LÉZIʼI 42
Ŋwaʼné Ssé ngôôn ngié kô nti lénéŋé té zôʼ pô lôônda?
Aa tsèe tsô métsuié laʼ, lélhʉo pʉa kouang ngié léjououʼ mboŋo aa lé zôʼ. Taʼ, pʉa métsém pié po zôôʼ té jouʼ mboŋo wô, pʉa ntsém pié po néŋé yilé pôb zo té jouʼ kékang wô. Taʼ, Biible gôôn ngié lénéŋée té zôʼ po lézôʼ pou ngouo méfouʼ mié é foo mbwo Ssé.
1. Ée mèe mépi mié mé gwiée lénéŋé té zôʼ?
Biible gôôn ngié: «Gning wuié a zôôʼ a gʉo mboŋoo, taʼ gning wuié a kaa zôʼô gʉo mboŋo tèʼ» (toŋo 1 Korénto 7:32, 33, 38). No kô Biible gôôn ngié gning wuié a té wé nzôôʼ wô gʉo mboŋo tèʼ? Gning wuié aa wé té zôʼ chʉéchʉé ngwiée tam, nti noué a té gwiée ndoum ka manzuiée wuié a gé lié wô. Éfʉʼ ée ngié, ngouo a zéŋé mbwo yé lé gʉa chouŋo no Ssé na wétsô chʉo ka na yétsô laʼ ndiéʼé wô. Nkuiʼi moo, a gwiée tam lé gʉo ngié ntémté yôb Jéova kuiʼi ntʉté.
2. Ée mèe mépi mié mé gwiée na lézôʼ?
Ndésém paʼ lénéŋée té zôʼ, alôônda ying ngwiée mé mépi, Biible gôôn ngié: «Mvfo ée pʉa mépʉa na gning wuié aa yilé yé» (Ékléziaste 4:9). Yôôn kouaʼ ngouo nénʉ ntchouŋé tchouŋé paʼ pʉa pié po zôôʼ né ngiŋé na mémbʉʉ mié ée tsèe Biible. Pʉa pié po zôôʼ chan lé gwiée nkouŋé tsétsèe pôb mbing ngwiée mékouʼ tsétsèe pôb. Pʉa pié po waa néŋé mépʉa échana état civil, pô té néŋé né tchʉôʼ paʼ pʉa pié po té chana état civil wô wô. Ntémté yôb na chʉo mbwo goubé yôb lé gouʼou jʉʼ yié a né nzaté.
3. Jéova giè lôônda lékô?
Jéova la wo ta nnouŋé mvôg mvfo lôônda, ngôôn ngié: «Mambaŋa gé laʼ gnié ta wé po ma wé, égʉa kouèe na nzuié wé» (Génèze 2:24). Jéova né nkouŋo ngié mambaŋa pô nzuié wé koung ménna môb na métam ntsém mié po tsuié jʉo. Jéova zuiing ngié mé fégé, afʉʼé taʼ gning tsétsèe pôb gʉoo magab. Pouʼou, Jéova tsôʼô manzsé mbwo gning wuié mé fʉtée yé na yèe nti, lé tsôʼ ka a gé tʉôgô paa na lôônda wô a (Matio 19:9). Jéova té zuing ngié Mékréeté zôʼ panzuiée é yiôôn wô (1 Timoté 3:2).
YING NKUIʼI NZIʼI
Ziʼi paʼ yié ngouo o gwiée lékag, émbing ngʉo Jéova gwiée yé lékag, mbaa paʼ yié oo wé té zôʼ ka po wé zôôʼ wô.
4. Tchouŋo yousé fouʼ lé néŋé té zôʼ
A laa mbwo Yéeso lénéŋé té zôʼ wo taʼ fouʼ (Matio 19:11, 12). Toŋo Matio 4:23, émbing ngôôn no na yôôn nzaté:
-
Yéeso la yousé fouʼ lénéŋé té zôʼ lé lôg ngouʼté Ta wé lékô? A la ping ndôg nkuiété pétso pʉa lékô?
Paʼ Yéeso, ngouo taʼ Kréeté gwiée lékag lé néŋé té zôʼ. Tsôʼô VIDÉO, émbing ngôôn no na nzaté yié ée mvfo.
-
Ée mèe méfaʼ mié é gwiée mépi, émié Mékréeté pié pô néŋé té zôʼ gwiée lé faʼ?
Oo péʼé nzsé?
Biible té ngôôn tam wuié ngouo mé zôʼô moo wô. A na ntʉôgô ngôôn ngié «aa mboŋo lé zuiʼté ta tam wuié lézsée mambaŋa kaa manzuiée wô aa létʉm gning tèʼ, a tôg ta ngang zôʼ». Aa tsoo tam wuié nkouaŋa no chʉ pou ngiôôn ta ngouo é tsoté gning lé fʉa kouo yé. (1 Korénto 7:36).
5. Tchouŋo ntsôʼô gning wuié o gé zôʼô yé
Létsôʼôô gning wuié o gé zôʼô yé, aa taʼ ndésiziông ngouo tʉnzuing atsèe léwô wé gning mésong. Toŋo Matio 19:4-6, 9, mbing ngôôn no na yôôn nzaté:
-
Taʼ Kréeté gwiée lé pii tam ndôg ntsig ta nzôʼ nti kô?
Biible gôôn no na méma mié ngouo mé faʼa na gning wuié mé gé zôʼô yé. Ma wuié a pouou ngouo wé ntchouŋé tchouŋé wo ngié, a gwiée lé wô gning wuié a kouŋo Jéova. b Toŋo 1 Korénto 7:39 po 2 Korénto 6:14. Mbing ngôôn no na môôn ménzaté:
-
Nti kô pégé gwiée lé ké nzôʼ po daʼ gning wuié a gouʼté Jéova?
-
Kréeté lôôn ntsôʼô lé zôʼô gning wuié a té gouʼté Jéova wô, mba Jéova gé jouʼ lékô?
Ngouo mé lé chʉôgô kôʼ na long ménôôn mémbʉa pié po té gwiée taʼ tʉ wô mba pô gé jouʼ kékang. Ndésém pouʼou, gning wuié a zôʼô gning wuié a tée ngouʼté Jéova wô a gwiée méngégé tèʼ.
6. Giè lôônda paʼ Jéova giè yé
A laa tso fʉʼ tsaa laʼ Israel, mbaŋa faga ménnè nzém mézuié pôb paʼ po koung. Toŋo Malachi 2:13, 14, 16, mbing ngôôn no na yôôn nzaté:
-
Nti kô Jéova pʉa ngié mé chʉaté état civil té wo yié ntong ée yé mboŋo?
No magab pô létʉôgô paa na lôôn nda gʉo gning wuié a kaa gʉo tso mmo wô jouʼ kékang, mboo pénkʉ.
Tsôʼô VIDÉO, ngôôn no na nzèté yié ée mvfo.
-
O lôôn ngouô wé zôôʼ lé gning wuié a té gouʼté Jéova wô, mba ngouo o gʉo lékô ta lôônda you ying?
7. Yiŋé na mémbʉʉ mié Jéova naa nti lôônda
Léyiŋé na mémbʉʉ mié Jéova naa nti lôônda a to tso fʉʼ nzaté lé saʼ métʉ téʼ c taʼ, gning wuié a ké ngiŋé moo gwiée mébélésé Jéova. Tsôʼô VIDÉO.
Toŋo Héber 13:4, mbing ngôôn no na môôn ménzèté:
-
Mémbʉʉ mié Jéova naa nti lôônda pʉlé? O gôôn pouʼou nti kô?
Aa tsèe lélhʉo mélaʼ mé gôôn ngié pʉa chana ŋwaʼné lôônda ta nzôʼ, ka chan pô yé léfagté wô. Jéova gôôn mbwo Mékréeté ngié pô yiŋé na mèe méloua. Toŋo Titous 3:1, mbing ngôôn no na yôôn nzaté:
-
Pi gning lôôn né nnéŋé, o tra lé zsé ka o chaan mépipa lôônda mou wô?
NGOUO TSÔ PɄA ZATÉ WOU NGIÉ: «O chaan mépipa ta nzôʼ nti kô? Ngouo mé lé gʉo lôônda té chan mépipa wô ka?»
-
Ngouo o tsôʼ ngié kô?
TA O ZIʼII KÔ?
Lôôn nda pô lénéŋée té zôʼ éé méfouʼ mié ée foo mbwo Jéova. Ngouo pʉa métsém gwiée lékag paʼ yié po lôôn né ngiŋé na mémbʉʉ Jéova.
Ta o né nkimté?
-
Ngouo gning tchouŋo yousé léwo yié a néŋé té zôʼ lékô?
-
Ŋwaʼné Ssé gôôn ngié mé zôʼ po gning wuié a gouʼté Jéova?
-
Biible gôôn ngié akô gwiée lé gʉo lôônda faga?
KUIʼI FAʼ
Lézôôʼ po ndaʼ ngaŋa kwo Yéeso lôgô ngôôn ngié kô?
« Questions des lecteurs » (La Tour de Garde, 1er juillet 2004)
Méntʉôgô mié é gôôn no na légouôtée gning po lôônda atsèe mévidéo mémbʉa.
Jéova la tsôʼô faʼ taʼ fè wuié létsôôʼ mémanzsé la té zéŋé mbwo yé wô lékô?
N da né nkouaŋa yôôn pé ngié a gé zuiŋé léziʼi Biible (1:56)
O gwiée lé vôg ntsigé no na kô ta ngiè ka o gé faga lôônda wô?
« Honore ‘ce que Dieu a uniʼ » (La Tour de Garde, décembre 2018)
b Aa na tso métsuié la’, méta zoo tsô’ ndoum ming wôb ka nzuiée ming wôb wô. A lôôn nké ngouô pou’ou, méta lé lié pô nzuing nkab yié ngang gwiée wô, pô lié pô ngié ka ngang kouŋo Jéova wô.
c Pi gning lôôn né ndaʼa, mba pi yé kaa chèn mépipa lôôn nda wô, mba wou zo gwiée lé tsôʼ ka pi yé gé fégé wô, ka pi yé gé néŋé wô.
