ROSO 42
Qullaawu Maxaafi Adhammikki Heeˈratenna Adhamate Daafira Mayyaanno?
Mitu budira, mittu manchi seenne adha hoogiro woy meyati mine assiˈra hoogguro, hagiirre diafidhanno yine hendanni. Ikkollana, adhaminohu baalu hagiirraamoho yaa woy adhaminokkihu baalu dadillaamoho yaa diˈˈikkino. Isinni Qullaawu Maxaafi adhammikki heeˈrano adhamano Yihowa elto ikkitinota kulanno.
1. Adhammikkinni heeˈniro afiˈnanniti mite horo hiitteeti?
Qullaawu Maxaafi togo yaanno: “Adhannohu dancha coye assino; adha hooginohuno roore dancha assino.” (1 Qorontoosi 7:32, 33, 38 nabbawi.) Adhaminokki manchi ‘roore dancha assannohu’ hiittoonniiti? Adhaminokki Kiristaani galte towaaxxa dihasiissannonsa. Hakko daafira, xaphoomunni insara roore injo noonsa. Lawishshu gedera, mitootu soqqanshonsa halashshiˈrate addi coye assa lawishshaho wole qooxeessa hadhe dancha duduwo kula dandiitino. Roorenkanni, insa Yihowawa shiqate roore yanna afidhanno.
2. Seeru garinni adhammiro afiˈnanniti mite horo hiitteeti?
Adhammikki heeˈrate gede, adhamano baxxitino kaaˈlo afidhino. Qullaawu Maxaafi “Mitto calla ikkantenni lame ikka woyyitanno” yaanno. (Rosiisaancho 4:9) Hakko iso Qullaawu Maxaafiha xintu seera harunsanno minaanninna minaama tini halaale ikkitinota uminsa heeshshonni laˈˈanno. Seeru garinni adhamanno minaanninna minaama, mimmito woˈmanka woyite baxate, ayirrisatenna towaatate qaale eanno. Hakko daafira insa, mimmitoho qaale eikkinni mulla mitteenni heeˈranno manninni roore teese heeˈranno. Oosonsano teesse heedhanno.
3. Yihowara adhatenna adhamate daafira mayi lao noosi?
Yihowa umo adhanna adhama xinti woyite togo yiino: “Mannu annasinna amasi agure, galtesi ledo mitto ikkanno.” (Kalaqama 2:24) Yihowa, minaanninna minaama lubbote noo yanna geeshsha mimmito baxaranna mitteenni heeˈrara hasiˈranno. Isi adhama diinganni gede fajjinohu minaanni woy minaama soorriro callaati. Togoo yannara, Yihowa baddalamino minaanni woy minaama adhamansa diigannoronna teˈee uminsa doodhanno gede qoosso uyinonsa. a (Maatewoosi 19:9) Yihowa Kiristaanu mitte galte sae adhara difajjino.—1 Ximootewoosi 3:2.
LEDDE XIINXALLI
Mine kalaqiˈroottoha ikkittorono ikkano hoogittoro, hagiirraamo ikkanna Yihowa hagiirsiisa dandaatto gara rosi.
4. Adhamittokki nootto yanna seekkite horoonsiˈri
Yesuusi adhammikki heeˈra eltote yiino. (Maatewoosi 19:11, 12) Maatewoosi 4:23 nabbabbe; hakkiinni aante noo xaˈmo hasaabbe:
-
Yesuusi adhama hoogasinni afiˈrino injo Annisira soqqamatenna woloota kaaˈlate horoonsiˈrinohu hiittoonniiti?
Adhaminokki Kiristaani, adhama hoogansanni afiˈrino injo Yesuusi gede danchu garinni horoonsiˈre hagiidha dandaanno. VIIDIYO laˈe; hakkiinni, aante noo xaˈmo hasaabbe.
-
Adhaminokki Kiristaani heeshshonsa hiittee kaajja soqqanshora horoonsiˈra dandaanno?
Ati tenne afootto?
Qullaawu Maxaafi meu dirihu heeˈne adhama hasiissannoro bade dikulanno. Ikkollana, wedellootu “gikki yita geeshsha” yaano siimu xaadooshshi hasatto wolqisse, coye heeshshi gotti asse heda hooltannonsa yanna saˈa geeshsha keeshsha hasiissannonsata kulanno.—1 Qorontoosi 7:36, NW.
5. Galte hayyotenni doodhi
Galte doodha shaaˈˈa coye diˈˈikkitino. Maatewoosi 19:4-6, 9 nabbabbe; hakkiinni tenne xaˈmo hasaabbe:
-
Mittu Kiristaanchi adhate muddama hasiissannosikkihu mayiraati?
Qullaawu Maxaafi dancha galteeti yinanniti hiittoo akati noosetero afate kaaˈlannohe. Roorenkanni, Yihowa baxxanno galte doodhi. b Umi Qorontoosi 7:39 nna 2 Qorontoosi 6:14 nabbabbe. Hakkiinni, aante noo xaˈmuwa hasaabbe:
-
Mittu Kiristaanchi ammanate roduuwisi mereerinni calla adha hasiissannosihu mayiraati?
-
Yihowara iso baxannokkihu ledo adhammummoro mayi macciishshamannosiha lawannohe?
Lame lowo geeshsha babbaxxitino saada mitteenni waanxiro, lamunku gawajjamanno. Hatteente gede, ammantinokkite ledo adhamanno Kiristaanchono lowo qarri amadannosi
6. Adhanna adhama Yihowa laˈˈanno garinni lai
Hundi Israeele waro, mitu labballi uminsa hasatto wonshiˈrate yite adhama diigganno. Milkiyaasi 2:13, 14, 16 nabbabbe; hakkiinni tenne xaˈmo hasaabbe:
-
Yihowa adhama doogimale diingannita giwannohu mayiraati?
Soorronna adhama diiga beebbaataame galtenna qaaqquulle lowo geeshsha gawajjitanno
VIIDIYO laˈe; hakkiinni, aante noo xaˈmo hasaabbe.
-
Yihowa baxxannokkite ledo adhamoottoha ikkiro, adhamaˈne hagiirru noota ikkitanno gede maa assa dandaatto?
7. Yihowa adhantinorira fushshino seera agadhi
Mittu manchi Yihowa adhamino mannira fushshino seera agadhate lowo geeshsha sharrama hasiissannosiha ikkara dandaanno. c Ikkirono Yihowa tenne assitannore maassiˈranno. VIIDIYO laˈe.
Ibiraawoota 13:4 nabbabbe; hakkiinni aante noo xaˈmuwa hasaabbe:
-
Yihowa adhamino mannira fushshino seeri agadha dandiinanniha lawannohe? Mayira?
Batinye gobbara gashshootu adhammanni woyitenna adhama diinganni woyite borreessammara hasiˈranno daafira, Yihowano Kiristaanu hatto assara hasiˈranno. Tiito 3:1 nabbabbe; hakkiinni tenne xaˈmo hasaabbe:
-
Seenne adhoottoha ikkiro, adhamakki gashshootunniwa borreessiisiˈrootto?
MITU MANNI TOGO YEE XAˈMARA DANDAANNO: “Adhamaˈya gashshootunniwa mare borreessiisiˈra hasiissannoehu mayiraati?”
-
Ati tennera mayite qolatto?
XAPHISHSHA
Adhammikkinni heeˈrano adhamano Yihowa eltooti. Adhaminohuno ikko adhaminokki manni Yihowa fajjo ledo sumuu yaanno garinni heeˈrannoha ikkiro, hagiirraamma ikka dandaanno.
Kageeshsha Rosoottore
-
Mittu manchi adhama hoogasinni afiˈrino injo seekke horoonsiˈra dandaannohu hiittoonniiti?
-
Qullaawu Maxaafi ammanate roduuwi mereerinni calla adhe yaannohu mayiraati?
-
Qullaawu Maxaafi kulanno garinni, adhama diiga dandiinannihu mayi maikkiro callaati?
EGENNO LEXXI
‘Ammaninohu’ ledo calla adhamate yaa mayyaate?
“Nabbawaano Xaˈmitanno Xaˈmo” (Agarooshshu Shae, Maaja 1, 2004)
Adhamate hende mitteenni yanna sayisatenna adhamate daafira danchare doodhatto gede kaaˈlitannoheta lame harancho viidiyo lai.
Mittu rodii agurino coyinni Yihowa uyinosiri lowo geeshsha roorannota ammananno gede assinosiri maatiro kulanna macciishshi.
Mittu manchi adhama diigate woy babbaxxe heeˈrate kaˈˈara albaanni heda hasiissannosihu mitu coyi maati?
“Maganu Qixxeessinota Adhanna Adhama Ayirrisse” (Agarooshshu Shae, Sadaasa 2018)
a Lamunku giddo mittu soorrikkinni babbaxxe heeˈrate daafira ledde afate, Guwuursha 4 lai.
b Mitu budira, oosote galte doortannori annahonna amate. Hatto ikkiro, baxillaanchu anninna ama, galte ikkara hendoonni manchi jiro woy dagoomu giddo noosi ayirrinye laˈˈantenni, Yihowa baxannoha ikkasinna hoogasi heda hasiissannonsa.
c Meyate ledo adhamittokkinni mitteenni heedhanni noottoha ikkiro, ise galtekki assiˈrano agurano doodhattohu ateeti.
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
