Jaʼyan̈ ijɨɨsyajpa iga tamaymayataʼmpa siiga tan̈koʼmɨytyaʼmpa, pero dyaʼ ityumpɨy maymayyaj. Maymaytyim jempɨk dyanam an̈koʼmɨyñeyaj. Jeʼm Biblia nɨmpa iga jempɨk an̈koʼmɨyñeyajum y jempɨk dyaʼ an̈koʼmɨyñeyaj iniityyaj tuum xaaja.

1. Siiga algun i dyaʼ an̈koʼmɨyñeʼ ¿juutypɨk iwɨwadaʼyba?

Jeʼm Biblia nɨmpa: «Jempɨk an̈koʼmɨʼyba iwɨwatpa, pero jempɨk dyaʼ an̈koʼmɨʼyba maaj iwɨwatpa» (maayɨʼ 1 Corintios 7:32, 33, 38, TNM). ¿Tyi nɨmtoʼoba iga algun i «maaj iwɨwatpa» siiga dyaʼ an̈koʼmɨʼyba? Jempɨk dyaʼ an̈koʼmɨyñeyaj dyaʼ kobakpijyajpa iga ikuixyajpa iwɨdyaaya o iyoomoʼ. Jeʼyukmɨ wɨap iwatyaj tyiam ixunyajpa. Jempɨk dyaʼ an̈koʼmɨyñeyaj wɨap ikuyooxayaj Jehová tun̈gak an̈eymɨ. Y jeʼeyaj maaj iniityyajpa tiempo iga ipɨɨmchiyajpa jeʼm iwɨnanɨgoʼoyi kun Jehová.

2. Siiga algun i an̈koʼmɨyñeum ¿juutypɨk iwɨwadaʼyba?

Jempɨk an̈koʼmɨyñeyajum iwɨnɨgayyajpatyim. Jeʼm Biblia nɨmpa «iga maaj wɨɨ siiga wɨstenyaj» (Eclesiastés 4:9). Jeempɨgam naspa jesɨk jeʼm an̈komɨʼɨyiyaj ikupɨkyajpa jeʼm Dios ian̈kiʼmayoʼoyiyaj. Jempɨk an̈koʼmɨyñeyaj najɨykamayyajtaap iga natoyyajtaap, nakwiñkejayyajtaap respeto y nakuixyajtaap. Jeʼyukmɨ maaj maymayyaj que jempɨk numaaj napɨkyajtaap. Jempɨk an̈koʼmɨyñeyaj maaj wɨap ikuixyaj jeʼm imanɨktam.

3. ¿Juʼuts iaʼm Jehová jeʼm an̈komɨʼɨyi?

Jesɨk Jehová iwat jeʼm wiñtyipɨk an̈komɨʼɨyi nɨm: «Tuum pɨɨxiñ ichakpa ijaatun̈ y iaapa iga iwaganaitypa jeʼm iyoomoʼ» (Génesis 2:24). Jehová ixunba iga jeʼm pɨɨxiñ kun iyoomoʼ natoyyajtaiñ y odoy natsakyajtaiñ. Y numaaj iaʼmchiʼiba iga natsakyajtaiñ siiga tuum pejoʼyba. Siiga jeempɨgam naspa, Dios iaʼmchiʼiba jempɨk dyaʼ pejoyñeʼ iga ipɨguiñ ijɨɨxi siiga iwaganaitypanam iwɨdyaaya o iyoomoʼ (Mateo 19:9). a Jehová dyaʼ iaʼmchiʼiba iga jempɨk ikuyooxayajpa iniityyajiñ wɨsteen yoomoʼ o wɨsteen iwɨdyaaya (1 Timoteo 3:2).

 MAAJ TAN̈WƗKUYUJKAIÑ

5. Wɨkupin̈ɨ kun i min̈koʼmɨʼyba

Tsaam wɨɨ iga iñtyeguedaiñ in̈kupin̈ kun i min̈koʼmɨʼyba. Maytyaʼamɨ Mateo 19:4-6, 9 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyiʼiga wɨɨ iga tuum cristiano iwɨjɨɨxiñ wiñtyi tyi iwatpa siiga an̈koʼmɨʼyba?

Jeʼm Biblia miyooxpaʼtpa iñjoodon̈a juʼptam jɨɨxiyaj ikwiñkejiñ algun i kun jempɨk min̈koʼmɨʼyba. Kupin̈ɨ algun i jempɨk ityoyba Jehová. b Maytyaʼamɨ 1 Corintios 7:39 y 2 Corintios 6:14. Okmɨ an̈mattaʼamɨ tyi iñjɨɨstaʼmpa y kutson̈taʼamɨ:

• Siiga tuum cristiano ipɨkpa ijɨɨxi iga an̈koʼmɨʼyba ¿tyiʼiga wɨɨ iga an̈koʼmɨʼyiñ kun algun i jempɨk ikuyooxaptyim Dios?

• Siiga min̈komɨʼyba kun algun i jempɨk dyaʼ ityoyba Jehová, ¿juʼutssɨ in̈jaam jeʼ?

 6. Aʼmɨ jeʼm an̈komɨʼɨyi juʼutstyim iaʼmpa Jehová

Wiñɨk, weeñi israelitas ichoobɨy tsakyajpa idyɨk jeʼm iyoomoʼ. Maytyaʼamɨ Malaquías 2:13, 14, 16 y an̈mattaʼamɨ tyi iñjɨɨstaʼmpa y kutson̈taʼamɨ:

• ¿Tyiʼiga Jehová ijooyixpa jesɨk jeʼm an̈komɨʼɨyiyaj natsakyajtaap mex iga dyaʼ i pejoʼoyi?

Aʼmtaʼamɨ jeʼm VIDEO y an̈mattaʼamɨ tyi iñjɨɨstaʼmpa y kutson̈taʼamɨ:

• Siiga min̈koʼmɨyñeʼ kun algun i jempɨk dyaʼ ikuyooxaap Jehová, ¿tyi wɨap in̈wat iga mimaymayataʼmiñ?

7. Kupɨɨkɨ jeʼm Jehová ian̈kiʼmayoʼoyiyaj siiga min̈koʼmɨyñe

 JEMPƗK TAN̈KUYUJKAʼ

Jempɨk dyaʼ an̈koʼmɨyñeyaj y jempɨk an̈koʼmɨyñeyajum ipɨktson̈neyaj jeʼm Jehová ixaaja. Siiga tan̈kupɨkpa Dios wɨap tammaymaya dyaʼ tyi ijoo siiga tan̈koʼmɨʼyba o dyaʼ.

¿Iñjɨɨspanam?

• ¿Juutypɨk wɨap iwɨkuyooxaoy jempɨk dyanam an̈koʼmɨyñeʼ?

• ¿Tyiʼiga nɨmpa jeʼm Biblia iga numaaj tan̈koʼmɨʼyiñ kun algun i jempɨk ikuyooxaptyim Dios?

• Juʼuts nɨmpa jeʼm Biblia, ¿juchix iaʼmchiʼiba Jehová iga iwatyajiñ divorcio jempɨk an̈koʼmɨyñeyaj?