42-ҶІ УРОК
Хоныхта паза чалғысхан чуртаанынаңар Библияда ниме чоохталча?
Пірее чоннарда хоных хонмаан кізі часкалығ пол полбас тіп саналча. Хоных хонған кізілер дее прайлары часкалығ ниместер. Хоных хонмаан даа кізілернің аразында часкалығ кізілер пар. Библияда, тізең, хоных хонғаны даа, хоных хонмааны даа Худай пирген сыйых тіп чоохталча.
1. Хоных хонмин чуртааны нименең чахсы?
Библияда Наа Тилекей тілбестеенде чоохталча: «Хоных хончатхан кізі чахсы итче, че хоных хонминчатхан кізі аннаң артых итче». (1 Коринфтегілерге 7:32, 33, 38 хығырыбызыңар.) Ноға хоных хонмаан кізі артых итче? Андағ кізее хоных хонған кізізінеңер сағыссырирға кирек чоғыл. Аннаңар ол пос арах полча. Кӧзідімге, пасха хазназар Худай сӧзін искірерге парыбызарға. Паза андағ кізінің Иегованаң палғалызын тыыдарға тузы кӧп арах полча. Анзы иң аарлығ.
2. Закон хоостыра хоных хонғаны нименең чахсы?
Хоных хонғанының чахсы сарилары парох. Библияда чоохталча: «Чалғысхан полғанҷа, ікӧлең полғаны артых» (Экклезиаст 4:9). Пу сӧстер Библия принциптері хоостыра чуртапчатхан ирепчілерге уламох килісчелер. Закон хоостыра хоных хончатхан кізілер хынызарға, улуғлазарға паза хайраллазарға сӧс пирчелер. Закон хоостыра хоных хонғаны олаңай ла хада чуртаанының хыринда арачыланыс пирче. Андағ хоных ол сӧбіредегі дее палаларны арачылапча.
3. Хоныхха Иегова хайди кӧрче?
Иегова, пастағы хоныхты тӧстеенде, піди теен: «Ирен, іҷе-пабазын артыс салып, ипчізінең пірік парар» (Бытие 2:24). Иегова ирепчілер удур-тӧдір хыныссыннар паза хада чуртас тооза чуртазыннар тіп хынған. Ирепчілернің піреезі киртістіг халбаза ла, Иегова чарылызарға чаратча. Пырозы чох сарина чарылызарға алай чарылыспасха пӧгін аларға право пирче (Матфей 19:9) a. Иегова христианнарға пір ле ирліг паза пір ле ипчіліг поларға чаратча (1 Тимофейге 3:2).
ТИРЕҢ АРАХ ХАС КӦРІҢЕР
Піліп алыңар: хоных хонған даа, хонмаан даа кізее хайди часкалығ поларға паза олох туста Иегованы ачырғандырбасха.
4. Хоных хонмин чуртаанын аарлыға санаңар
Иисус хоных хонмин чуртаанын сыйыхха санаан (Матфей 19:11, 12). Матфей 4:23 хығырып алып, ӱзӱрібізіңер:
-
Хоных хонмин чуртааны Иисусха Пабазына нымысчыланарға паза кізілерге полызарға хайдағ оңдайлар асхан?
Хоных хонмаан христианнар, Иисусха кӧӧкселер, ӧрініс ал поларлар. ВИДЕО кӧріп алып, ӱзӱрібізіңер:
-
Хоных хонмаан христианнарға нымысчыланыста хайдағ ізіктер азылчалар?
Пілчезер бе?
Нинҷе частығда хоных хонарға чарирын Библия чоохтабинча. Че пызығ частарға читкенҷе, хоных хонмасха чӧп пирче. Ол тусха читіре кізінің сексуальнай хынығыстары уғаа кӱстіг полча паза ол хынығыстар хыйға пӧгіннер аларға харығ полчалар (1 Коринфтегілерге 7:36).
5. Кемнең хоных хонарға чахсы сағынып алыңар
Кемнең хоных хонарға — иң аарлығ пӧгіннернің пірсі. Матфей 19:4—6, 9 хығырып алып, ӱзӱрібізіңер:
-
Ноға хоных хонарға маңзырирға кирек чоғыл?
Библия, хоных хонарға кізіні таллапчатса, нимее хайығ саларға кирек полчатханын кӧзітче. Иң пурнада ол кізі Иеговаа хынарға кирек b. 1 Коринфтегілерге 7:39 паза 2 Коринфтегілерге 6:14 хығырып алып, ӱзӱрібізіңер:
-
Ноға хоных хонар кізіні Иегованың нымысчыларының на аразында тілирге кирек?
-
Хайди сағынчазар, Иеговаа хынминчатхан кізінең хоных хон салзар, Иегованың чӱреенде ниме полар?
Ікі пасха малны хада кӧл салза, оларның хайзы даа ирееленер. Ідӧк христианин Иеговаа хынминчатхан кізінең хоных хон салза, кӧп сидіктерге урунар
6. Хоныхха, Иегова чіли, кӧріңер
Пурунғы Израильде иреннер ипчілерінең полар-полбас нименің ӱчӱн чарылысчаңнар. Малахия 2:13, 14, 16 хығырып алып, ӱзӱрібізіңер:
-
Ноға Иегова библейскай сылтағ чох чарылысханын хырт кӧрче?
Киртістіг полбааны паза чарылысханы пырозы чох ирінің алай ипчізінің паза палаларының чӱректерін ағыртча
ВИДЕО кӧріп алып, ӱзӱрібізіңер:
-
Хоных хонған кізің Худайға, син чіли, киртінминчетсе, хонығың часкалығ ползын тіп, ниме ит поларзың?
7. Иегованың нормаларынҷа чуртаңар
Иегованың хоныхха пирген нормаларынҷа чуртир ӱчӱн, піреезіне кӧп кӱс саларға кирек c. Иегова андағ кӱс салғанын хаҷан даа алғастапча. ВИДЕО кӧріп алыңар.
Еврейлерге 13:4 хығырып алып, ӱзӱрібізіңер:
-
Хайди сағынчазар, Иегованың хоныхха пирген нормаларынҷа чуртирға сидік пе? Чарыда чоохтап пиріңер.
Иегова христианнарны, хоных хончатсалар алай чарылысчатсалар, олар чуртапчатхан хазнаның законнары хоостыра тудынзыннар тіп хынча. Титке 3:1 хығырып алып, ӱзӱрібізіңер:
-
Сірернің хонығыңар хазна законы хоостыра турғызылған ма?
КЕМ-ДЕ СУРАР, АРСА: «Ноға хоных хонарға кирек? Хоных хонмин даа хада чуртирға чарабас па?»
-
Пу сурығларға хайди нандырарҷыхсар?
ӦӦН САҒЫС
Хоныхта даа, хоных хонмин даа чуртааны — Иегованың сыйии. Иегованың нормаларынҷа чуртап, хоных хонған даа кізі, хоных хонмаан даа кізі часкалығ паза хынығ чуртас чуртап полар.
Сағысха хатап кир кӧреелер
-
Хаҷан хоных хонмааны сыйых полар?
-
Ноға Библия Иеговаа нымысчыланчатхан кізінең не хоных хонарға чоохтапча?
-
Библия хоостыра, чарылызарға хайдағ пір ле сылтағ пар?
ХОЗА ІСТЕЗІҢЕР
«Хан-пигдегі кізінең» хоных хонғаны нимедір ол?
«Хығырығҷыларның сурығлары» («Сторожевой башня», 1 от айы, 2004 чыл)
Пу ікі видеоролик сірерге хоных хонарынаңар паза аның алнында таныс чӧрерінеңер чахсы пӧгіннер аларға полыс пирер.
Пу видеороликте харындас тайығларға парған ӱчӱн хайди Иегова аны алғастааннаңар чоохталча.
Чарылызарға алай оонаң чуртирға пӧгін алар алнында, нимені санға аларға кирек?
«Хоныхты улуғлаңар» («Сторожевой башня», улуғ хырлас айы, 2018 чыл)
a Киртістіг ирепчілерге чара чуртирға чарадылча ба, чох па 4-ҷі приложениеде чоохталча.
b Пірее чоннарда палаларына іҷе-пабалары хоных хонар кізіні таллапчалар. Андағ іҷе-пабаларға кізінің ис-пайына, социальнай орнына нимес, че Худайға хынчатханына хайығ саларға кирек.
c Кемнең-де закон хоостыра хоных хонмин чуртапчатсар, хайди поларға: аннаң парыбызарға алай закон хоостыра хоных хон саларға? Анзын постарың пӧгіңер.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
