PEꞌLA 42
Dxus eçaꞌ kĩh kik weꞌw ptamusaa vxiteꞌ iiyumeesaweꞌsxte
Mazkwẽ nasaweꞌsx naꞌjĩneꞌta: weçxan fxiꞌze wẽeçxa ptamuuwaꞌj jiꞌphuneꞌta, nawa ptamuuçxa vxiteꞌ iiyumeesawa isateyuꞌ theysa jiꞌphutxna. Ptamuniisa vxiteꞌ iiyumeesa Dxus peesnisana.
1. ¿Iiyumeesa kĩh ewsa jiꞌphki?
Dxus eçaꞌ naꞌjĩꞌk: “Maawa txãꞌwẽ kmiꞌaꞌjsaꞌ ew íiçxáa yũuna. Nawa kmiꞌaꞌjsameꞌ jxthaakwe ew yũuna” (lẽeywe 1 Korintios 7:32, 33, 38). Iiyumeete “wejx ewna”, ¿kĩh yũuçxa? Iiyumeesayuꞌ wejxkwe een jiꞌphuyaꞌ ãjana Dxusaꞌs selpiiwaꞌj, txaꞌwẽy wejxkwe namiku yũuna Jeuwa yakh. Dxus yuweꞌs mtee ptaꞌsxyaꞌ uꞌjweçxawa thẽymee uꞌjwe.
2. Nasa jxkaahnisaꞌs nwẽeseꞌjwaꞌj jiꞌphnetkhaꞌw ptaamuu wẽeçxa, ¿kĩh yũuçxa?
Iiyuunisamee vxiteꞌ ptamuniisawa ewna. Dxus eçyuꞌ naꞌjĩꞌk: “Jeꞌz ewna teeçxsaçxa naꞌwẽmee” (Eclesiastés 4:9). Naa weꞌwniꞌs cristianoweꞌsxyuꞌ kxteyneꞌta yuu, ptamuuçxa wala nweꞌweneꞌta, peeykãhaneꞌta txãaweꞌsxiiçxa. Txãꞌw yũuçxa wala weçxan fxiꞌzeneꞌta. Luuçx jiꞌphçxayuꞌ, nweꞌwaꞌj jiꞌphyã.
3. ¿Jeuwa kĩh kik yaatxi ptaamuunisate?
Jeuwa teeçx piçthẽꞌj vxiteꞌ uꞌyaꞌ kaaptamuꞌjne Jardín de Edente. Jeuwa naꞌjĩne: “Txãa paꞌka piçthẽꞌja peekx neyweꞌsx tasxu txuteeçxa peekx nyuu yakh utxaaçxa, txãwẽ yũuçxa jeꞌzçxawa teeçxsaçxaa naꞌwẽ yũun paꞌjayã” (Génesis 2:24). Jeuwayuꞌ ptamsatxiꞌs txutee jxkaahaçmeeneꞌ, nmiꞌ maꞌk yuu meeçxaꞌ nyuu maꞌk yuu, nawa pkaal kazxte wetete, divorsiaĩyã ãjawaꞌjsana (Mateo 19:9). a Jeuwayuꞌ naꞌwne jxthãasuꞌ: piçthẽꞌjaꞌ teeçx nyuuçxa jiꞌphuwaꞌjna, txaꞌwẽy uꞌyaꞌ teeçx nmiꞌçxa jiꞌphuwaꞌjna (1 Timoteo 3:2).
WEJXKWEÇXA PIYAN UꞌJWEKA
Ptamsaweꞌsx vxiteꞌ iiyuusamee Jeuwaꞌs selpiiyã ãjaneꞌta, ¿maꞌw kitx yũu? Naa peꞌlate piyayaꞌ ãjaneꞌga.
4. Iiyumeeçxa, ew mjĩiwaꞌj jiꞌphuneꞌga
Jesusyuꞌ iiyumeeneꞌ, nawa weçxanku fxiꞌze (Mateo 19:11, 12). Lẽeywe Mateo 4:23, txajuꞌ naa papẽynisatxiꞌs paswe:
-
¿Jesusyuꞌ iiyumeeçxa txãjx Neyaꞌs maꞌwka selpii, saꞌ txaꞌwẽy vxitetxiꞌs maꞌwka puꞌçxh?
Cristiano iiyuusamee Jesús naꞌwẽy fxiꞌzete, weçxan fxiꞌzeneꞌta. Txãa VIDEUꞌS thegwe, txajuꞌ naa paapẽynisatxis paswe:
-
¿Cristianoweꞌsxaꞌ iiyumeeçxawa maꞌw wejxkwe Dxusaꞌs selpiiyaꞌ ewuutx?
¿Jiiga?
Dxus eçyuꞌ naꞌjĩꞌçmeeneꞌ maꞌz año jiꞌphçxa iiyuwatewa. Neeweꞌwene: nmeh piçtakxiiçxa mũythaswaꞌj jiꞌphneꞌga, nmeh piçtakxiiçxa deseos sexualesçxan kaavxaꞌjyaꞌ nwẽeseꞌjwaꞌj jiꞌpꞌhmeeneꞌga, jxpubaꞌjyaꞌmee. Txãa paꞌka mũythaaswaꞌjꞌ jiꞌphuneꞌga ew ptaamuu wẽeçxa (1 Korintios 7:36).
5. Ptaamuu wẽeçxa ew txhitxhwe
Kim yakh ptaamuu wẽeçxawa, txãaꞌs txhitxhnisa wala jxthuhthesana idx ĩtxi fxiꞌzenisate. Lẽeywe Mateo 19:4-6, 9, txajuꞌ naa paapẽynisatxiꞌs paswe:
-
¿Cristianoyuꞌ maꞌw yũuçxa ew yahkxwaꞌj jiꞌphki iiyuumey?
Dxus eçaꞌ ptaꞌsxiꞌk kĩh yũuwaꞌj jiꞌphtewa ew ptaamuu wẽeçxa, Jeuwan selpiisaaꞌs pakweneꞌga b. Lẽeywe 1 Korintios 7:39 vxiteꞌ 2 Korintios 6:14. Txajuꞌ naa paapẽynisatxis paswe:
-
Cristianosweꞌsxiiçxaa ptaamuuwaꞌj jiꞌphnetkhaꞌw, ¿kĩh yũuçxa?
-
¿Dxusna selpiisa yakhmee ptamuute, ¿maꞌw kik theguꞌ Dxusaꞌ?
Toro yakh burro yakh kmajĩꞌjite wala thẽysa jiꞌphuyã. Açyu teeçx piçthẽꞌj, uꞌy yakh ptaamuu wẽeçxa, Dxusna selpisaamee yakh ptaamuuçxaa wala thẽysa jiꞌphuna txaꞌwẽy.
6. Ptamuniiꞌs Jeuwa maꞌwne theguꞌ, txaꞌwẽyga thegwaꞌj
Txaantey israelitasweꞌsxyuꞌ txãaweꞌsxiiçxaa yaatxineꞌta, txãa paꞌka txãjx nyuuweꞌsxtxiꞌs txutee wẽjeneꞌta. Lẽeywe Malaquías 2:13, 14 vxiteꞌ 16, txajuꞌ naa paapẽynisatxis paswe:
-
¿Jeuwayuꞌ ahçemaꞌk ĩꞌnee txuteete?
Pkaal kazx yũunisa vxiteꞌ txuteenisaꞌs luuçxtxiꞌs wala kaanxusuꞌjn nvxitune.
Txãa VIDEUꞌS thegwe, txajuꞌ naa paapẽynisatxis paswe:
-
Nmiꞌ meeçxaꞌ nyuu Dxusaꞌs selpiimeeçxa, ¿maꞌw weçxan fxiꞌzeyaꞌ ãjatxki?
7. Ptamusaa Jeuwa jxkaahniꞌs nwẽeseꞌjwe
Dxus jxkaahniꞌs ptamuniisate kxtey yuute wala thẽyna maii ptamsaweꞌsxtxiꞌs. c Nawa nwẽeseꞌjteyuꞌ Jeuwa wala bedesĩyna. Txãa VIDEUꞌS thegwe.
Lẽeywe Hebreos 13:4, txajuꞌ naa paapẽynisatxis paswe:
-
¿Ptamuniisa Dxus yuwete weꞌwenisa ewmanx?, ¿kĩh yũuçxaga txãꞌw yaatxi?
Ptamuniiꞌs legalmente ũs wẽeçxa jxkaahsaweꞌsxyuꞌ maꞌwneꞌta jxkaaha, txaꞌwẽyçxa yũuwaꞌj jiꞌphneꞌta, divorsiaĩywaꞌj txaꞌwẽy legalmente ũs wẽeçxa, Jeuwayuꞌ txãꞌwne jxthãasu. Lẽeywe Tito 3:1, txajuꞌ naa paapẽynisatxis paswe:
-
Idxaꞌ iiyuuçxa, ¿jiiga idx ptamuniiꞌs legalmente ewyãꞌj ũsmanx? ¿Iiyuumee fxiꞌzeçxa txutee wẽeçxa idx yahkxwaꞌj jiꞌphneꞌga?
MAII NASAWEꞌSXAꞌ NAꞌJĨTX: “Legalmente ptaamuu wẽete jxthuhthesameena sũhn yahkxneꞌta”.
-
¿Kĩh pasuguigk?
¿AYTE PAꞌJ KĨHKXTHAꞌW PIYA?
Iiyuusameeyuꞌ vxiteꞌ ptamusaa txãꞌw yuũ Dxus peesnisana, iiyuusamee ptamsawaꞌj Dxusaꞌs selpiiyã ewuuyã. Txãꞌw yũuçxa wala weçxawaꞌj jiꞌphutxna Dxus maꞌwne jxthãasuꞌ txaꞌwẽy.
¿Kĩh pasuguigk?
-
Iiyunimeesa, ¿kĩh ew yũuyã ãjatxki?
-
¿Kĩh yũuçxa kik Dxus yuweyuꞌ Cristianotxiꞌs idx fe jiꞌphuniꞌs yaꞌptaamuu kaahaꞌk?
-
Dxus eçte weꞌwnisa, ¿kĩh yũu paꞌka divorsiaĩyã ãjaki?
WEJXKWE PIYAYA ÃJANEGA
¿“Señorteçxaa iiyuu jĩnisa” kĩhkx?
Ptaamuu wẽeçxa ew txhitxhyaꞌ ewuuneꞌga, naa eꞌz video idxaꞌs puꞌçxhina.
¿Ptaamuuyawaꞌjçxa maꞌw pheuꞌjyaꞌ ãjakxthaꞌw wãt fxiꞌze wẽeçxa? (11:53)
Teeçx picthẽꞌj kĩjkĩhnawa jxuka nvxihtne, nawa Jeuwayuꞌ zxiçxkwesane pees.
Txutee wẽeçxa ew yahkxwaꞌj jiꞌphneꞌga, kĩh yũuyaꞌ jiꞌphtewa, ayte meen lẽeywe.
“Ptaamsayãtxiꞌs wala respetaywaꞌjna” (Ptaꞌsxnĩ, diciembre, 2018te)
b Maii neyweꞌsxyuꞌ txãjx nçxiꞌkweꞌsxtxiꞌs ptaamuu wẽete pakweneꞌta piçthẽꞌj meeçxaꞌ uꞌy ptamuuwaꞌj. Nawa txãaweꞌsxyuꞌ Dxusaꞌs selpiina ũssaçxaneꞌta theguꞌ, vxu wala jiꞌphsa theguꞌçmeeneꞌta. Dxusaꞌs selpiisa wala jxthuhthesana.
c Idxaꞌ iiyuumee fxiꞌzen ũsçxawa, nawa Dxus eçte isasaꞌs jiyuçxa. Idxyuꞌ txhitxhwaꞌj jiꞌphneꞌga, iiyuumag meeçxaꞌ txuteemag.
