DISÁ 42
Ihi Yamba o Bibidya ya Lungu ni Kukazala ni Kukala Dikudi?
Sayi jixi, o athu abanza kwila andasanguluka ngó se akazala. Maji ko athu oso akazala asanguluka mba ko akudi oso akambe o kusanguluka. Mukidi, o Bibidya yamba kwila kikale o mwenyu wa ukaza mba wa ukudi ujitu wa Jihova.
1. Mbote yahi ikatula o muthu mukukala dikudi?
O Bibidya yamba: “Woso wasakana kilumba kyê, wabhange kyambote; wosophe wafulu kusakana, wabeta kubhanga kyambote.” (Tanga 1 Kolindu 7:32, 33, 38.) Mu ukexilu webhi o muthu wala dikudi “wabeta kubhanga kyambote”? O Kidistá wala dikudi kathandanganya ni ibhindamu ya munumi mba ya muhatu. Mukonda dya kiki, ene ala dingi ni ufolo. Mu kifika, amoxi atena kusanzumuna dingi o ukunji wâ mukuya mu ididi yengi mba jixi phala kuboka o njimbu yambote. O kyabeta dingi kota, ene ala dingi ni kithangana phala kuzukama kwa Jihova.
2. Mbote yahi ijila mu ukaza ni kusinala o madukumendu a ukaza?
Kikale o ukaza mba o ukudi ubhekela mbote. O Bibidya yamba “kota o kukala kiyadi, muthu umoxi ndenge.” (Ndongixi 4:9) Kiki kidi, bengebenge se o Jikidistá akumbidila o itendelesu ya Bibidya mu ukaza wâ. Kyoso diyala ni muhatu kya sinala o madukumendu a ukaza ene ata kikutu, akanena kudizola, kudixila ni kudilanga mudyâ. Mukiki ene adivwa dingi kyambote mukonda dya ukaza, o yó atungu ngó kumoxi se kukazala kadivu kiki. O ukaza ukwatekesa we kusasa kyambote o twana.
3. Kyebhi Jihova kyatala o ukaza?
Kyoso Jihova kyabhange o ukaza wadyanga, mwene wambe: “Diyala u xiya tat’â ni mam’â anga u di banda kwa mukaji’ê.” (Dimatekenu 2:24) Jihova wamesena kwila o munumi ni muhatu adizola, akala kumoxi ithangana yoso yala ku mwenyu. Mwene uxikina ngó o munumi mba o muhatu kubatula o ukaza se sayi muthu mudya uta phanda. (Matesu 19:9) Se kyene kibhita, Jihova ubhana ufolo ku muthu amute kikuma kya kusola kubatula o ukaza mba kana. a Jihova kaxikina kwila o Kidistá ukala ni ahatu ayadi mba ukala ni mala ayadi.—1 Timote 3:2.
DILONGE DINGI
Dilonge kyebhi o makudi ni yó akazala kyatena kusanguluka, ni kusangulukisa Jihova.
4. Kyebhi o makudi kyatena kukatula mbote mu ukudi wâ
Phala Jezú o kukala dikudi kyexile kima kya valolo. (Matesu 19:11, 12) Tanga Matesu 4:23, mukusuluka bhanga o kibhwidisu kya kayela:
-
Kyebhi Jezú kya kalakala ni ukudi wê phala kusidivila Tat’ê ni kukwatekesa o athu akamukwa?
O Jikidistá ala makudi atena we kubhanga o ima ya bhangele Jezú. Tala OVIDYU, mukusuluka bhanga o ibhwidisu ya kayela.
-
Mu maukexilu ebhi o Kidistá wala ni ufolo wakukala dikudi kyatena kusanguluka mu sidivisu ya Jihova?
Eye wakijidile?
O Bibidya ki izwela o kitala kyatokala kukala nakyu o muthu phala kukazala. Maji yene iswinisa o muthu kukazala kyoso kibhita “o kitala kya kikumbi,” kifwa, o kithangana o muthu ukala ni jihanji javulu jitena kumubhangesa kusola kyayibha.—1 Kolindu 7:36 NWT.
5. Sola kyambote o muthu wandakazalane
Kusola muthu phala kukazalane kyala bhukaxi ka ima yabeta kota itusola ku mwenyu wetu. Tanga Matesu 19:4-6, 9, mukusuluka bhanga o kibhwidisu kya kayela:
-
Mukonda dyahi o Kidistá katokala kukala ni lusolo lwakukazala?
O Bibidya itena kukukwatekesa kwijiya o idifwa i utena kusota ku munumi mba ku muhatu. O kima kyabeta kota kya kwila, mwene uzola Jihova. b Tanga 1 Kolindu 7:39 ni 2 Kolindu 6:14. Mukusuluka bhanga o ibhwidisu ya kayela:
-
Mukonda dyahi twatokala kukazala ngó ni muthu wamusidivila we Jihova?
-
Mudyé, kyebhi Jihova kyeji divwa se tukazala ni muthu Kamuzolo?
Se yama iyadi ki isoko mu nguzu a ikuta phala kukalakala kumoxi, o yama iyadi itena kutala hadi yavulu. Kyene we kimoxi, se Kidistá ukazala ni muthu kamubheza Jihova utena kudibhana ni ibhidi yavulu
6. Tala o ukaza kala kyene mu utula Jihova
Mu ukulu sayi mayala ku mundu wa Nzambi, adisenge ni ahatu’â mukonda dya lwimbi. Tanga Malakiya 2:13, 14, 16, mukusuluka bhanga o kibhwidisu kya kayela:
-
Mukonda dyahi Jihova wazembe kyoso o dikasa kya batula o ukaza se kuta phanda?
O kubatula o ukaza kubheka hadi yavulu ku muthu yó kale ni kikuma ni kutwana we
Tala OVIDYU, mukusuluka bhanga o kibhwidisu kya kayela.
-
Se wakazala ni muthu kamubheza Jihova, ihi i utena o kubhanga phala kukala ni ukaza wasanguluka?
7. Kumbidila o itumu ya Jihova ya lungu ni ukaza
O muthu nange ubhinga kubhanga nguzu yavulu phala kukumbidila o itendelesu ya Jihova ya lungu ni ukaza. c Maji Jihova ubesowala yó abhanga kiki. Tala OVIDYU.
Se watungu ni muthu ki ukazalane, eye utena kusola kudixisa mba kukazala.
Tanga Jihebelewu 13:4, mukusuluka bhanga o kibhwidisu kya kayela:
-
Mudyé, o kwila o itumu ya Jihova ya lungu ni ukaza yatokala mwene phala etu? Mukonda dyahi?
Sayi jixi javulu o jinguvulu ala ni kitumu kijijidika o athu andakazala mba kubatula o ukaza kusinala dukumendu. Jihova ukingila kwila o Jikidistá abelesela o itumu yiyi. Tanga Titu 3:1, mukusuluka bhanga o kibhwidisu kya kayela:
-
Se wakazala, o kwila o ukaza we awijiya ku jinguvulu?
NANGE SAYI MUTHU WIBHULA: “Mukonda dyahi kubhinga kukazala? Kikota twatungu ngó kumoxi?”
-
Kyebhi kiweji tambwijila?
IHI IWADILONGO
O ukaza ni ukudi ujitu wa Jihova. O makudi ni makaza atena kusanguluka ku mwenyu se abhanga o vondadi ya Jihova.
Kubhitulula
-
Kyebhi o dikudi kyatena kukatula mbote mu ukudi wê?
-
Mukonda dyahi o Bibidya itendelesa kukazala ngó ni muthu wamusidivila Jihova?
-
Kima kyahi ngó kyambe o Bibidya kibatula o ukaza?
TOKWESA DINGI
Ihi ilombolola kukazala ngó “mwangana”?
“Atangi Amadivulu Metu Ebhula” (O Mulangidi, 1 wa Kavwa wa 2004)
Tala tuvidyu tuyadi tutena kukukwatekesa kusola kyambote ya lungu ni kuditangesa ni ukaza.
Tala se mukonda dyahi phange waxikina kwila Jihova wamubhana kima kya valolo o kya xisa kudima ndenge.
Ngexile ni Kidyelelu Kya Kwila Mwene Weji Dilonga o Kidi (1:56)
Ima yebhi yatokala kubanza o muthu wamesena kubatula o ukaza?
“Xila ‘Yoso Yongeka Nzambi’” (O Mulangidi, wa Kayadi wa 2018)
a Tala o Kibandekesu kya 4 phala kwijiya ya lungu ni kubatula o ukaza se muthu kuta phanda.
b Sayi jixi mba miji, o jitata ene asola se nanyi wandakazala ni mon’ê. Mu maka ya, o jitata ja henda atalesa se o muthu wazolo Jihova, muveji dyakutala se o muthu wala ni kitadi mba jimbote.
c Se watungu ni muthu ki ukazalane, eye utena kusola kudixisa mba kukazala.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
