BINELÍWAMI 42
¿Piri aní echi Biblia echi niwíkami alí ke niwíkami jitra?
Wiká pagótami ko mayé japi niwísaré jiti kaníliami nima. Nalí ke sinéami niwíkami kaníliami ju alí ke sinéami japi ke niwíkami ju ke cho kaníliami ju. Echi Biblia aní japi okuánika aʼlá ju, japi niwíkami ju alí japi ke niwíkami ju.
1. ¿Piri namuti omero isiá echi japi ke niwíkami ju?
Echoná Biblia aní japi niwí ko aʼlá isimí, nalí japi ke niwí ko “échiko waminabi galabé olá” (leeri 1 Corintios 7:32, 33, 38). ¿Piri aniwáami ju japi bilé “waminabi galabé olá” ke niwísaká? Japi echi japi ke niwíkami ju ke natia iyénima piri newalé echi upila o kunala ma. Ayénachó aminabi we ikírima isiá jarecho namuti, japi riká biléanachó simiyá nawisasia echi Onorúami Raʼicháala. Ayénachó echi japi ke niwíkami ju aminabi we ikiri che binea Jeobá jitra.
2. ¿Chúsiá we aʼlá ju japi napawika piré aʼlá niwima?
Japi riká we aʼlá ju bineli asiwá, ayénachó we aʼlá ju niwíkami niya. Jiti la echoná Biblia aní: “Wabé aʼlá ju okuaka, ke ko bilepi bi” (Eclesiastés 4:9). Echi riká ju japalí echi niwíkami noká japi riká aní echi Biblia. Echi japi ma aʼlá niwili ma katúwika nokali japi sinibí anakupi niraa galema, riwíwima alí tibuma. Jiti la, ke me majawá japi sapú ku rojama japi riká echi pagótami japi napawika bi piré. Ayénachó iʼwiri jiti echi kúchuwala aʼlá niraa ochérima.
3. ¿Piri aní Jeobá echi niwíkami jitra?
Japalí Jeobá niwítili echi bachá rijoi alí mukí, echi ko jéanili: “Echi rijoi ko riwema kipi onó alí kipi iyé, alí napawika nima echi upila yúa” (Génesis 2:24). Jeobá ko nakí japi echi niwíkami we galema anakupi niraa alí japi sinibí napawika pirélima. Nalí echi ko a riwé japi ku rojama japalí bilé echi, bilecho yúa nasawí. Japalí echi riká ikisaa, echi ko riwé echi japi ke cha isili japi binoy natama achi riwema echi upila o kunala ma (Mateo 19:9) a. Jeobá ko nakí japi echi cristianos bilepi bi pagótami yúa niwima (1 Timoteo 3:2).
AMINABI NATABO JAPI TA BINÉ
Ma binepo piri mi isísaré jiti mi kanílima alí kanílitima Jeobá tákoré mi niwíkami ke o ke niwíkami.
4. Piri mi omeri isiá kecho niwíkami nisa
Jesús ko we natéami niraa ineli ke niwíkami niya (Mateo 19:11, 12). Leérisi Mateo 4:23 alí raʼichasi jepuná jitra:
-
Jiti Jesús ke niwíkami nili, ¿piri namuti omérili isiá nóchilimia Jeobá alí iʼwírimia jarecho?
Echi cristianos japi ke niwíkami ju ayénachó we kaníliami nima a nokisáaká japi riká Jesús. Inesi echi VIDEO alí raʼichasi jepuná jitra:
-
Japi ke niwíkami ju, ¿piri namuti a omero nokayá?
¿Ami machiyé?
Echi Biblia ko ke aní chu ikí bamíbami nisa ma aʼlá ju japi bilé niwima. Nalí a tamó ané japi ta buwésaré japalí ta ma ke remalí nisa, jiti echalí ke mi cho bijí aʼlá nátami ju alí mi we inili bilé yúa nasawínalia (1 Corintios 7:36).
5. We aʼlá natá jépuká mi yúa niwima
We natéami ju japi mi aʼlá natama jepi mi yúa niwima. Leérisi Mateo 19:4-6, 9 alí raʼichasi jepuná jitra:
-
¿Chúsiá echi cristianos bachá we aʼlá natásaré kecho bijí niwía?
Echi Biblia mi iʼwírima machiyá jépuká we aʼlá kunala nima o upila ma. Nalí, ami áasaré bilé mukí o bilé rijoi japi we galé Jeobá. b Leérisi 1 Corintios 7:39, TNM, alí 2 Corintios 6:14. Alí raʼichasi jepuná jitra:
-
Bilé cristiano a natásaká niwimia, ¿chúsiá we natéami ju japi aama bilé japi ayénachó bichíyami ju Jeobá?
-
A niwísaká bilé yúa japi ke bichíyami ju, ¿chu nílima Jeobá?
Napawika nochárisaká bilé iyonsi alí bilé burrito, okuánika we risoa nílima. Echi riká cho nílima bilé cristiano japi niwí bilé yúa japi ke nijéwami ju Jeobá.
6. Piri ané Jeobá echi niwíkami
Chabé, jaré israelitas ku rojali echi upila yúa pe chuwé namuti jitra. Leérisi Malaquías 2:13, 14, 16 alí raʼichasi jepuná jitra:
-
¿Chúsiá Jeobá we kichí japalí bilé ku rojasa bilé namuti jitra japi ke aní echi Biblia?
Japalí bilé niwíkami bilecho yúa nasawisa alí ku rojasa, we risoa níliti echi upila o kunala ma alí echi kúchuwala.
Inesi echi VIDEO alí raʼichasi jepuná jitra:
-
Ami niwíkami nísaká bilé yúa japi ke nijewi Jeobá, ¿piri mi isísaré jiti timí kaníliami nima?
7. Nijéwisi japi Jeobá nulé echi niwíkami
Jaré ko a jilí nirámiré nijewia japi Jeobá nulé echi niwíkami. c Nalí echi ko a iʼwiri japi iʼwérili noká echi nijewia. Inesi echi VIDEO.
Leérisi Hebreos 13:4 alí raʼichasi jepuná jitra:
-
¿Achi mi mayé japi Jeobá nulé echi niwíkami tamó iʼwiri? ¿Chúsiá mi echi riká nata?
Jeobá ko nakí japi echi cristianos aʼlá oselí olama japalí niwisa alí ku rojasa ma, jiti echi riká nulá ne sojí suwaba gobiernos. Leérisi Tito 3:1 alí raʼichasi jepuná jitra:
-
Ami ma niwíkami nísaká, ¿achi timí aʼlá machí japi echi gobiernos ma machí japi timí niwíkami ju?
JAPI NARI JARÉ PAGÓTAMI: “¿Chúsiá ti niwísaré? ¿Achi natéami ju japi ta olabo bilé oselí?”.
-
Mujé, ¿piri mi animea?
JAPI MI BINELI
Jeobá ko we natéami niraa iné japi niwíkami ju alí japi ke niwíkami ju. Jiti la, tákoré ti niwíkami nisa o ke ma, we ti kaníliami nipo ata nijéwisaká japi Jeobá nulá.
Piri mi animea
-
¿Piri omérima nokayá japi ke niwíkami ju nóchilimia Jeobá?
-
¿Chúsiá echi Biblia aní japi ta niwísaré bilé yúa japi bichí japi riká tamujé?
-
Japi riká aní echi Biblia, ¿piri namuti jitra aʼlá ju japi ku rojama echi niwíkami?
JITI MI CHE BINEMA
Echi Biblia aní japi echi cristianos niwísaré echi bi yúa japi bichíyami ju, nalí ¿jépuká ju echi?
“Echi leériami ko machinali” (Echi Nawésami, 1 inárachi julio 2004)
Iné chúriká we aʼlá nátika nokimea japi novios nínali alí japi niwínali.
Iné chúsiá bilé hermano aní japi echi namuti japi olali chabé ke me natéami nili echi namuti yúa japi olá jipi.
Kecho bijí ku rojamia o riwemia biléala, ¿piri natásaré bilé cristiano?
“Echi niwíkami we natéami niraa inésaré japi Jeobá nulá” (Echi Nawésami, diciembre 2018)
b Jaréanami echi wénwala ju japi aní jépuká yúa niwima echi kúchuwala. Echi riká nísaká, echi japi we aʼláala wénwala ju, echi ko bachá iné achi echi mukí o rijoi ma, nijéwami ju Jeobá. Echi jitra ko, ke me natéami ju echi winomí o jarecho si namuti ma.
c Ma mi bilé yúa bitélisaká, nalí ke timí cho niwíkami nisa, mujé binoy natama achi mi niwima o ku rojama.
