EISHOMO 42
Baibuli Neegamba ki aha Bushwere n’Okutabuzamu?
Abantu abamwe nibaikiriza ngu torikubaasa kushemererwa waaba atagiire mu bushwere. Kwonka, ti boona abari omu bushwere ngu bashemereirwe, kandi ti boona abataburimu ngu tibashemereirwe. Amazima gari ngu, Baibuli neegira ngu obushwere n’okutabuzamu byombi n’ebiconco.
1. Emigisha y’okutaza mu bushwere n’eha?
Baibuli neegira eti: ‘Orikushwera, naaba akozire gye, kwonka orikureka kushwera [naakizaho] kukora gye.’ (Shoma 1 Abakorinso 7:32, 33, 38.) Orikuba atagiire omu bushwere naakizaho kukora gye mu miringo ki? Abatari mu bushwere nibaba bataine abakazi nari baibabo ab’okureeberera. N’ahabw’ekyo, okutwarira hamwe nibaba baine obugabe bwingi. Nk’eky’okureeberaho, nibabaasa kwongyera aha buheereza bwabo, nk’okuza omu mwanya ogundi kubuurira makuru marungi. Okukira byona, nibabaasa kumara obwire bwingiho barikuhamya omukago gwabo na Yehova.
2. Emigasho y’obushwere obuhikire n’eha?
Obushwere nabwo bwine ebirungi byabwo, nk’okutaba mu bushwere. Baibuli neegira ngu “ababiri nibakira omwe.” (Omubuurizi 4:9) Eki kihikire na munonga aha Bakristaayo abarikugyendera aha misingye ya Baibuli omu bushwere bwabo. Abari omu bushwere obuhikire nibaragaana kukundana, kuhaana ekitiinisa, n’okutwarana nk’ab’omuhendo. N’ekirikurugamu, nibagira oburinzi obwabuzima okutashushana n’abo abarikutuura hamwe, kwonka batagaitsirwe. Kandi obushwere obuhikire nigwo musingi gw’okworora gye abaana.
3. Yehova naagamba ki aha bushwere?
Obu Yehova yaatandikaho obushwere bw’okubanza, akagira ati: ‘Omushaija naija kutsigaho ishe na nyina, agume n’omukazi we, bombi babe omubiri gumwe.’ (Okutandika 2:24) Yehova naayenda ngu omushaija n’omukazi we bakundane, kandi bagume kumwe baaba bakihuriire. Naikiriza ngu habeho okugaitururwa omwe aharibo yaashambana. Eki kyabaho, ou bashaagiize naabaasa kucwamu yaaba naayenda kugaitururwa. a (Matayo 19:9) Yehova tarikwikiriza Omukristaayo kuza omu bushwere n’abantu abarengire ahari omwe.—1 Timoseo 3:2.
SHWIJUMA GYE
Manya oku orikubaasa kutunga okushemererwa, kandi okashemeza na Yehova yaaba ori omu bushwere nari otaburimu.
4. Koresa gye ekiconco ky’okutaba mu bushwere
Yesu akaba naatwara okutaba mu bushwere nk’ekiconco. (Matayo 19:11, 12) Shoma Matayo 4:23, kubaasa kugarukamu ekibuuzo eki:
-
Yesu akakoresa ata ekiconco kye eky’okutaza omu bushwere kuheereza Ishe, n’okuhwera abandi?
Abakristaayo abatari mu bushwere nibabaasa kuheereza bashemereirwe nka Yesu. Zaana VIDIYO, kubaasa kugarukamu ekibuuzo ekirikukurataho.
-
Abatari mu bushwere nibabaasa kuheereza gye bata bashemereirwe?
Eki waaba nookimanya?
Baibuli terikugamba emyaka y’okutandikiraho kuza omu bushwere. Kwonka, neehiga omuntu kutegyereza kuhitsya yaarenzya emyaka y’obushogoyo, obwire obu ekyetengo ky’okuteerana kirikuba kiri eky’amaani.—1 Abakorinso 7:36.
5. Toorana omukundwa waawe n’obwegyendesereza
Okutoorana omukundwa ni kumwe aha kucwamu kukuru. Shoma Matayo 19:4-6, 9, kubaasa kugarukamu ekibuuzo eki:
-
Ahabw’enki Omukristaayo ataine kurahukiiriza kutaaha omu bushwere?
Baibuli neekuhwera kumanya emitwarize ei oine kureeba omu muntu ou orikwenda kuza nawe omu bushwere. Ekikuru munonga, sherura omukundwa orikukunda Yehova. b Shoma 1 Abakorinso 7:39 na 2 Abakorinso 6:14, kubaasa kugarukamu ebibuuzo ebi:
-
Ahabw’enki Omukristaayo aine kuza omu bushwere n’Omukristaayo mugyenzi we?
-
Noogira ngu Yehova naayehurira ata Omukristaayo yaaza omu bushwere n’otarikumukunda?
Enyamaishwa ibiri ezitarikwingana zaakoresibwa hamwe, zombi nizibonabona. Nikyo kimwe, Omukristaayo yaaza omu bushwere n’otarikuheereza Yehova, naatunga oburemeezi bwingi
6. Gira emiteekateekyere nk’eya Yehova aha bushwere
Omu Israeli eya ira, abashaija abamwe bakaba nibagaitururwa n’abakazi baabo ahabw’enshonga z’okweyendeza. Shoma Malaki 2:13, 14, 16, kubaasa kugarukamu ekibuuzo eki:
-
Ahabw’enki Yehova naayanga okugaitururwa okutahikire?
Obushambani n’okugaitururwa nibireetera ou bashaagiize n’abaana obusaasi bwingi
Zaana VIDIYO, kubaasa kugarukamu ekibuuzo ekirikukurataho.
-
Ku oraabe ori omu bushwere n’otarikuheereza Yehova, noobaasa kukora ki kugira obushwere burungi?
7. Gyendera aha mitindo ya Yehova ey’obushwere
Omuntu naaba aine kuteeraho munonga kugyendera aha mitindo ya Yehova erikukwata aha bushwere. c Kwonka Yehova naaha emigisha abarikukora ekyo. Zaana VIDIYO.
Shoma Abaheburaayo 13:4, kubaasa kugarukamu ekibuuzo eki:
-
Ahabw’enki nooteekateeka ngu emitindo ya Yehova erikukwata aha bushwere n’ey’obwengye?
Yehova naayenda ngu Abakristaayo bahandiikise obushwere bwabo n’okugaitururwa, ahabw’okugira ngu omu mahanga maingi gavumenti nikyo zirikushaba. Shoma Tito 3:1, kubaasa kugarukamu ekibuuzo eki:
-
Ku oraabe ori omu bushwere, oine obuhame ngu obushwere bwawe nibwikirizibwa omu gavumenti?
OMUNTU NAABAASA KUBUUZA ATI: “Ahabw’enki nyine kuhandiikisa obushwere? Abakundaine shi tibarikubaasa kutuura hamwe batagaitsirwe?”
-
Noobaasa kugarukamu ota?
OMU BUGUFU
Obushwere n’okutabuzamu byombi n’ebiconco kuruga ahari Yehova. Ori omu bushwere n’otaburimu bombi nibabaasa kutunga okushemererwa n’okumarwa baakora ebirikuhikaana n’ebi Yehova arikukunda.
Okweijutsya
-
Omuntu naabaasa kukoresa gye ata ekiconco kye ky’okutaba omu bushwere?
-
Ahabw’enki Baibuli neegira ngu twine kuza omu bushwere n’Abakristaayo bagyenzi baitu bonka?
-
Ni nshonga ki yonka omu Byahandiikirwe ey’okwihiriraho kugaitururwa?
JUMBURA EBINDI
Okuza omu bushwere omuri “Mukama” honka nikimanyisa ki?
“Ebibuuzo Kuruga omu Bashomi” (Omunaara gw’Omurinzi, Gyuraayi 1, 2004)
Reeba vidiyo ibiri ngufu ezirikubaasa kukuhwera kucwamu gye aha nshonga y’okuriima n’obushwere.
Manya ahabw’enki ow’eishe-emwe omwe naareeba ngu ebi Yehova amuhaire nibikirira kimwe ebi yaayefeerereize.
Ni bintu ki ebimwe ebi omuntu aine kuteekateekaho yaaba naayenda kugaitururwa nari kutaana?
“Ha Ekitiinisa ‘Eki Ruhanga Yaateeraine Hamwe’” (Omunaara gw’Omurinzi, Desemba 2018)
a Reeba Ebirikukiraho 4 kumanya ebirikukwata aha kutaana hatabaireho obushambani.
b Omu bicweka ebimwe, abazaire nibatooranira batabani baabo nari bahara baabo abakundwa. Kyaba nikwo kiri, abazaire abarikukunda abaana baabo nibafayo kumanya yaaba omwojo nari omwishiki naakunda Yehova.
c Ku oraabe nootuura n’omuntu ou otagaitsirwe nawe, kiri ahariiwe kuguma nawe nari kumureka.
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
