LYNNONG 42
Ka Baibl ka Ong Kumno Shaphang ka Jingshongkurim bad ka Jingshong Samla?
Don ki dustur kiba ngeit ba u briew un ym kmen lymda u shongkurim. Hynrei, ym baroh kiba shongkurim ki kmen bad ym baroh kiba shong samla kim kmen. Ka Baibl ka ong ba ka jingshongkurim bad ka jingshong samla, baroh ar, ki long ka jingai sngewbha na U Blei.
1. Kiei ki jingmyntoi haba shong samla?
Ka Baibl ka ong: “U briew uba shongkurim u leh ïa kaba dei, hynrei uta u bym shongkurim u leh ïa kaba kham bha.” (Pule 1 Korinth 7:32, 33, 38, CL Baibl.) Ha kano ka rukom u briew uba shong samla u lah ban leh “kham bha”? Ki bym shongkurim kim donkam ban phikir ïa la ki kurim. Kumta, ki kham laitluid. Kum ka nuksa, ki lah ban leit ïalap sha kiwei pat ki jaka. Nalorkata, ki kham don por ban pynkhlaiñ ïa ka jingïadei jong ki bad U Jehobah.
2. Kiei ki jingmyntoi haba ïathoh shongkurim katkum ka aiñ?
Kum kiba shong samla, kiba shongkurim ruh ki don la ka jong ka jingmyntoi. Ka Baibl ka ong, “lah kaba arngut ban ïa kaba wei briew.” (Ekklesiastis 4:9) Kane ka dei shisha ïa kito ki Khristan kiba la shongkurim kiba pyndonkam ïa ka nongrim jong ka Baibl ha ka jingim jong ki. Ki shikurim kiba ïathoh katkum ka aiñ ki kular bad aiti ïalade ban ieid, ban burom bad ban phikir iwei ïa iwei. Na kata ka daw, ma ki bad ki khun jong ki ruh ki sngew shngaiñ ban ïa kito kiba shu ïa sah lang khlem da ïathoh.
3. U Jehobah u ong kumno shaphang ka jingshongkurim?
Haba U Jehobah u la seng ïa ka jingshongkurim kaba nyngkong, u la ong: “U briew un iehnoh ïa la u kpa bad ïa la ka kmie, bad un ïaineh bad la ka tnga.” (Jenesis 2:24) U Jehobah u kwah ba ki shikurim kin ïa ieid bad ïaineh shi-rta. U shah ba kin ïapyllait tnga tang lada iwei na ki i klim. Bad u ailad ïa ito iba shah klim ban rai la i kwah ne em ban ïalait. a (Mathaïos 19:9) U Jehobah um pdiang ïa ka jingïoh lok palat ïa iwei.—1 Timothi 3:2.
WAD SHUH SHUH
Peit kumno phi lah ban long kiba kmen bad ban pynkmen ïa U Jehobah la phi shong samla ne shongkurim.
4. Pyndonkam bha ïa la ka jingshong samla
U Jisu u peit ïa ka jingshong samla kum ka jingaiei. (Mathaïos 19:11, 12) Pule Mathaïos 4:23, bad nangta sa ïa peit lang ïa kane ka jingkylli harum:
-
Kumno u Jisu u la pyndonkam bha ïa la ka jingshong samla ban shakri ïa la u Kpa bad ban ïarap ïa kiwei?
Ki Khristan ki lah ban leh kmen da kaba pyndonkam bha ïa la ka jingshong samla kumba u Jisu u la leh. Peit ïa ka VIDEO, bad nangta sa ïa peit lang ïa kane ka jingkylli harum:
-
Ha kano ka rukom ki Khristan ki lah ban pyndonkam bha ïa la ka jingshong samla kaban myntoi ïa ki bad ïa kiwei?
Hato phi tip?
Ka Baibl ka khlem ong ha ka rta kaba katno ngi lah ban shongkurim. Hynrei ka pynshlur ïa ki samla ban ap haduh ba kin da lait ka “aïom khynraw,” ka por ha kaba ka jingkwah brai jong ka doh ka khlaiñ bha, kaba lah ban ïalam bakla ïa u briew .—1 Korinth 7:36.
5. Jied bha badno phin shongkurim
Ban jied badno phin shongkurim ka dei kawei na ki rai bakongsan bha ba phi hap ban shim. Pule Mathaïos 19:4-6, 9, bad sa ïa peit lang ïa kane ka jingkylli harum:
-
Balei u Khristan um dei ban kyrkieh ban ïathoh shongkurim?
Ka Baibl ka lah ban ïarap ïa phi ban jied bha ïa la i kurim. Kaba kongsan tam ka dei ban jied ïa ita iba ieid ïa U Jehobah. b Pule 1 Korinth 7:39 bad 2 Korinth 6:14. Nangta sa ïa peit lang ïa kine ki jingkylli harum:
-
Balei ki Khristan ki dei ban ïathoh tang bad kito kito kiba shakri ïa U Jehobah?
-
Kumno phi tharai U Jehobah un sngew lada phi jied ban ïathoh bad kito kibym ieid ïa U?
Lada tehlang ïa ar tylli ki mrad kiba ïa pher bha iwei na iwei, kin jynjar. Ha kajuh ka rukom, ki shakri U Jehobah kiba shongkurim bad kito kibym shakri ïa u kin mad shibun ki jingeh.
6. Burom ïa ka jingshongkurim kumba leh U Jehobah
Ha ka por jong ki nong Israel mynshuwa, don ki shynrang kiba ïapyllait tnga tang namar ka jingmyntoi shimet. Pule Malakhi 2:13, 14, 16, bad nangta sa ïa peit lang ïa kane ka jingkylli harum:
-
Balei U Jehobah u isih ïa ka jingïapyllait tnga lait na ka daw jong ka jingklim?
Ka jingklim bad ka jingpyllait tnga ka pynmong ïa i kurim iba khlem klim bad ïa ki khun.
Peit ïa ka VIDEO,bad nangta sa ïa peit lang ïa kane ka jingkylli harum:
-
Lada i kurim jong phi im shakri ïa U Jehobah, kaei kaba phi lah ban leh khnang ba ka jingshongkurim jong phi kan long kaba suk ba kmen?
7. Pyndonkam ïa ki jinghikai jong U Jehobah ha ka jingshongkurim
Ki shikurim ki dei ban trei shitom ban pyndonkam ïa ki jinghikai U Jehobah ha ka jingshongkurim jong ki. c Bad U Jehobah u kyrkhu ïa kum kita. Peit ïa ka VIDEO.
Pule Hebru 13:4, bad nangta sa ïa peit lang ïa kine ki jingkylli harum:
-
Hato phi tharai ba ki jinghikai jong U Jehobah shaphang ka jingshongkurim ka long kaba eh ban bud? Balei?
U Jehobah u khmih lynti ïa ki Khristan ban ïathoh shongkurim ne pyllait tnga katkum ka aiñ, namar ha bun ki ri, la peit bad pynïaid ïa kine da ka sorkar. Pule Titos 3:1, bad nangta sa ïa peit lang ïa kane ka jingkylli harum:
-
Lada phi la dep ïathoh shongkurim, hato phi sngew thikna ba ka jingshongkurim jong phi ka dei kaba katkum ka aiñ, kaba la ithuh da ka sorkar?
DON KIBA LAH BAN KYLLI: “Balei hap ban da ïathoh? Tangba ïa ieid ka la biang.”
-
Kumno phin jubab?
KI MAT BAKONGSAN
Ka jingshongkurim bad ka jingshong samla ki long ka jingai sngewbha na U Jehobah. Baroh ar ki lah ban wanrah jingkmen bad jinghun lada ngi leh katkum ka mon U Jehobah.
Peit Biang
-
Kumno u ne ka briew ki lah ban pyndonkam bha ïa la ka por haba ki shong samla?
-
Balei ka Baibl ka bthah ban shongkurim tang bad kito kiba shakri ïa U Jehobah?
-
Tang na kaei ka daw ba ka Baibl ka shah ban ïapyllait tnga?
PULE SHUH SHUH
Ka mut aïu ban ïathoh “tang ha U Trai”?
“Ki Jingkylli na ki Nongpule” (Ka Kutphira, Naitung 1, 2004, Phareng)
Peit lai tylli ki video kiba lah ban ïarap ïa phi ban shim ki rai kiba dei shaphang ka jingïalang samla bad ka jingshongkurim.
Ka Jingpynkhreh na ka bynta ka Jingshongkurim (Phareng) (17:05)
Peit balei iwei i parabangeit shynrang i sngew ba kaei kaba U Jehobah u la ai ha i ka kham kordor ban ïa kaei kaba i la iehnoh.
Nga la Khmih Lynti ba in Pdiang ïa ka Jingshisha (Phareng) (1:56)
Kiei ki katto katne kiei kiei ba u ne ka briew ki dei ban pyrkhat bha shuwa ban ïapyllait tnga ne ïashong khlad?
“Burom ïa Kaei kaba U Blei u la Pynïasoh’” (Ka Kutphira, Nohprah 2018, Phareng)
b Don ki dustur ha kaba ki kmie ki kpa ki pynjied kurim ïa la ki khun. Lada ki leh kumta, kim dei ban peit ïa ka spah ka phew ne ïa ka kyrdan ha ka imlang sahlang, hynrei ki dei ban peit la ki ieid ne em ïa U Jehobah.
c Lada phi sah lang badno badno khlem da ïathoh, ka shong ha phi la phi rai ban iehnoh ne ban ïathoh.
