Ku visemua vimo, vantu va tsiliela ngecize muntu ka hasa ku yoya mu ndzolela nga ka ambata cipue ku somboka. Vunoni kati vose va liambata va yoya mu ndzolela. Kaha naua, kati vazike ni vimbumba vose va yoya mu ndzolela. Mbimbiliya ya muesa ngecize vuzike na vulo, viose via pua vuana vua tu hana Njambi.

1. Vivezikiso vika via kala ha ku pua muzike?

Mbimbiliya nguayo: “Ou ambata, a linga mua cili, vunoni ou ka ambata a linga mua cili cikuma.” (Tandenu 1 Kolintu 7:32, 33, 38, NWT.) Mu njila ika muzike ue ku linga “mua cili cikuma”? Vakua Kilistu vazike, ka ve ku lisosomua ku tondela mukua ndzivo yavo vize via mu kambela. Muomu ka va kele neni. Ngeci mukemuo, vazike va pua va ku zituka cikuma ku hiana vaze va liambata. Ca ku muenako, vamo vazike ve ku hasa ku vueza ku vipanga viavo via ku ambulula mu vinjila vieka na vieka, ngeci mua ku ka ambuluila ku vifuti vieka. Kaha helu lia viose, va hasa ku pangesa ntsimbu ya ingi, mu ku kaniamesa vusamba vuavo na Yehova.

2. Vukuasi vuka vua kala ha ku liambata muaya masiko?

Ngeci mua vuzike, ku liambata naco ce ku neha vivezikiso via ku lifuila. Mbimbiliya nguayo, “vavali va hiana umo.” (Ekelesiaste 4:9) Aa mezi e ku lipuisamo cikuma-kuma kuli Vakua Kilistu ve ku kava vitume via mu Mbimbiliya mu vulo vuavo. Vampuevo na yala ve ku liambata muaya masiko ve ku likuminia, ku lilema, ku lisingimika na ku lihaka seho umo na mukuavo. Ngeci mukemuo, ve ku lembama mutima, ku hiana va mpuevo na yala ve ku yoyela hamo lika ca ku hona nkuminio na imo yahi. Cikuavo naua, vana ve ku kola vuino mu vulo.

3. Vati Yehova ue ku mona vulo?

Mua hangesele va yala na mpuevo va katete, Yehova ua handekele ngueni: “Yala a ka seza ise na naye, na ku kakatela mpuevo yeni.” (Njenisisi 2:24) Yehova ua tonda va yala na mpuevo, va lileme na ku kakatela kuli umo na mukuavo, mu ntsimbu yose i vali na muono. Ua tavesa lika ku tsiha vulo, nga umo ua vaze va liambata a linga vupangala. Mu citanga caco, Yehova ua hana mpoko ya ku hangula ku tsiha vulo ni kuahi, kuli mukua ndzivo uze kesi na mulonga. a (Mateo 19:9) Yehova ka tavesele luhale.—1 Timoteo 3:2.

 TANTEKEYENU VIKUAVO

5. Hangulenu na mana muntu ua ku liambata neni

Cimo ca vihangula via kama mu muono, ca pua ku hangula muntu ua ku liambata neni. Tandenu Mateo 19:4-6, 9, kaha simutuilenu ha cihula eci:

• Omo lia vika Mukua Kilistu ka pandele ku tuntila mu vulo?

Mbimbiliya i hasa ku mi kuasa ku hangula vuino muntu ua ku liambata neni. Ca seho ya kama, uose u mu hangula na pande ku lema Yehova. b Tandenu 1 Kolintu 7:39 na 2 Kolintu 6:14. kaha simutuilenu ha vihula evi:

• Omo lia vika tua pande ku liambata lika na vamuanetu ni vandumbuetu?

• Mu ku mona cenu, vati ue ku ivua Yehova ku mutima ku tuala ha ku liambata na muntu ka mu lemene?

 6. Monenu vulo ngue mue ku vu muenamo Yehova

Ku Isaleli ya laza, vamo vamala va kele na ku kondola vampuevo vavo omo lia ku tuameka vizango viavo. Tandenu Malakiya 2:13, 14, 16, kaha simutuilenu ha cihula eci:

• Omo lia vika Yehova ua zinda ku tsiha vulo mu vuhenge?

Talenu VIDEO, kaha simutuilenu ha cihula ci na hatako.

• Nga mua liambata na muntu ke ku pangela Yehova, vika mu hasa ku linga mangana mu yoye mu ndzolela mu vulo?

7. Ononokenu vitume via Yehova ku tuala ha vulo

 VI MU NA LILONGESA

Vulo na vuzike, vua pua vuana vua Yehova. Kaha cipue vulo ni vuzike, vu hasa ku tu vuisa ndzolela nga tu vu pangesa mu njila ya ya Yehova ku mutima.

Mpupulule

• Vati muntu a hasa ku pangesa vuino vuzike vueni?

• Omo lia vika Mbimbiliya ya muesa ngecize tua pande lika ku liambata na vamuanetu ni vandumbuetu?

• Kuliya na Mbimbiliya, cuma cika cimo lika ci hasa ku tsihisa vulo?