42ǁÎ ǁKHĀǁKHĀS
Elobmîsa tae-e ǃgamme tama is tsî ǃgammeb xa ra mî?
ǀNî ǃhaodi ǃnân ge khoena ra ǂgom. ǃGamme tama khoe-i ge ǂkhîba ūhâ tide. Xawen ge ǀnî ǃgamme hâ khoena ǂkhîba ūhâ tama hâ. Tsî ǃgamme tama hâ khoen ǀnîn tsîn ge ǂkhîba ūhâ. Ama as ge Elobmîs ge ǃgamme tama is. Tsî ǃgammeb tsîna ǀkhaeb ase ra mû.
1. Tae ǃgâi xūna ǃgamme tama isa xu a hā ǁkhā?
Elobmîs ge ra mî: “ǁNā-amaga ǃgameb ǃoa ra māǂui si-i ge ǃgâise ra dī-e, tsî ǃgameb ǃoa māǂui si tama-i ge ǁnās ǃgâ-ai ǃgâise ra dī-e.” (Khomai re 1 Korinteǁîn 7:32, 33, 38 sa.) Mâ ǀgaugu ǃnâ i ǃgamme tama khoe-e ‘ǃgâise ra dī’? ǃGamme tama Xristeǁî-i ge khoe-e kōǃgâs ǃgomsi-e ūhâ tama hâ. ǁNās ǃaroman ge ǃnāsa ǃnorasasiba ūhâ. Aiǁgause, ǀnîn ge ǁîn di aoǁnâ sîsen-i ǃnâ ǃnāsase a dī ǁkhā. ǁÎn ge ǀnî ǃhūga ǃoa ī. Tsî ǁnāpa ǃgâiǂhôasa sī a aoǁnâ ǁkhā. Hoan ǀgapigan ge ǃnāsa ǁaeba ūhâ. Jehovab ǀkhan ūhâ ǀhōsagusisa ǀgaiǀgais ǃaroma.
2. ǂHanub xa ǂanǃgâsa ǃgammeba, tae-i ǃgâiba ra hā-ū?
ǃGammeb khamib ge ǃgamme tama is tsîna ǃgâi xūna ūhâ. Elobmîs ge ra mî. “ǀGuri hâs xas ge ǀgamse hâsa a ǃgâi.” (Aoǁnâ-aob 4:9) Nēs ge ǃgosase a ama. Xristeǁîn hîna Elobmîs ǁgaraga ǁîn ǃgammeb ǃnâ ra sîsenūn ǃaroma. ǂAnǃgâsase ǃgamme hâ khoen ge mîǁguiba dī hâ. În hoaǁae ǀnamgu tsî ǃgôasiba ǁgaugu. Nēs ǃaroman ge ǃnorasase ra tsâ. ǃGamme tamase ra hâǀhao khoen xa. Tsî ǃgamme hâ khoen di ôan tsîn ge ǃnorasase ra tsâ.
3. Jehovaba ǃgammeb xa mâ mûǂuiba ūhâ?
Jehovab ge ǂguro ǃgammeba a ǃgae o. Ob ge ge mî. ‘Khoeb ge ǁgûb tsî ǁgûs tsîra ǁnāxū tsî nî ǁîb di taras tawa nî ǂgāmâisen.’ (Genesis 2:24) Jehovab ge ǂhâba hâ aob tsî taras tsîn nî ǀnamgu tsî ǀguiba hâsa. Ûitsama ra as kōse. ǁÎb ge ǃgamme hâ khoen di ǀgui i ga ǀai o. O ǀgui ǀgorasa ra mā-am. Nēti i mâsib ga hâ o. Ob ge Jehovaba ǃgamme khoe-i hîna ǀai tama-e. Aiǂhanuba ra mā î-i ǁhûi. ǁÎ-i ǃgamme khoe-i ǀkha i nî hâ. Tamas ka io ǀgorasa. a (Mateub 19:9) Jehovab ge Xristeǁîna mā-am tama hâ. În ǀguis xa ǃnāsa khoen ǀkha ǃgamme.—1 Timoteub 3:2.
ǃGAMSE ÔAǃNÂ RE
ǁKhāǁkhāsen re, mati du a ǂkhîba ūhâ ǁkhā ǀgausa. Tsî mati du Jehovaba a ǂkhîǂkhî ǁkhā ǀgaus tsîna.
4. ǃGamme tamase hâsa, ǃgâise sîsenū re
Jesub ge ǃgamme tamase hâsa, ǀkhaeb ase gere mû. (Mateub 19:11, 12) Khomai re Mateub 4:23 sa. Tsî sao ra dîsa ǃhoaǃgao:
-
Jesuba mati ǃgamme tamab ge hâ i. Xawe ǁîb ǁaeba gere sîsenū. Tsî ǁîb ǁGûba ǃoaba tsî khoena gere hui?
ǃGamme tama hâ Xristeǁîn tsîn ge ǁîn ǁaeba Jesub khami a sîsenū ǁkhā. VIDIOBA ǀhuru re. Tsî sao ra dîsa ǃhoaǃgao re.
-
Mâ ǀgaugu ǃnân ǃgamme tama hâ, Xristeǁîna ǁîn ûiga a sîsenū ǁkhā?
ǂAn i du go i?
Elobmîs ge matikō kurin ain khoena nî ǃgammesa mî tama hâ. Xawes ge Elobmîsa ra ǂkhâǃnâ. Î-i ‘ǂkhamkhoe-i ǀgaisa’ ǁgoe-ūgus turaba ūhâ ǁaeba aibe ǃkharu. ǁNāti ī ǁaeb ǃnâ i ǂkhamkhoe-e ǃgâi mîǁguiga dīhō tide amaga.—1 Korinteǁîn 7:36.
5. ǃGamme du nî khoe-e ǃgâise ǁhûi re
ǃGamme du nî khoe-e ǁhûis di mîǁguib ge kaise a ǂhâǂhâsa. Mîǁguiba sadu nî dīse ība. Khomai re Mateub 19:4-6, 9 sa. Tsî sao ra dîsa ǃhoaǃgao re:
-
Tae-i ǃaroma i Xristeǁî-e. ǃHaese i ham-e, nî ǃgammesa mîǁgui tide?
Elobmîs ge a hui du ǁkhā. Mâ ǀgauga ǃoa du ǃgamme ǂgao du ra khoe-i ǃnâ nî ôasa. ǂHâǂhâsa as ge ǃgamme ǂgao du ga o. O du Jehovaba a ǀnam khoe-e nî ǃgammesa. b Khomai re 1 Korinteǁîn 7:39 tsî 2 Korinteǁîn 6:14 sa. Tsî sao ra dîra ǃhoaǃgao re:
-
Tae-i ǃaroma du Jehovaba ra ǃoaba khoe-i ǀgui-e nî ǃgamme?
-
Mati du ra ǂâi? Jehovaba ǁîba ǀnam tama khoe-e du ga ǃgamme o, mati nî tsâ?
ǀGam ǃkharagagu ǀgurun ga ǀguiba ǂgāǃaohe o. On ge ǃgoma nî tsâ. ǁKhā ǀgaub ai i ge Xristeǁî-i hîna Jehovaba ǀnam tama khoe-e ra ǃgamme-e. ǂGui ǃgomsina nî ūhâ
6. ǃGammeba Jehovab ra mû khami mû re
Israelǁaes khoen ǁaeb ai gu ge ǀnî khoega. ǁÎgu ǃgamme hâ khoede ǂhâǂhâsa tama ǃaromadi ǃgao gere ǀgora xu. Khomai re Maleaxib 2:13, 14, 16 sa. Tsî sao ra dîsa ǃhoaǃgao re:
-
Jehovaba tae-i ǃaroma ǃgamme khôasa a ǃhûisa?
ǀAib tsî ǃgamme ǀgoras ge ǀhapio khoe-i tsî ǀgôana ra tsûtsû
VIDIOBA ǀhuru re. Tsî sao ra dîsa ǃhoaǃgao re.
-
Jehovaba ǀnam tama khoe-i ǀkha du ga ǃgamme o. Tae-e du a dī ǁkhā ǂkhîba sadu ǃgammeb ǃnâ ūhâs ǃaroma?
7. Jehovab ǁgaragu ǃgammeb xa hâga sîsenū re
Khoe-i ge ǃgarise nî dītsâ, Jehovab ǁgaragu ǃgammeb xa hâga ǁnâuǀnamsa. c Xawe Jehovab ge dītsâ ra khoena ra ǀkhae. VIDIOBA ǀhuru re.
Khomai re Hebreǁîn 13:4 sa. Tsî sao ra dîsa ǃhoaǃgao re:
-
Jehovab ǃgammeb xa mā hâ. ǁGaragu a ǃgâi di du ra ǂâi? Tsî tae-i ǃaroma?
Jehovab ge ǂhâba hâ, în ǃgamme hâ khoena. ǂHanub xa ǂanǃgâsa ǃgammega ūhâ. Tsî ǀgoran ga o. On ge ǁîn ǀgoras tsîna nî ǂanǃgâ kai. Khomai re Titub 3:1 sa. Tsî sao ra dîsa ǃhoaǃgao re:
-
ǃGamme du ga o. O sadu di ǃgammeba ǂhanub xa ǂanǃgâhe i hâ?
KHOE-I GE ǀNÎSI A DÎ DU ǁKHĀ: “Tae-i ǃaroma du ra ǃgamme? Soregu hâ khoena ǀguiba ǀgui a hâǀhao ǁoa?”
-
Mati du nî ǃeream?
ǃKHŌǀHAOS
ǃGamme tamase hâs tsî ǃgammeb tsîn ge Jehovaba xu hâ ǀkhaeba. ǃGamme tama tsî ǃgamme hâ khoen tsîn hoan ge. ǂKhî ǃgâi ûiba a ūhâ ǁkhā. Jehovab ǂâis ǃoagun ga ûi o.
ǁKhāǁkhāsen du go xūna ǂâiǃgâs
-
ǃGamme tama khoe-e ǁnā ǁaeba mati ǃgâise a sîsenū ǁkhā?
-
Elobmîsa tae-i ǃaroma ra mî, î du Jehovaba ra ǃoaba khoe-i ǀgui-e ǃgamme?
-
Elobmîsa tae-i ǃaroma ǀgui du a ǀgora ǁkhā ti ra mî?
ÔAǃNÂ
‘ǃKhūb ǃnâ ǀgui ǃgammesa’ tae-e ra ǂâibasen?
Nē ǀgam ǃnubu vidiokha kō re. ǃGâi mîǁguiga du ga dī ǂgao o. ǃGamme ǂgao du ra khoe-i ǀkha du ga ǀhōsagu ǁaeb ai.
ǁKhāǁkhāsen re, tae-i ǃaromab ǀgui ǃgâsaba Jehovaba xub ge hō xūna. ǂHâǂhâsase ǂoaǃnâb ge xūn xa ra mûsa.
Sore ta ge hâ i khoes amaba nî ǁkhāǁkhāsen ti ta ge ge ǂâi hâ i (1:56)
ǃGammeba ra ǀgora, tamas ka io ra hâǀgora ǂgao khoe-e taena nî ǂâiǃgâ?
“‘Elob xa ǁnâi ǃgaeǀhaohe hâ-e’ ǃgôaǃgâ re” (ǃKhē xu ǂgō-ommi, Desemberi 2018)
a Mû re 4ǁÎ ǀarosa ǃgāsasiba ǀai i ǀkhai hîna ǀgoras xa ra ǃhoaba.
b ǀNî hâ ǃhaodi ǃnân ge ǁgûna ǁîn di ǀgôana ǃgammen nî khoe-e ra ǁhûiba. Nēti i ga ī o, on ge ǀnamxaǃnâ ǁgûna. Khoe-i di mari-i tsî ū i hâ xūn ai kō tama. Xawe nē khoe-i, Jehovaba a ǀnam ǃkhaisa ǃoa ra kō.
c ǃGamme tama du hâ khoe-i ǀkha du ga hâ o. O du ge aitsama a mîǁgui ǁkhā. Nē khoe-e ǁnāxu, tamas ka io ǃgammesa.
