Mu bingi bipikua, bantu abamba’shi bua kuikala na muloo, abitungu kuikala mu dibaka. Aku namu nta mbantu boso be mu dibaka be na muloo nya, na nta mboso be bukupi bashi na muloo nya. Bible alesha bia binyibinyi’shi, bukupi sunga dibaka nkia buuntu kia kui Yehowa.

1. Ingi miabi kinyi aipeta bantu be bukupi?

Bible akula’shi: “Biabia, wiinyi ayibakila akitshi biya; na wiinyi yawa shayibakila mukishekishe kukita biya.” (Badika 1 Bena-Kodinda 7:32, 33, 38.) Mu mushindo kinyi muikale muntu e bukupi akitshi ‘bikishekishe buwa?’ Muina Kidishitu e bukupi tekalakashaa bua kupua nkalo ya muina dibaka naye nya. Na dingi e na bulungantu bui bungi. Bu kileshesho, bangi be na ngobesha ya kutamisha mudimo wa bulungudi mu mishindo i bungi, bu kuenda mu ma mbalo e lukalo bua nkalungula mukandu wi buwa. Na dingi be na nsaa i bungi ya kutamisha kipuano kiabo na Yehowa.

2. Ingi miabi kinyi aipeta bantu beyibakishene muyile miya ya mbulamatadi?

Nka bi bantu be bukupi, be mu dibaka namu abekalaa na yabo miabi. Bible akula’shi “bantu babidi be na muloo ukile wa muntu umunenka.” (Mulungudi 4:9) Bino abikitshika nka su bena Kidishitu be mu dibaka abatumikila mayi a kulonda a mu Bible mu dibaka diabo. Bantu beibakishene muyile miiya ya mbulamatadi, ebela mutshipo wa kuifulena, kuinemekieshena, na kuileshena kabombeleshi. Pabakitshi bino, ebepusha mu bulami kukila bantu bashale penda mu dibaka bisumanga kushi muyile miiya ya mbulamatadi. Na bantu beibakishene muyile miiya, bana babo abakulaa mu bulami.

3. Yehowa amonaa dibaka naminyi?

Pabadi Yehowa mubungie eyibakishi dia kumpala bambile’shi: “Mulume alekye nshaaye naa nyinaaye bwa kulamata mukashi aaye.” (Kibangilo 2:24) Yehowa akumina’shi mulume na mukashi befulene na bashale pamune bua loso. Mbalombene kuilekene nka su umune a kuabadi batambuka masandi. Mu uno muanda, Yehowa mupe yawa ababaluishisha bulungantu bua kukita kiakia kiakumina pabitale kutshiba dibaka sunga kumufuila lusa. a (Mateo 19:9) Yehowa takumina’shi bena Kidishitu bayibakile bakashi be bungi.​—1 Timote 3:2.

 TUKIMBUULE BOSO

5. Sangula kalolo muntu a kuiyibakishena naye

Kusangula muntu a kuiyibakishena naye nkitshibilo ki na muulo ukata akitungu kuata. Badika Mateo 19:4-6, 9, akupu nuisambile luno lukonko alulondo:

• Buakinyi muina Kidishitu ntamulombene kusangula muntu a kuiyibakishena naye bukidibukidi?

Bible mulombene nkukuasha bua kuuka kiodia kukimba kui muntu okiebe kuiyibakishena naye. Kikile buwa ku bioso, nkukumina muntu mufule Yehowa. b Badika 1 Bena-Kodinda 7:39 na 2 Bena-Kodinda 6:14. Akupu nuisambile ino nkonko:

• Buakinyi abitungu tuiyibakishene penda na muina Kidishitu netu?

• Omono’shi Yehowa apusha naminyi su atuiyibakishena na muntu shi muina Kidishitu netu?

 6. Ikala omono dibaka bu abidimonaa Yehowa

Mu Isaleele a kala, bangi bantu babadi abaipa mabaka bua buwa buabo abo banabene. Badika Malakii 2:13, 14, 16, akupu nuisambile luno lukonko alulondo:

• Buakinyi Yehowa mushikue bantu abaipa dibaka kushi kabingilo kabalesha kui Bible?

Tala VIDEO, akupu nuisambile luno lukonko alulondo.

• Su we muiyibakishene na muntu shi muina Kidishitu, we kukita kinyi bua kuikala na muloo mu eibakishi diobe?

7. Fubisha miya ya Yehowa pabitale eyibakishi

 MU KIKOSO

Bukupi sunga dibaka nkia buntu kia kui Yehowa. Bioso mbilombene kuitutuadila muloo na nshalelo e buwa su atuibisankila muyile kikiebe ki’eshimba dia Yehowa.

Kuambuula

• Muntu e kufubisha kalolo kia buntu kiaye kia bukupi naminyi?

• Buakinyi Bible akula’shi abitungu tuiyibakishene nka na muina Kidishitu netu?

• Kabingilo kinyi penda kamune akalesha Bible bua kutshiba dibaka?