TIMOKO 42
Bibila bwe ditâka mu bumpumpa na makwela?
Mu bikulu biakaka, bantu banzaka ti, bu lembo bâ wa kwela kulendi’â wabâ mu nsayi ko. Diangana bantu babansoni ba kwela ka bêna mu nsayi ko, mpe ba mpumpa babansoni ka bêna mu mpasi ko. Matieleka ni mena’eti, Bibila mbo ditâka ti bumpumpa na makwela makabu mena.
1. Ngano bumpumpa ntia ndandu bwena?
Bibila ditêle: “Wô kwelele bubote kasiri, kâ wô lembolo kwela yôkele bubote.” (Tanga 1 Bisi-Korente 7:32, 33, 38, NWT.) Bwe mpumpa yilendi ‘yôkela bubote’? Bakristo ba mpumpa ka bêna na muntu wu bakipa ko. Buna ntangu yayingi ye nawu. Mu tifwani, bakaka balendi kurisa tisalu tiawu tia samuna, ntiana kwe samuna mu mbuka zakaka. Nsungula, ntangu yayingi ye nawu mu kurisa tindiku tiawu na Yehova.
2. Ngano makwela ma batsonekesaka ntia ndandu mena?
Ntiana bumpumpa, makwela ndandu manataka. Bibila ditêle ti: “bantu bole bayôkele bubote na wumosi.” (Ekleziaste 4:9) Wa matieleka wena kwe Bakristo bazitisaka mitieno mia Bibila mu makwela. Bantu batsonekesaka makwela mawu ndefi badiaka ya zolosono, ya tizitisa na ya kipasana. Bawu longo lubote lubâka nawu, yôka bantu balembo tsonekesaka makwela mawu. Makwela ma mbote mena mpe mu sansa bala.
3. Bwe Yehova kamwinaka makwela?
Yehova bu kakwelesa bantu ba ntete, watâ: “Bakala mbo kabika tata’andi na nguri’andi mpe mbo kangama kwe mukento’andi.” (Mbatukulu 2:24) Yehova zololo ti mukento na bakala bazolosono mpe longo lwawu lwazingila luzingu lwawu lwalwansoni. Yehova honda kwa makwela katambulaka mu ntangu kwa muntu wumosi wusaka bunsuza. Buna, Yehova heni nswa kwe muntu wo wulembolo yirika musamu mu sola tala ti makwela kahonda peleko kâni. a (Matie 19:9) Yehova katambulaka ko ti Mukristo wakwela bantu babingi.—1 Timote 3:2.
YIKA NDILU
Longoka bwe lendi bêla mu nsayi—mpe lendi yangirika Yehova—ni bu bâ mpumpa peleko wa kwela.
4. Tomo sarila kabu dia bumpumpa
Yezu wabongela bumpumpa ntiana kabu. (Matie 19:11, 12) Tangeno Matie 4:23, mpe zonzeleno tiyuvu eti:
-
Yezu bwe kasarila kabu dia bumpumpa mu sarila Tata’andi na mu bakisa bantu?
Bakristo balendi mona nsayi ya sarila bumpumpa bawu ntiana Yezu. Taleno VIDEO, mpe zonzeleno tiyuvu tita landa.
-
Mu ntia mpila zinataka ndandu Bakristo balendi sarila bumpumpa bawu?
Ngano wa wazaba?
Bibila ka dihanaka mvula zi lendi kwelela muntu ko. Kâ, mbo dilombaka kwe muntu wakêla tii bu “kayôka bumpala bwa buntwenia,” ntangu yi bâka ngolo nsatu za vukasa nitu, zilendi sa ti ntwenia ka yibongandi nzengolo za mbote.—1 Bisi-Korente 7:36.
5. Sola muntu wu kwela na ndwenga
Nsololo ya muntu wu kwela, ni yimosi ya nzengolo za mfunu zi lendi bonga. Tangeno Matie 19:4-6, 9, mpe zonzeleno tiyuvu eti:
-
Mu bungu dia nti Mukristo wufweti lembo bongela nzengolo ya kwela mu ntinu?
Bibila dilendi ku bakisa mu zaba nani lendi kwela. Musamu wuyôkele mfunu ni mu dinga muntu wuzololo Yehova. b Tangeno 1 Bisi-Korente 7:39 na 2 Bisi-Korente 6:14. Ha manima zonzeleno biyuvu ebi:
-
Mu bungu dia nti tufweti kwela kwa Mukristo?
-
Bwe Yehova kabanzaka tala ti tukwelele muntu wulembo mu zoloko?
Tala ti bavukase bibulu biole bia nkatika bia swaswana mu sala ha timosi, mbo bimoma mpasi. Mpila mosi mpe, Mukristo wukwelele muntu wulembo zoloko Yehova, mbo wubwabana na mpasi zazingi
6. Bongelaka makwela ntiana Yehova
Mu Israele ya ntama, babakala bakaka nsatu za bwimi zeri ba tumaka mu honda makwela. Tangeno Malaki 2:13, 14, 16, mpe zonzeleno tiyuvu eti:
-
Mu bungu dia nti Yehova kayinaka honda kwa makwela ku lembolo delakana na Bibila?
Bunsuza na honda kwa makwela, mpasi bimwisaka kwe muntu wa kwela wulembolo yirika musamu, na kwe bala
Taleno VIDEO, mpe zonzeleno tiyuvu tita landa.
-
Tala ti muntu wulembo zoloko Yehova wakwela, nti lendi sa ngatu makwela maku mabâ mu nsayi?
7. Sarila mitieno mia Bibila mu makwela
Muntu wulendi bâ na nsatu ya sa ngolo mu sarila mitieno mia Yehova mu bungu dia makwela. c Kâ Yehova bô basarilaka mio kasakumunaka. Taleno VIDEO.
Tangeno Bahebre 13:4, mpe zonzeleno biyuvu ebi:
-
Ngano benzi ti mitieno mia Yehova mu bungu dia makwela mia delakana mie? Mu bungu dia nti?
Yehova kwe Bakristo kalombaka mu tsonekesa makwela mawu na honda kwa makwela, mu bungu ti mu nsi zazîngi luyalu ni bo lulombaka. Tangeno Tite 3:1, mpe zonzeleno tiyuvu eti:
-
Tala ti wa kwela wena, ngano lukwikulu lwe naku ti makwela maku ma watsonekesa ku luyalu?
TALA TI BAKUYURIRI: “Makwela ma nti? Bantu ka balendi’â basa longo lwa mpamba ko?”
-
Ntia mvutu lendi hana?
MU BUKUFI
Bumpumpa na makwela makabu mena ma Yehova. Bampumpa na bantu ba kwela balendi bâ mu nsayi bu basarilaka mitieno mia Nzambi.
Biyuvu bia mbambukulu
-
Bwe muntu wulendi sarila bumpumpa bwandi?
-
Mu bungu dia nti Bibila dilombaka mu kwela kwa Mukristo?
-
Bibila bwe ditâka mu bungu dia musamu wa wumosi wulendi honda makwela?
ZABA BIAKAKA
Ngano kwela “kwa mu Mfumu,” bwe wuta zolo tâ?
“Biyuvu bia bitangi” (Nzo ya Zangama ya Munkengi, 1er juillet 2004)
Dzukula mu bungu dia nti mpangi yimosi ya yibakala yibanzaka ti bima bia mu hana Yehova biyôkele ntalu na bima bi kahombesa.
Tala video zitatu za nkufi zilendi ku bakisa mu bonga nzengolo za mbote mu makwela.
Ntia misamu muntu wufweti taluzula ntete kabonga nzengolo ya honda makwela peleko ya hambana na muntu wu kakwela?
“Zitisa ‘bio bia vukasa Nzambi’” (Nzo ya Zangama ya Munkengi, décembre 2018)
b Mu bikulu biakaka, bibuti bisolaka muntu wu kwela mwana’ awu. Buna, bibuti bie na luzolo ka bitalaka mbongo ko peleko bimvwama, kâ tala ti muntu wu kwela mwana’awu Yehova wuzololo.
c Tala ti na muntu bâka wu lulembolo ba kwelana, tala ti bika mu bika peleko kwela mu kwela, nge beni kwa fweti bonga nzengolo.
