Miakkan kijtouaj ke se yolpakis sayoj komo se monamiktia, sayoj ke amo nochin akin monamiktijkejya yolpakij uan miakej yolpakij maski ininselti. Tein melauj, Biblia kijtoua ke se netetayokolil komo timonamiktiaj oso toselti.

1. ¿Keniuj tapaleuia maj se iselti?

Biblia kijtoua: “Yejua ika, komo aksa monamiktia kuali yetok, sayoj ke komo amo monamiktia okachi kuali” (xikonita 1 Corintios 7:​32, 33, 38, TNM). ¿Toni kijtosneki maj “okachi kuali” komo aksa amo monamiktia? Tokniuan akin ininselti amo kintekipachoua maj kuali yeto inintakauj oso ininsiuatsin. Yejua ika, sekin ueli kichiuaj okseki taman para okachi kitekitiliskej Jiova, kemej yaskej okseko para kiteixmatiltiskej kuali tanauatilmej. Uan uelis kikuiskej inintiempo para kitemoskej okachi kuali mouikaskej iuan Jiova.

2. ¿Keniuj tapaleuia maj se monamikti ininixpan tekiuanij?

Ijkon kemej akin ininselti, akin monamiktiaj no kiseliaj tein kuali. Biblia kijtoua ke “okachi kuali omen uan amo se” (Eclesiastés 4:9). Uan ijkon panoua keman akin monamiktijkejya kichiuaj tein Biblia kijtoua. Akin monamiktiaj ininixpan tekiuanij moiluiaj ke motasojtaskej, mopoujkaitaskej uan moyekpiaskej ika netasojtalis. Yejua ika okachi kuali momachiliaj ke akin sayoj senyetokej. Uan no, komo kipiaj konemej yejuan okachi kuali momachiliaj.

3. ¿Keniuj kiita Jiova keman se takat uan se siuatsin monamiktiaj?

Keman Jiova kinnamiktij yekinika takat uan yekinika siuat, kijtoj: “Takat kikauas ipopaj uan imomaj uan mosentilis iuan inamik” (Génesis 2:​24). Jiova kineki maj akin monamiktijkejya motasojtakan uan maj senyetokan hasta keman momikiliskej. Kijtoua ke sayoj uelis mokauaskej ininixpan tekiuanij komo semej auilnemi. Jiova kikaua maj akin kikajkayaujkej kiixpejpena ox mokauaskej oso amo (Mateo 19:9). a Jiova amo kineki maj aksa akin kichiua kemej Cristo monamikti iniuan miakej (1 Timoteo 3:2).

 MAJ OKACHI TIMOMACHTIKAN

5. Kuali xikonixpejpena akoni iuan tionmonamiktis

Se kiixpejpenas akoni iuan se monamiktis yejua se taman tein moneki kuali se kiixtalis. Xikitakan Mateo 19:​4-6, 9 uan ika xitajtokan nejin:

• ¿Keyej se tokniuj moneki kuali tanemilis achto ke monamiktis?

Biblia mitsonpaleuis xikonixpejpena se kuali siuatsin oso se kuali takat akin iuan tionmonamiktis. Sayoj ke tein okachi moneki xikonixpejpena aksa akin kitasojta Jiova. b Xikitakan 1 Corintios 7:​39 uan 2 Corintios 6:​14, uan ika xitajtokan nejin:

• Komo se tokniuj kinemilia monamiktis, ¿keyej moneki maj kiixpejpena aksa akin no taneltoka ijkon kemej yejua?

• Komo monamiktia iuan aksa akin amo kitasojta Jiova, ¿keniuj momachilis yejuatsin?

 6. Xikonita nenamiktilis kemej Jiova kiita

Ne uejkauj, itech xolal Israel sekin kikauayaj ininsiuatsin. Xikitakan Malaquías 2:​13, 14, 16 uan ika xitajtokan nejin:

• ¿Keyej Jiova kitauelita maj akin monamiktijkejya mokauakan ininixpan tekiuanij komo amo semej auilnemik?

Xikitakan VIDEO uan ika xitajtokan nejin:

• Komo tionmonamiktij iuan aksa akin amo kitasojta Jiova, ¿toni uelis tikonchiuas para nanyolpakiskej?

7. Xikontamakati tein Jiova tanauatia ika nenamiktilis

 TEIN TIKITAKEJ

Se monamiktis oso se yetos se iselti se netetayokolil tein Jiova techmaka. Komo toselti oso timonamiktijkejya nochin uelis tiyolpakiskej komo tikchiuaj tein Jiova tanauatia.

Maj tikelnamikikan

• ¿Keniuj kuali kikuiskej inintiempo akin ininselti?

• ¿Keyej kijtoua Biblia ke akin kichiuaj kemej Cristo moneki monamiktiskej iuan aksa akin no taneltoka kemej yejuan?

• Kemej kijtoua Biblia, ¿kemanian sayoj uelis mokauaskej ininixpan tekiuanij akin monamiktijkejya?