹ ã mén tỹ Jeová ki rã tũ nĩn kỹ, ã ne han ke nĩ, ãjag tỹ mỹ sigsér nỹtĩnh jé?

7. Jeová vẽnh jyvẽn ag vẽnh prũg to, ki króm nĩ

 Ã NE KANHRÃN JA TI

à tỹ ũn fi tỹ prũg kỹ, kar ã tỹ ũn tỹ mén kỹ ke tũ nĩn kỹ vaꞌ, tag tỹ tỹ Topẽ tỹ nén ũ há tãvĩ ẽg mỹ nĩm ja ag nỹtĩ. Ag tỹ mỹ sigsér nỹtĩnh ke mũ, ag tỹ Jeová vĩ ki króm kỹ.

Jykrinkrén mũ

• Ũn tỹ kafãn fi tũ nĩn kỹ, ke tũ nĩn kỹ, ũn fi tỹ kafãn tũ nĩn kỹ, fag hã ren kỹ Jeová mỹ rãnhrãj kãfór ke mũ?

• Ẽg ne tugnĩn Jeová Kãmén Fã ũ vẽnh prũg ke nỹtĩ?

• Jeová hã mỹ, nén ũ tãvĩn tugnĩn tỹ ne fag jagnẽ vẽnh kãpãm há ke mũ?