ДӘРСА 42
Кʹьтеба Пироз Дәрһәԛа Азәпийе у Зәԝаще Чь Дьбежә?
Һьнә културада ньһерʹандьна мәрьва ӧса нә, кӧ һʹәта нәзәԝьщи, нькари бәхтәԝар би. Һәмьки нә һʹәму мәрьвед зәԝьщи бәхтәԝар ьн, нә жи һʹәмуйед кӧ азәп ьн. Ле бь рʹасти Кʹьтеба Пироз һьм зәԝаще, һьм жи азәпийе ча пʹешкʹеш һʹәсаб дькә.
1. Кʹижан һьнә тьштада азәпи кʹар ә?
Кʹьтеба Пироз дьбежә, ԝәки әԝе кӧ дьзәԝьщә, «ԛәнщ дькә», ле йе кӧ назәԝьщә «һе ԛәнщ дькә» (Бьхунә 1 Корьнтʹи 7:32, 33, 38.) Гәло, чь те һʹәсабе кӧ йе азәп «ԛәнщ дькә»? Мәсиһийед азәпрʹа нәлазьм ә, ԝәки бона һʹәԝщед мер йан жьна хԝә хәм бькьн. Ве дәрәщеда азайа ԝан зәʹф ә. Һьнәк жь ԝан дькарьн хьзмәтеда һе зедә пешда һәрʹьн, у әʹмьре ԝана һе һʹәԝас бә. Мәсәлә, әԝана дькарьн дәрбази ԝәлатед дьн бьн, сәва кӧ мьзгинийа хере бәла кьн. Хенщи ԝе йәке, әԝана дькарьн һе зедә ԝәʹде хԝә хәрщ кьн, ԝәки дьһа незики Йаһоԝа бьн.
2. Зәԝаща бь ԛануни чьда кʹар ә?
Ча зәԝащ ӧса жи азәпи кʹарәкә мәхсус тиньн. Кʹьтеба Пироз дьбежә, ԝәки «дӧ кәс жь кәсәки ԛәнщтьр ә» (Ԝаиз 4:9). Әв рʹез илаһи бона ԝан Мәсиһийа йә, йед кӧ принсипед Кʹьтеба Пироз зәԝаща хԝәда дьдьнә хәбате. Дәргистийед кӧ сафи дькьн ԝәки бь ԛануни һәв бьстиньн, соз дьдьн, кӧ ԝе тʹьме һәвдӧ һʹьз бькьн, ԛәдьре һәв бьзаньбьн у һәв ԛимәт кьн. Ләма жи әԝана хԝә дьһа бехоф тʹәхмин дькьн, нә кӧ йед бе ԛануни тʹәвайи дьжин. У һьм жи зәԝаща бь ԛануни һʹимәки баш ә бона хԝәйкьрьн у мәзьнкьрьна зарʹа.
3. Ньһерʹандьна Йаһоԝа сәр зәԝаще чь щурʹәйи йә?
Чахе Йаһоԝа зәԝаща пешьн саз кьр, әԝи гот: «Мере де у баве хԝә бьһелә, хԝә ль жьна хԝә бьгьрә» (Дәстпебун 2:24). Йаһоԝа дьхԝазә, ԝәки мер у жьн һәв һʹьз бькьн у һʹәта сах ьн, һәв нәԛәтьн. Әԝ тʹәне һьнге дьһелә кӧ мер у жьн һәв бьԛәтьн, һәрге кәсәк жь ԝан бенамусийе бькә. Дәрәща ӧсада Йаһоԝа изьне дьдә жьн йан мере нәнәһәԛ, кӧ хԝәха сафи кә ле бьԛәтә йан на a (Мәтта 19:9). Йаһоԝа пʹьрʹәжьнийе ԛәдәхә дькә (1 Тимотʹейо 3:2).
КʹУР ЛЕКОЛИН КӘ
Пебьһʹәсә кӧ чаԝа тӧ дькари бәхтәԝар би у дьле Йаһоԝа ша ки, фьрԛи тʹӧнә азәп и йан зәԝащеда ни.
4. Пʹешкʹеша хԝәйә азәпийе бь билани бьдә хәбате
Иса азәпи ча пʹешкʹеш һʹәсаб дькьр (Мәтта 19:11, 12). Бьхунә Мәтта 4:23, у паше әве пьрсе шеԝьр кә:
-
Иса пʹешкʹеша хԝәйә азәпийе ча дьда хәбате, ԝәки Баве хԝәрʹа хьзмәт кә у али мәрьва бькә?
Мәсиһи мина Иса дькарьн азәпийа хԝәда шабуне бьвиньн. Вехә ВИДЕО, у паше әве пьрсе шеԝьр кә:
-
Бь кʹижан щурʹед баш Мәсиһи дькарьн азәпийа хԝә бьдьнә хәбате?
Ԝә заньбу?
Кʹьтеба Пироз конкрет набежә, кӧ мәрьв гәрәке чәнд сали бә, сәва кӧ бькʹәвә зәԝаще. Ле һелан дькә, ԝәки мәрьв гәрәке һивийе бә, һʹәта кӧ гәшбуна ԝийә щаһьлтийе дәрбаз бә, демәк әԝ ԝәʹдә дәрбаз бә чахе һәстед сексуал гәләк ԛәԝи нә, чьмки әв йәк дькарә нәрʹаст сәр сафикьрьна ԝи, һʹӧкӧм бә (1 Корьнтʹи 7:36).
5. Бь билани хԝәрʹа мер йан жьне бьжберә
Бьжартьна һәвалзәԝащ, сафикьрьнәкә лапә фәрз ә. Бьхунә Мәтта 19:4-6, 9, у паше әве пьрсе шеԝьр кә:
-
Чьма Мәсиһи гәрәке ләз нәкʹәвә бьзәԝьщә йан мер кә?
Кʹьтеба Пироз дькарә али тә бькә, кӧ бьзаньби чь гәрәке һьлди һʹәсаб, ԝәки һәвалзәԝаще лайиԛ бьвини. Ле йа лапә фәрз әԝ ә, ԝәки һәвалзәԝаще ӧса хԝәрʹа бьвини, кʹижан кӧ Йаһоԝа һʹьз дькә. b Бьхунә 1 Корьнтʹи 7:39 у 2 Корьнтʹи 6:14, у паше ван пьрса шеԝьр кә:
-
Чьма әм гәрәке тʹәне тʹәви баԝәрмәнде хԝә бькʹәвьнә зәԝаще?
-
Йаһоԝа ԝе чь сәр хԝә тʹәхмин кә, һәрге тӧ тʹәви ԝи мәрьви бькʹәви зәԝаще, кʹижан кӧ Йаһоԝа һʹьз накә?
Һәрге дӧ һʹәйԝанед кӧ гәләк жь һәв щӧдә нә, бькьнә бьне нирәки, әԝана һәрдӧ жи ԝе зәʹф бьчәрчьрьн. Мина ԝе йәке Мәсиһийе кӧ нәбаԝәрмәнд дьстинә, ԝе рʹасти гәләк чәтьнайа бе у бьчәрчьрә
6. Бьра ньһерʹандьна тә сәр зәԝаще мина йа Йаһоԝа бә
Исраела бәреда, һьнә мер жь бо хԝәһʹьзийе бе мәʹни жь жьна хԝә дьԛәтийан. Бьхунә Малахи 2:13, 14, 16, у паше әве пьрсе шеԝьр кә:
-
Чьма Йаһоԝа һәвԛәтандьне нәфрʹәт дькә?
Бенамуси у һәвԛәтандьн гәләк дьле һәвалзәԝаще нәнәһәԛ у зарʹа дешинә
Вехә ВИДЕО, у паше ван пьрса шеԝьр кә.
-
Һәрге һәвалзәԝаще тә, баԝәрмәнд нинә, тӧ чь дькари бьки, сәва кӧ зәԝаща тә бәхтәԝар бә?
7. Нормед Йаһоԝайә бона зәԝаще бьдә хәбате
Дьбәкә мәрьврʹа лазьм бә гәләк сәр хԝә бьхәбьтә, ԝәки нормед Йаһоԝайә бона зәԝаще бьдә хәбате. c Йаһоԝа ԝан мәрьва кʹәрәм дькә, йед кӧ бона ве йәке ԛәԝате дьдьнә хәбате. Вехә ВИДЕО.
Бьхунә Ибрани 13:4, у паше ван пьрса шеԝьр кә:
-
Бь тʹәхмина тә, нормед Йаһоԝайә дәрһәԛа зәԝаще бь билани нә? Чьрʹа тӧ ӧса дьфькьри?
Йаһоԝа дәʹԝа дькә, ԝәки Мәсиһи зәԝаща хԝә у ӧса жи һәвԛәтандьне ль гора ԛануна дәԝләте дәстур кьн. Бьхунә Тито 3:1, у паше әве пьрсе шеԝьр кә:
-
Һәрге тӧ зәԝьщи йи, тӧ сәд сәләфи баԝәр и, ԝәки зәԝаща тә бь ԛануне дәстуркьри йә?
ДЬБӘКӘ ҺЬНӘ МӘРЬВ ПЬРСӘКӘ ӦСА БЬДЬН: «Чьрʹа гәрәке бь ԛануни бькʹәвьнә зәԝаще, һәрге дькарьн ӧса жи тʹәвайи бьжин?»
-
Тӧйе ча щаба хԝә бьди?
ТʹӘМАМКЬРЬН
Чаԝа жь азәпийе ӧса жи жь зәԝаще, әм дькарьн шабун у ләзәте бьстиньн, һәрге һәрдӧ дәрәщада жи ԛьрара Йаһоԝа биньн сери, чьмки әԝ пʹешкʹешед жь Хԝәде нә.
Ԝәкʹьландьн
-
Чаԝа мәрьв дькарә азәпийа хԝә бь билани бьдә хәбате?
-
Чьрʹа Кʹьтеба Пироз дьбежә, ԝәки тʹәне тʹәви баԝәрмәнде хԝә бькʹәвьнә зәԝаще?
-
Тʹәне жь бо кʹижан мәʹни ль гора Кʹьтеба Пироз изьн ә жь һәв бьԛәтьн?
ҺЕ ЗЕДӘ ПЕБЬҺʹӘСӘ
Чь те һʹәсабе тʹәне тʹәви «баԝәрмәнде Хӧдан» бькʹәвьнә зәԝаще?
Дӧ видеойед кьн бьньһерʹә, йед кӧ ԝе али тә бькьн бь билани сафикьрьнед зәԝащева гьредайи бьки.
Пебьһʹәсә чьрʹа бьрак дьфькьрә, ԝәки Йаһоԝа тьштед дьһа ԛимәт да ԝи һьмбәри ԝан тьшта, чь кӧ әԝи бона Йаһоԝа бәрва кьр.
Пешийа кӧ мәрьв сафи дькә жь һәвалзәԝаще хԝә бьԛәтә йан башԛә бьжи, әԝ кʹижан һьнә тьшта гәрәке һьлдә һʹәсаб?
«Һӧрмәт кьн Зәԝаще, чьмки Әԝ Сазкьрьна Хԝәде йә» («Бьрща Ԛәрәԝьлийе», Кануна Пешьн, 2018)
a Бьньһерʹә Әʹламәтийа Зедә 4 кӧ дәрһәԛа башԛәжитьне чь те готьне, һәрге мәʹни бенамуси нинә.
b Һьнә културада де-бав бона кӧрʹ йан ԛиза хԝә, хԝәха һәвалзәԝащ дьжберьн. Ве дәрәщеда, де-бавед баш дина хԝә дьдьн нә кӧ сәр пʹәра у навдәнгийе, ле ве йәке, һәла әԝ Йаһоԝа һʹьз дькә йан на.
c Һәрге тӧ тʹәви кәсәки бе зәԝаща ԛануни дьжийи, сәр сафикьрьна тә дьминә, тӧ жь ԝи мәрьви бьԛәти йан зәԝаща хԝә бь ԛануни дәстур ки.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
