CHILAYIJO 42
IBhayibhili Linotini Nokuchada Nokusochada?
Bamwe banhu banoti azutota kuti ushante kana usijakalobolwa kana kulobola. Koga abatobeli bose balochada banoshanta akale abatobeli bose basilochada basinoshanta. IBhayibhili linotondeja kuti kuchada kana kusochada zupo zunova kuna Mwali.
1. Ndibupi bubhodo bokusochada?
IBhayibhili linoti: “Ulochada unota zubhodo, koga usilochada unota zubhodo kasa.” (Balani 1 BaKolinte 7:32, 33, 38.) Zunovani kuti unhu usilochada unota “zubhodo kasa”? UnKristo usilochada aana ntolo wokulilitila unkwayina uwe welobolano. Unanonshaji unji wokuta zwaanoda. Sonkwejaniso, bamwe banofulukila kunejimwe inyika kuti bepamijile unshaji wabo wokupupula indebo imbuya. Kupinda zwose bananshaji unji wokusendela pelyo naJehova.
2. Zunobhancha neni kuchada zupopomulawu?
Kuchada nayiko kunobhancha. IBhayibhili linoti “babili babuya kuna umwempela.” (Mbaunuli 4:9) Mawhi yaya ngechokomende kumaKristo alochada anoshingisa zumiso zweBhayibhili mulobolano lyabo. Banhu balochada zupo pomulawu banobimbisana kuti bachadanana, bachalemekejana akale bachalondotana. Yozu zunota kuti begajikane kupinda yabo bamugala bose besilochada. Akale nabana babo bonowha bekatabilijika.
3. Jehova unokubona chini kuchada?
Jehova paakachadisa Adamu naEva wakati: “Unhulume unoosiya tate babe namayi babe enamatile kunkaji uwe, banooba inyama imwempela.” (Matangisilo 2:24) Jehova unoda kuti undume nonkaji bedanane akale begale pamwempela kobupenyu bwabo bose. Unovumila kuti beshimane kana umwe wabo apombola. Pakadalo, Jehova unopa wachinyilwa chibaka chokushaluja kuti unoda kugala naye kana kuti kunshima. a (Mateu 19:9) Jehova aatovumila maKristo kuti ekwalike.—1 Timoti 3:2.
FUNDA ZUNJI
Funda nozokuti ungawana chini lushanto—akale kuti ungonshantisa chini Jehova—zusineni kuti ulochada kana kuti awujilochada.
4. Shingisa zubhodo chipo chicho chokusochada
Jesu wakabebona kusochada sechipo. (Mateu 19:11, 12) Balani Mateu 4:23, akale kwejisani nombuzo yoyu:
-
Jesu wakashingisa chini chipo chiche chokusochada kuti enamate Dade babe akale kuti ebhanche bamwe?
MaKristo asilochada anokwanisa kushingisa chipo chabo chokusochada sozwakatiwa naJesu. Yebani iVIDIYO, akale kwejisani nombuzo unotobela.
-
MaKristo asilochada anokwelela kushingisa chipo chabo mukutani?
Wabezuziba Na?
IBhayibhili alitoleba kuti unhu unokwelela kuchada elinamakole mangana. Koga linokutayija kuti unhu “epinde makole obupya” nokuti mumakole yaya ndopaanoba nechilakulaku chikulwana chokuda kushangana pabulo akale zunosonkomela kuti ete zushalujo nobuchenjeli.—1 BaKolinte 7:36.
5. Shala nobuchenjeli wawuchachada naye
Kushala wawuchachada naye chishalujo chilokosha chawungate. Balani Mateu 19:4-6, 9, akale kwejisani nombuzo yoyo:
-
Neni unKristo esinokwelela kulabukila kuchada?
IBhayibhili linazunu zungakubhancha kuti ushale zubhodo unhu wawuchachada naye. Chinu chilokosha chawunokwelela kuta kushala unhu unoda Jehova. b Balani 1 BaKolinte 7:39 na2 BaKolinte 6:14. Akale kwejisani nemibhuzo yeyi:
-
Neni tikwelela kuchada nonKristo watinonamata naye?
-
Ubweni sokuti Jehova unowha chini ungachada nonhu usinonamata?
Imhuka mbili jilosiyana jikasungwa pamwempela pejogwe, jinolwajisana. Nebo unKristo unochada nonhu usinonamata unoshangamijana nobukukutu
6. Bona kuchada sozunota Jehova
Munshaji wamaIsrayeli, bamwe banhulume bakabeshima bakaji babo nozuzatu zusinakunsholo. Balani Malaki 2:13, 14, 16, akale kwejisani nombuzo yoyu:
-
Neni Jehova ebenga banhu banoshimana nozuzatu zusimo muBhayibhili?
Kupombola nokushimana zunobuza kushushikana kuabcna nokunoyo wawulochada naye
Yebani iVIDIYO, akale kwejisani nombuzo unotobela.
-
Ungochada nonhu usinonamata unokwelela kutani kuti ilobolano lyenu libhudilile?
7. Shingisa zumiso zwaJehova nozokuchada
Unhu unokwelela kushinga nesimba kuti etobeleje zumiso zwaJehova nozokuchada. c Koga Jehova unobakombolela banokweja kuta alo. Yebani iVIDIYO.
Balani BaHebhelu 13:4, akale kwejisani nemibhuzo yeyi:
-
Ubweni sokuti kushingisa zumiso zwaJehova nozokuchada zunobhancha na? Neni udalo?
Jehova ulolingilila kuti maKristo bechade zupo pomulawu akale beshimane zupo pomulawu zunokwendelana nondawu wejihulumende jokwabanogala. Balani Titosi 3:1, akale kwejisani nombuzo yoyu:
-
Ulochada zupo pomulawu na?
UMWE ANGABHUZA KUTI: “Kuchada kunobhanchani? Azutota na kuti banhu bengogala pamwempela?”
-
Ungonshandula chini?
INI ZWAWAFUNDA
Kuchada nokusochada zupo zunova kuna Jehova. Zwose zunokwanisa kuta kuti unhu eshante akale egunchikane kana zuwililana nokuda kwaJehova.
Kubwilulula
-
Unhu usanu achada engashingisa chini zubhodo chipo chiche?
-
Neni iBhayibhili likutayija kuti unhu echade nonhu unomata Jehova?
-
Ndichipi chizatu chimwempela chimomuBhayibhili chinovumila banhu kuti beshimane?
PAMIJA PANA ZWAWAWANA
Zunovani kuchada “munaShe chete”?
Yeba mavidiyo mabili anokwanisa kukubhancha kuti ute chishalujo chibhodo penyaya yokudanana nokuchada.
Bona kuti neni mwanakwayina eti zunu zwaakapiwa naJehova zulokosha kasa kupinda zunu zwaakalashikilwa nazo.
Unhu unokwelela kuyeyani esanu ashaluja kushimana kana kupambukana?
“Kuhloniphe ‘Lokho UNkulunkulu Asekuhlanganisile’” (INqabayokulinda, December 2018)
a Linga Mawhi Apopokupejeleja 4 anolebeka nozokupambukana pesina wapombola.
b Kunejimwe ndawu bazwali banoshalujila bana babo unhu wokuchada naye. Pakadalo bazwali banokwelela kulinga kuti unhu wadeni unoda Jehova na panakuti belinge kuti unanemali kana kuti unozibikanwa chini muchigaba.
c Kana uligele nonhu wawusilochada naye zukokunawi kuti unonshima kana kuti unochada naye.
