ILINNIAGASSAQ 42
Aappaqannginneq aappaqarnerlu pillugit Biibilimi qanoq allassimasoqarpa?
Nunat ilaanni isumaqartoqartarpoq aappallit kisimik pillualivissinnaasut. Aappaqartulli ilaat pilluanngillat aappaqanngitsorpassuillu pilluarlutik. Aappaqarneq aappaqannginnerlu tamarmik Guutip oqaasiani tunissutitut allaatigineqarput.
1. Aappaqannginneq sunik iluaqutissartaqarpa?
Biibilimi ima allassimavoq: “Kinaluunniit katittoq pitsaasumik aalajangerpoq, katinngitsorli suli pitsaanerusumik aalajangerpoq.” (Korintimiunut 1. 7:32, 33, 38 atuarsigit). Aappaqanngitsut aalajangigaat sooq ‘pitsaanerua’? Aappaqartut aapparmi pisariaqartitai isumagisariaqartarpaat, aappaqanngitsulli taamatut akisussaaffeqanngillat. Kiffaanngissuseqarnerusaramik Jehovamut kiffartoriaatsit soqutiginartut assigiinngitsut misigeriaannaavaat, assersuutigalugu ilaat nunamut allamut oqaluussiartorlutik aallarsinnaapput. Pingaarnertullu Jehovamut qanillinissaminnut piffissaqarnerusarput.
2. Katissimaneq sunik iluaqutissartaqarpa?
Aappaqarneq aappaqannginnertulli immikkut ittunik iluaqutissartaqarpoq. Biibilimi allassimavoq ‘marluugaanni ataasiinnaanermit pitsaanerusoq’. (Oqaluussisartup oqaasii 4:9) Ingammik najoqqutassianik Biibilimeersunik maleruaasut aappariinnertik nuannaarutigisinnaavaat. Aappariit katissimasut asaqatigiikkumallutik, ataqqeqatigiikkumallutik pingaarteqatigiikkumallutillu neriorsuisimagamik toqqissisimanerusarput. Aamma meerartaassagunik meeraannut toqqissisimanassaaq.
3. Jehovap aappariinneq qanoq isigaa?
Aappariit siulliit katinneranni Jehova ima oqarpoq: “Angutip ataatani anaananilu qimallugit nuliani attavigissavaa.” (Mosesimik 1. 2:24) Jehovap kissaatigaa aappariit katissimasut inuunertik naallugu attaveqatigiillutik aappariittuassasut. Taamaallaat allasiortoqarsimappat Jehovap avinnissaq akueraa, allasiorsimasumillu aappalik aalajangersinnaavoq avikkusunnerluni avikkusunnginnerluniluunniit. a (Matiusi 19:9) Biibili naapertorlugu kristumiut arlalinnik aappaqaqqusaanngillat. – Timuutiusimut 1. 3:2.
ITISILIINEQ
Aappaqaruit aappaqanngikkuilluunniit qanoq nuannaarsinnaasutit Jehovalu qanoq nuannaartissinnaagit misissukkit.
4. Aappaqannginnerit atorluaruk
Jiisusip aappaqannginnini tunissutitut isigaa. (Matiusi 19:11, 12) Matiusi 4:23 atuarsiuk apeqqullu una eqqartorlugu:
-
Jiisusip aappaqannginnami periarfissani Ataataminut kiffartornermini allanillu ikiuisarnermini qanoq atorpai?
Kristumiut aappaqanngitsut Jiisusimik ilaarsinertik nuannaarutigissavaat. VIDEO takusiuk apeqqullu tulliuttoq eqqartorlugu.
-
Kristumiu aappaqanngitsoq nalerisimaalersitsisartunik sunik periarfissaqarpa?
Nalunngiliuk?
Katikkusuttup qanoq utoqqaatiginissaa pillugu Biibilimi allassimasoqanngilaq. Kajumissaarneqarporli ‘inuusuppallaarunnaarnissani’ utaqqissagaa, inuusunnermimi atoqateqarusussuseqarneq sakkortusarmat aalajangiinerlunnermik kinguneqarsinnaavoq. – Korintimiunut 1. 7:36.
5. Aappassannik toqqaaniarninni silatusaarit
Aappassamik toqqaaneq inuunermi aalajangigassat pingaarnerpaat ilaagaat. Matiusi 19:4-6, 9 atuarsigit apeqqullu una eqqartorlugu:
-
Sooq kristumiu katipallanniassanngila?
Biibili iluaqutigalugu paasisinnaavat aappaalluarsinnaasoq sunik pissuseqassasoq. Pingaarnerpaamik, Jehovamik asannittumik aappassarsiorit. b Korintimiunut 1. 7:39 aamma Korintimiunut 2. 6:14 atuarsigit apeqqutillu uku eqqartorlugit:
-
Sooq Jehovamut kiffartortoq taamaallaat uppeqatiminik aappartaassava?
-
Jehovamik asanninngitsoq aappartaarigutsigu Jehova qanoq misigissasoraajuk?
6. Jehovap aappariinnermut isiginnittaasiatut isiginnittaaseqarit
Itsaq Israalimi angutit ilaat namminissarsiorlutik nuliaminnit avittarput. Jehovali ima oqarpoq: “Avinneq uumigaara.” (Malaki 2:16, NW) Malaki 2:13, 14 atuarsigit apeqqullu una eqqartorlugu:
-
Sooq Biibilimik tunngavissaqanngitsumik avinneq Jehovap uumigaa?
VIDEO takusiuk apeqqullu tulliuttoq eqqartorlugu.
-
Jehovamik asanninngitsumik aappaqaruit aappariinnersi qanoq nuannersuutissinnaaviuk?
7. Jehovap aappariinnermut inatsisai maleruakkit
Jehovap aappariinnermut inatsisai maleruarumallugit inuit ilaat ilungersortariaqarput. c Taamaaliortulli Jehovamit pilluaqquneqartarput. VIDEO takusiuk.
Hebræerit 13:4 atuarsiuk apeqqutillu uku eqqartorlugit:
-
Isumaqarpit Jehovap aappariinnermut inatsisai ingasappallaartut? Sooq taama isumaqarpit?
Nunani amerlanerpaani katinnerit avinnerillu nalunaarutigineqartarnissaat oqartussaassusilinnit piumasarineqartarmat kristumiut taamaaliortarnissaat Jehovap piumasaraa. Tittusi 3:1 atuarsiuk apeqqullu una eqqartorlugu:
-
Katissimasuuguit katinnerpit oqartussaassusilinnit nalunaarsorneqarnera qulakkeernikuuiuk?
OQARTOQARTARPOQ: “Aappariit katittariaqanngillat, inooqatigiiginnarsinnaapput.”
-
Qanoq oqassagaluarpit?
EQIKKAANEQ
Aappaqannginneq aappaqarnerlu tamarmik Jehovamit tunissutaapput. Jehovap piumasaanut naapertuuttumik inooriaaseqarunik aappaqanngitsut aappaqartullu tamarmik pilluarlutillu nalerisimaarsinnaapput.
Uteqqiineq
-
Aappaqanngitsuuneq qanoq atorluarneqarsinnaava?
-
Sooq Biibilimi allassimava Jehovamut kiffartortup uppeqatini taamaallaat katissagaa?
-
Biibili naapertorlugu avinnissamut suna pissutissatuaava?
NAMMINEQ MISISSUGASSATIT
‘Taamaallaat Naalakkamut kiffartortumik’ katinnissaq qanoq paasisariaqarpa?
“Atuartartut apeqqutaat” (Napasuliaq Alapernaarsuiffik-mi allaaserisaq)
Peerartaarnissamut aappartaarnissamullu tunngatillugu aalajangiiniarninni videut marluk iluaqutigisinnaasatit isiginnaakkit.
Qatanngutip angutip sooq Jehovamit tunissutisiani qimataminit naleqartinnerungaaraa paasiniaruk.
Neriuutigisimagaluarpara Jehova pillugu ilinniarusulissasoq (1:56)
Avikkusuttup averuserusuttulluunniit suut eqqarsaatigeqqaartariaqarpai?
“‘Guutip ataqatigiilersitsinera’ ataqqiuk” (Napasuliaq Alapernaarsuiffik, decembari 2018)
a Ilanngussaq 4 allasiortoqarsimatinnagu averuserneq pillugu takuuk.
b Nunat ilaanni angajoqqaat qitornatik aappassaannik toqqaassuttarpaat. Angajoqqaat kristumiut asannittut aappassarsiuussigaangamik toqqagartik Jehovamik asannittuunissaa pingaarnerpaatittarpaat, qanoq aningaasarsiagitsiginersoq qanorlu inuiaqatigiinni inissisimaffeqarnersoq pinnagit.
c Katissimanak inooqateqaruit inooqatigisat qimassanerlugu katissanerluguluunniit nammineq aalajangissavat.